🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_80🍒
ممنوع النقل بدون اذن 🚫❌
فاتو يامات ...
ايهم و خنساء تعلقو ببعض برشا برشا حتى انهم وصلو لمرحلة الحب ...المرحلة لي ناس لكل تحب توصللها و تحب بقلبها و تعشق و تعيش مع الشخص لي ملك قلوبهم ..
الحب لي هو شرط انو سعادتك تعتمد على الشخص الاخر ..فالحب تتقاسمو كل شي ..
السعادة ،الحزن،الماكلة ههه كل شي ... انقى المشاعر هي الحب تخليك تحس انك حي و انك عايش لسبب لي هو الشخص لي تحبو ...و فما الحب الحقيقي لي هو برشا نادر خاطرك هوني روحك تعرف انو روح الشخص الاخر هي متاعك و انتا متاعو لي يبدا بنظرة عين اكهو ... يتلاقاو العيون و تبدا قصة حب جديدة ..
خنساء : وين رايحين
ايهم تبسم : ماو قتلك مفاجئة
خنساء : باهي بش نسكت هاه ... و عملت حركة متاع قفلت فمها تبسم و بربشلها شعرها خلاها تضحك ... شوي هك و وصلو لبيت امو سيرين نزلو و بداو يمشيو
خنساء : بيت شكون هذا
ايهم : بيت امي
خنساء حبست و ايهم دار عندها : ايهم قتبك مش واجدة علاه تعمل هك و تحطني قدام الامر الواقعي
ايهم : نعرف يا روحي اما بش تفوت و تتهنى ماو مل مرة نقولك قابلها و انت ترفض كون منعملش هكا مش راح تقابلها من الخوف متاعك
خنساء : و لوكان منعجبهاش
ايهم : اذا معجبتهاش كل حد فطريقو
خنساء حلت عينيها على وسعهم
ايهم ضحك و لزها عندو : نفدلك يا روحي تي بش تعجبيها زي ماعجبتني
خنساء ضرباتو على كتافو : سامط
ايهم ضحك و باس جبينها : سامط اما تحبني
خنساء حمارت و هبطت راسها ...مشاو و دخلو
ايهم : امي
جات سيرين خارجة من الكوزينة : مرحبا مرحبا ... و قدمت عندها
سيرين : هذي هيا ... و شافت فيها بنظرة حادة
ايهم : ممم هذي هي
خنساء خافت برشا من ردة فعل امو : عسلامة انا خنساء متشرفين مدام سيرين
سيرين شافت فايهم و رجعت شافت فيها و هوني خنساء عرفتها ل
بلي معجبتهاش جملة اما لي قالاتو بعدها غيرلها رايها
سيرين تبسيمتها وساعت و جبدتها عندها عنقتها : مرحبا بيك فدارك عزيزتي و منا وجاي قلي امي يعيش بنتي .... جبدت عليه
سيرين : تي مقلتليش بلي تفتق هك الكل ماشاء الله
ايهم تبسم و خنساء حشمت برشا فوسطهم ...
سيرين : ايجو محظرتلكم غدا يهبل ايجا عزيزتي .... و هوني تعرفو اكثر و سيرين حبتها برشا لخنساء و سعادة ايهم دنيا و ماتوسعهاش ... ايهم و اخيرا وقع فمصيدة الحب و توا بقى كان ياخذ حبيبتو و يعيش معاها اجمل حياة
أنت تقرأ
وجر الحب الجزء 2🍒
Romanceحبوباتي 😍 انا #ايوتة رجعت ليكم بالجزء الثاني من اول كرونيك ليا #وجر_الحب لي نالت اعجاب برشا بنات نشالله راح يعجبكم الجزء الثاني 😘 لي راح يكون فيه برشا حوايج حب و عشق و بلا مننسا التسوفيج 🔞 😘 متنساوش تتفاعلو نحبكم 😘 البنية لي صارت صبية و فتحت ا...
