وجر الحب الجزء 2🍒

الحلقة 32🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_32  🍒
ممنوع النقل بدون اذن 🚫❌

اوار وصل لوين تسكن نزل بكل وهرة و رجولة عينيه مظلمين يمشي و يحسب فالخطوات همو الوحيد يوصل و يعنقها ... همو الوحيد انو يديها معاه رضات ولا لا هي مرتو و حياتو ... عام لي فات عليه بلا بيها  جحيم و مش بش يسمحلها تخليه مرة اخرى ... مستحيل يسمحلها .. وصل لباب دارها و بدا يدق هو ب
يعرف انو هي لداخل خاطر سقسى البواب

نرجعو لروبين لي قلبها حبس مش مصدقة انو لقاها .. لحاجة الوحيدة لي تتمناها ت ا انو كلشي يكون كابوس اكهو و تنوض منو توا اما لا و توا كي نطق عرفت انو صح
اوار بصوت يفجع : روبين حلي لباب توا
روبين كي سمعت صوتو قلبها توقف فوسط النبضة .. صوتو لي تحبو برشا ... صوتو لي توا ليها عام مسمعاتوش .. من جهة توحشاتو برشا و من جهة مش طايقة تسمع لا صوتو و مش طايقة تشوف وجهو .. صوت الباب قوا راح يكسرو
اوار : روبييين حل ### الباب توا
ايهم و سيرين شافو فبعضاهم يستناو فيها و فشنوة راح تعمل اما روبين تكبست فبلاصتها مش قادرة تعمل حتى شي حاسة روحها مربوطة فبلاصتها و مش قادرة تحرك حتى عضو ...
اوار : رةبين عيش حبي حل الباب خلي نتفاهمو بش نشرحلك كلشي يا روحي ...
روبين كي سمعت الكلمات لي كان يقولهملها الدموع نزلو و حاسة بحاجة تنخز فيها فقلبها و النفس تغلق عليها
اوار قلق برشا : روبيين حل ### الباب لا نكسرو ... و كمل يخبط عليه مش متحمل لي تعمل فيه هو يحب يفهمها و يشرحلها كل شي و يعنقها و يحس بيها ... يحب يعنقها اكهو بش يحس روحو رجع للحياة خاطرو من غيرها مكانش عايش .. كان جسد بلا روح اكهو
روبين حست النفس تقطعلها و مع سمعت الباب دق اخر دقة كل شي ظلام فوجها و طاحت فالارض ... و غرقت فعالم الظلام لي فلحظة هذي انقذها ..
سيرين تفجعت و ايهم جرا عندها و هزها مش مصدقين انو فقدت وعيها سيرين هزت ساكها
سيرين : لازم توا نديوها للكلينيك توااا
ايهم هزها و سيرين هزت مفاتح الكرهبة و مشات حلت الباب قابلها اوار لي حس قلبو حبس كي شافها دايخة فيدين ايهم لي هازها ...
اوار : روبين ...