وجر الحب الجزء 2🍒

الحلقة 12🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_12 🍒
ممنوع النقل بدون اذن 🚫❌

فالطيارة قاعد و هي بجنبو تاكل فالشيبس و تحكي مع مومو
هديل : و بعدها شعملت
حميد : تي ماعملت شي خفت يضربني
هديل : بفف مايضربك ما حتى شي ماو المطعم متاعك
حميد : تي راجل مضخم كلو عضلات
هديل : بالحق قلو كيفاه مداير ...ايهاب كي سمعها ماحطش فبالو تحكي على راجل
حميد : تي يفتق يا بنتي اكا الشعر لكحل و عينين زرق يا مامي
هديل : سخفتني نشوفو و زيد ميسكلي ايييي
ايهاب لا تلقائيا شاف فيها و قحرلها عينيها وساعو ..نسات روحها .. نحالها تيليفون
ايهاب : حميد
حميد: اهلا بالعريس
ايهاب: على من كنتو تحكيو
حميد : تي سقسي ساع على حوالي و خباري
ايهاب: حميد قتلك على من كنتو تحكيو
حميد : لاباس راني الحمدالله
ايهاب: حميييد
حميد : بففف كنا نحكيو على الراجل لي ... مخلاهش يكمل و صكر عليه ...
ايهاب قحرلها تقحيرة الموت
هديل : شن..ية شبيك
ايهاب : شبيا و تزيد تحل فمك و تتكلم
هديل : بالاهي علاه مانتكلمش
ايهاب: بحذاك و تتكلم على راجل تحب تهبلني
هديل : حكينا عادي
ايهاب: هديييل ما تخلينيش نهبط عليك السما تسقسي على عضلات و مدري شنية قدامي حطبة انا اه
هديل : لا انت راجلي و حبيبي ... قربت قعدت فحجرو و باست شفافو بوسة خفيفة
ايهاب تكبس من حركاتها نسى لي عملاتو لكل و جبد رقبتها لزها ليه و غطس معاها فقبلة عنيفة برشا خلاتها ترعش كل شفة عاطيها حقها و زيادة ختمها بعضة و جبد عليها خلاها تنهج .. حكمها من دراريها و عبز عليهم خلاها تطلق اه رهوجاتو و همسلخا بصوت مليان شهوة
ايهاب : ليلة تشوف عضلات راجلك شنوة راح يعملو فيك
هديل حمارت برشا و لي زاد خلاها تحمار اكثر لما دخلت المضيفة و لقاتهم فهذاك الموضع حمارت حطت الما و خرجت
هديل : اففف شافتنا توا تقول كانو يعملو فشي
ايهاب : تقول لي تحبو حلالي راك #### وقت مانحب و وين مانحب
هديل خلاص تحولت للون الاحمر ضرباتو على كتفو : ايهااااب
ايهاب : شنوة نهدر فالحق ...
كمل الوقت لكل و هو يحشم فيها ماو يحبها برشا كي تحشم .. نوقز تيليفونو لي لقاتو هديل مهرب و رجعت لبلاصتها هز لقاه ثيو
ثيو : ايهاب وينك
ايهاب: فطيارة
ثيو : فما خبر راح يشوكيك
ايهاب : خير شنوة صار ؟
ثيو: جاوني معلومات عليها .. ايهاب شاف فهديل و ناض راح لتوالات
ايهاب : لقيتوها ؟
ثيو : مش متأكد انو هي اما ممكن تكون هي
ايهاب: شمعنى مش متأكد
ثيو : ماو غيرت اسمها و زيد ..
ايهاب:  زيد شنية
ثيو : عندها طفل
ايهاب: شنيييية !!!
ثيو : هكا يقولو لمعلومات لي عندي
ايهاب: اوار يعرف
ثيو : لا مزال مقتلوش بش نتأكد بالاول
ايهاب: باهي اتأكد و قلي
ثيو : باهي وانتا خبرني كي توصل
ايهاب: باهي ... و صكر و رجع لبلاصتو
هديل : شنوة صار
ايهاب: حتى شي يا روحي خليلي عقلك مرتاح
هديل : نحب نعرف
ايهاب: انتا خمم فشنوة راح نعملك الليلة و توا تنسى ..
هديل عينيها وساعو و ضرباتو على يدو : مسخ
ايهاب ضحكتو لعلعت الطيارة ....

من جهة اخرى ...
قاعد فمكتبو مركز برشا مع البيسي حتى انو ماسمعش الباب كي دق .. دخلت السيكريتارة متاعو

ذكرى : مسيو اوار
اوار فيقو صوتها و دارلها وجهو بارد و ما مبين حتى شى : شنوة قتلك عدخول هذا
ذكرى : سامحني مسيو انا دقيت اما انتا مسمعتش
اوار : باهي قلي شنوة تحب
ذكرى : مسيو جليل هوني
اوار : دخلو و جيب زوج قهوة
ذكرى : باهي
وقف اوار كي شافو
اوار: مرحبا بيك
جليل : و بيك ولدي يعيشك ..قدم عندو اوار و عنقو ..جليل راجل كبير و صانع مجوهرات مشهور برشا
اوار: تفضل .. قعدو و جابت ذكرى القهوة و خرجت
اوار: نعرف بلا قهوتك متنجمش
جليل تبسم : تعرفني يا ولدي