وجر الحب الجزء 2🍒

الحلقة 67🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_67🍒
ممنوع النقل بدون اذن 🚫❌

جبدت عليه و تبسمتلو و حكمت خدودو
روبين : انا مش مصدقة لي انت توا قدامي و انا فحظنك
اوار تبسم و باس يديها : صدق يا روحي صدق خاطرني من اليوم مش بش نسيبك ابدا حتى كي تروح للتوالات حظني من اليوم هو بلاصتك و مش بش تنوض منها
روبين ضحكت و باست خدو و دارت تفكرت لي راهم فالطيارة
روبين : وين رايحين توا
اوار هزها لي خلاها تلصق فيه كثر و تزير عليه زادة و هوني طلعت سخانتو و مش راح تطفى ( لمرة هذي متطفاش 😂😂😂)
اوار : رايحين لوجر حبنا الجديد يا روحي
روبين تحمسيت و تبسيمتها ملات وجها : بالحق😍 وين
اوار باس خشمها : كي نوصلو و تعرف يا روحي .. و مشى وصل للكرسي و قعد و قعدها فالكرسي اما للحظة تكبس خاطرها قعدت على ولي العهد بالضبط ... خذا نفس و لزها عندو
اوار: تحب حاجة يا روحي
روبين حطت راسها فرقبتو : لا مدامني فحظنك منحب شي
لزها عندو و غمض عينيه و توا اخيرا مرتو صغرونتو فحضنو و مش راح يسيبها ...
بعد ساعتين وصلو ... اوار سمع الطيار يقول بلي الطيارة حطت حل عينييه و شاف فصغرونتو و ابتسامتو ترسمت من الوذن للوذن توا بالخق الفرحة مش سايعاتو ... نايمة كي الملاك هزها و مشا هبط من طيارتو و مشا للكرهبة لي ديجا لقاها واجدة ركب و هي فحظنو مبغ
اش يفيقها خاطرو يعرف بلي مرتو صغرونتو تحب النوم برشا ... الششوفور بدا يسوق و هو طول الطريق يشوف فصغرونتو اكهو خاطرها هى دنيتو ... وصلو لوجر حبهم تبسم و الشوفار حللو الباب و نزل مفيقهاش طلع لغرفتهم ...غرفتهم شحال حلوة كي قالها ... حطها و غطاها و باس جبينها و خرج هبط للكوزينة بش يعمللها قهوة و حليب و بلا ماينسى القاطو ... تبسم و تذكر كلامو مع ايهم ...

#فلاش_باك
طبطب الباب ناض فتحو لقاه ايهم
اوار : شمجيبك هوني
ايهم : عيب عليك تخليني واقف هوني خوك راني
اوار قحرلو و خلاه يدخل بعد ماقعدو
اوار : اذا مش ناوي تتكلم هوكا الباب كيما دخلت اخرج
ايهم : نحب نحكي على روبين
اوار شاف فيه و قحرلو تقحيرة الموت : اسمها مايجيش على لسانك
ايهم تبسم : روبين
اوار صكر عينيه و حلهم كان راح ينوض اما كي ضحك ايهم حبس
ايهم : تي اختي منجيبش اسمها على لساني ميجيش راهو
اوار صغر عينيه فيه : اختك ؟
ايهم تبسم : ايه اختي و شنية راح تكون يعني
اوار حس بارتياح كي سمع كلمة اختي ولا كان راح يذبحو هوني
ايهم : اسمعني نعرف لي انتا تحبها برشا و هي زادة لتوا تحبك و تعشقك
اوار قلبو نبض بسرعة : شكون قالك
ايهم تبسم : هي لي قالت ... اوار تبسم
ايهم : انا نعرف لي انتا مش راح طلقها صح ؟
اوار : تعرف حد ستسلم على روحو
ايهم : نعرف ... اما نعرف لي انتا مستحيل تسمح فيها .. بعد لي قلتو حالتها النفسية تدهورت برشا
اوار : نعرف اما متخافش بش ترجع احسن من قبل
ايهم تبسم و اوار زادة تبسملو ...