وجر الحب الجزء 2🍒

الحلقة 58🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_58 🍒
ممنوع النقل بدون اذن 🚫❌

صقر : يخي شنوة بعد ما عتارفلك بلي ماعملهاش بش ترجعلو
روبين : شنية !!
صقر : صدقتو !! شكون قالك بلي ماعملهاش اه
روبين :يخي شمدخلك انتا 
صقر : دخلني خاطرني انا لي كشفتلك حقيقتو انا لي وقفت معاك فمحنتك الكل انا ... اما قبل مايكمل قصت عليه
روبين : يخي حكتك على يدك و قتلك اوقف معايا بالسيف انتا لي حبيت و انا نشكرك برشا على وقفتك معايا اما متحاسبنيش على شنية نعمل و شنية نخمم و سيتو راجلي المشكل بيني و بينو و بش نديرو حل انا و ياه
صقر : توا تقول عليه راجلك ؟؟ بعد ماكنت ماتحملش اسمو و ماتحملش تجبد عليه
روبين : فكل الاحوال هو راجلي كتب عليا الصداق و انا نحمل اسمو
صقر : هذي هي روبين تاع قبل !! يخي شبيك تبدلت اه ولا توا رجعت تحبو
روبين : انا ماتبدلتش و مش راح نتبدل
صقر : و لي تعمل فيه شنوة اه
روبين : ماعملت شي فهمت و معندكش الحق تحاسبني
صقر كان راح يهدر اما جاه بوكس خلاه طايح فالارض روبين شافت راجل لابس كلشي كحل و قبل ماتصيح حكموها زوج من ورا و كروها للكرهبة و هي تصيح
روبين : سيبوووني نهدر معاك سيبني تواااا تواااا ... اما شي صكرو الكرهبة و حرقو الكياس ... فاللحظة لي ديمارات فيها الكرهبة نزل اوار و كرهبة متاع قارد متاعو وراه مشا لصقر و هبط لمستواه
اوار عينيه مضلمين و العصب راكبو : توا نوريك كيفاه تصيح على مرتي
عمل حركة للقارد هزوه و رماوه فالكرهبة و هو ركب كرهبتو و الديريكسيون للدبو ..

من جهة اخرى ...
ايهم : يخي متشوفش قدامك انتي ولا شنية ... هبط راسو لبطاقة الموظف و قرا اسمها .. خنساء ...خنساء اسم غريب برشا و اول مرة يشوف وحدة اسمها هك
خنساء : انت لي متشوفش ماو معروف بلي اعمى
ايهم العصب ركبو كي قاتلو هك و يعرف انو تقصد المرة لي فاتت كي كان راح يضربها بالكرهبة ..
ايهم : توا تشوف شكون راح يولي اعمى ...
شاف راجل جا و وصل عندو : ميسيو سامحنا علي عملاتو خنساء و كتعويض بش يكون لحساب من عندنا .. شاف فخسناء و قحرلها هبطت راسها
خنساء : سامحني ميسو مكانش قصدي ..
و جبدت روحها راحت كملت خدمتها ... و ايهم بقى يشوف فيها اكهو ....

من جهة اخرى
نرجعو لروبين لي وصلوها لقارد لدار كلها كحلة فوسط الغابة و دخلوها حطوها فالصالو و ربطوها فالكرسي بش متتحركش ..
روبين : سيبوني متحشموش و شنية هذا تربطوني سيبووووني
لقارد شافو فبعضاهم و خرجو وقفو عند الباب ... كانت راح تصيح اما عرفت انو تخسر صوتها اكهو و مش بش يسمعولها ..دورت راسها و شافت الدار كلها كحلة و فيها ابيض اما شافت شي جذبها و خلاها تحل عينيها على وسعهم ...