🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_55🍒
ممنوع النقل بدون اذن 🚫❌
بعد اسبوع ....
نوقز تيليفونها و كي لعادة طفاتو و ناضت لبست و عدلت و هبطت شربت قهوة و هي تشوف من الشباك نفس الكرهبة الكحلة لي كل يوم من اسبوع تبعها فكل خطوة تخطيها و كل بلاصة تروحلها و ليل لكل تبقى قدام دارها و هي تعرف شكون .. بالطبيعة اوار شكون من غيرو ... توا ليها اسبوع متكلمتش معاه ... تذكرت يوم ناضت و لقاتو حذاها
#فلاش_باك
كانت راقدة حتى حست بشي على خدها و جبيناها فتحت عينيها و شافت اوار ... حسبت روحها تتخل اما كي زادت حلت عينيها لقاتو اوار ... عينيها تحلو على وسعهم و اوار تبسملها و قدم باس خدها خلاها مشوكية
اوار بصوت مليان بحة و رجولي زادة: صباح الخير يا روحي
روبين : ا..اوار
اوار : يا عينين اوار
روبين فركت عينيها و عدلت روحها و هذا لكل تحت عينين اوار لي رجعو قلوب حبيبتو توا قدامو كي صغرونة ... مرتو صغرونتو
روبين : شتعمل هوني كيفاه دخلت
اوار : تعرف لي كي نحب ندخل لاي بلاصة ندخل
روبين شافت فيه
اوار : جيت بش نحكيو يا روحي
روبين على شنية
اوار : مش توا بالاول بش نوكل كريشت مرتي و بعدها نحكيو خاطرني نعرفك كون ماتاكلش بش تاكلي راسي
روبين قحرتلو : مش حابة نفطر
اوار تجاهلها و هزها بين يديه على غفلة خلاها تصيح
روبين : ايييي اوار سيبني
اوار : مش بش نسيبك و صيح منا لغدوة
روبين قحرتلو اما فداخلها فرحانة برشا لي هي فحضنو بلا ماتحس حطت راسها على كتافو و شمت ريحتو لي ليها اكثر من عام مشمتهاش ... ريحتو لي كانت كيف الهواء بالنسبة ليها ... ريحتو لي كانت تتنفس بيها عام كلو فوتاتو بلا بيها ...
هبطو للكوزينة و حطها فوق الكرسي و باس جبينها و مشى يعمللها قهوة ... روبين تبسمت خاطرها تذكرت ذكرياتهم الحلوة الكل .. كيفاه كان دايما يتهلى بيها و يعاملها زي بنتو يعشيها و يعمللها فطور و يوصلها و كلشي ..
حطلها القهوة و قعد مقابلها تبسملها و هي حشمت هزت القهوة و شربت شوية ..
اوار : روبين
روبين هزت عينيها
اوار : خممت فلي قتلك عليه
روبين هبطت راسها و كملت تشرب قهوة لسانها تعقد مقدرت تنطق حتى كلمة .. مهيش متأكدة من الشي لي راح تقولهولو
اوار : روبين نحكي معاك راني
روبين : انعم
اوار مشح على راسو : خممت! ... حركت راسها بايه و هو دقات قلبو بدات تتسارع يستنى فيها فشنوة راح تقول ..
روبين : انا خممت و ... حابة نطلق
اوار قلبو حبس
أنت تقرأ
وجر الحب الجزء 2🍒
Romanceحبوباتي 😍 انا #ايوتة رجعت ليكم بالجزء الثاني من اول كرونيك ليا #وجر_الحب لي نالت اعجاب برشا بنات نشالله راح يعجبكم الجزء الثاني 😘 لي راح يكون فيه برشا حوايج حب و عشق و بلا مننسا التسوفيج 🔞 😘 متنساوش تتفاعلو نحبكم 😘 البنية لي صارت صبية و فتحت ا...
