وجر الحب الجزء 2🍒

الحلقة 45🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_45 🍒
ممنوع النقل بدون اذن 🚫❌

كان قاعد بعد ماوصلو ميساج انو ايهاب و هديل وصلو و توا رايحين لروبين حط تيليفونو و ناض هز سيجارة و راح للبالكون يتكيف اما وصلو ميساج راح شافو و هوني كانت الصدمة ... فوطوات متاع مرتو معنقة ايهم عينيه ظلامو و تيليفون لي كان فيدو خبطو فالحيط تفتت هز مفاتح كرهبتو و خرج ...

من جهة اخرى ...
كانت قاعدة مع ايهم ..
ايهم : و توا شنوة
روبين : شتقصد
ايهم مسح على وجهو : مدامك خلاص متحب تهدر معاه ماحتى شي طلق و اتهنى
روبين حطت كاس القهوة : بش نقرر وحدي 
ايهم : ليك عام و انتي تحبي تقرري اما مقررتي شي
روبين : ايهم بربي ... اما قبل ماتكمل قص عليها
ايهم : قرر توا مفماش وقت هو لقاك هلاص مفماش احتمال انو مبلقاكش او الاحتمالات لي تعمل فيهم فعقلك امحيهم توا فما حقيفة وحدة اكهو انو لقاك و هو هوني فهمت قاتل والديك هوني
روبين على كلمة قاال والديك حست بقلبها كانو موس دخل فيه ..عينيها تعمرو دموع
ايهم كي شافها هكاك ندم علي قالو ..فلحظة  زلق و قال لي كان مهبي فقلبو
ايهم :نملتي انا مقصدتش ...اما قصت عليه 
روبين : تعرف انو القلب هذا ماينبض كان لراجل واحد اكهو ... لي هوا اوار فهم ..هو اكهو رغم لي عملو لكل و رغم اني كرهتو الحب والعشق لي نحسهم تجاهو لكل تحولو لكره اما ...  دموعها نزلو
روبين : مهما عمل مقدرتش ننساه مقدرتش تعرف انو كل مرة حد يقولي روحي و طلقي نتمنى اني نموت و منعملهاش منقدرش ايهم افهمني اهئ اهئ ... ايهم عزت بيه برشا قرب عنها و عنقها لي خلاها تبكي فحضنو ..
ايهم : باهي اهدى توا يا نملتي
روبين : انا ... انا نحبو برشا
ايهم باس جبينها : نعرف يا نملتي نعرف اما متنساش لي عملو
روبين : و هذا لي يحرق روحي انو عمل لي عملو
ايهم : انسى توا شنوة رايك نخرجو نتعشاو برا
روبين حركت راسها بلا
ايهم :باهي بش نطلب بيتزا و بش تاكلها مفماش لا لمرة هذي
روبين تبسمت :باهي ..
هوما هكاك و يدق الباب ناضت روبين و راحت تحل و هوني كانت المفاجئة .. صحبتها و اختها هوني قدامها بعد.فراق عام و اخيرا تجمعو من جديد
هديل و الدموع فعينيها : روبين
روبين زادة دموع فعينيها : هدييل ... و كل وحدة عنقت اختها و الدموع ينزلو من عينيهم لزوج ..
هديل : توحشت برشا يا روحي
روبين : و انا زادة توحشتك برشا
ايهاب : انا هوني رجل كرسي
روبين شافت فيه و تبسمت و قدمت عنقاتو : توحشتك يا رجل كرسي
ايهاب : و انا زادة توحشتك يا زرودية
روبين قحرتلو خلاتو يضحك .. بعد مادخلو و تعرفو على ايهم بداو يحكيو هديل مع روبين حتى الباب بدا يدق راح يتكسر جات راح تنوض روبين اما ايهم ناض هو بش يفتح .. فتح و ....