🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_23 🍒
ممنوع النقل بدون اذن 🚫❌
اوار تكبس بكلو كي سمع اسمها من فمو .. نملتو اسمها روبين ... روبين مرتو ... نملتو ....
اوار شاف فيه لقاه ياكل عادي : هي ...هي من تونس ؟
ايهم : روبين ؟ ..اوار حرك راسو بايه
ايهم : لا مش تونسية من هوني اما تتكلم عربي
اوار رفع حاجب : كيفاه يعني من هوني و تتكلم زينا ؟
ايهم : والديها يعرفو و هي ولدت هوني علموها
اوار فقد الامل حرك راسو بايه و هبط راسو رجع ياكل اما مقدرش قعد يحرك فالماكلو اكهو .. رجعت سيرين
سيرين : اصلا عندها ضيف متقدرش تجي
ايهم : و زادة مريضة
سيرين : حتى لو كانت مريضة نعرفها متردنيش كي نقولها ارواحي اما مقدرتش معاها اكا صديقها شنية اسمو نسيت .. ص.. و قبل ماتكمل ايهم عمل روحو الماكلة حصلتلو
سيرين سمالله عليك ولدي كول بعقلك ..عطاتو كاس ما شربو
ايهم : بنينة ماكلتك امي عليها حصلتلي
سيرين تبسمت : امم العبها عليا
اوار بقى يخمم فالهدرة لي كانت راح تقولها و علاه كل مرة تجي تهدر على طفلة هذي لي اسمها روبين يقطعها ايهم فما شي غريب يصرا .. فيقاتو من سرحتو سيرين كي حكمت يدو
سيرين : شبيك عزيزي معجباتكش الماكلة
اوار: لا امي بنينة برشا يعطيك صحة
سيرين : شبيك متحبش تاكل
اوار : شبعت اكهو ...شوي هك و نوقز تيليفونو .. شاف لقاها امو زينب
اوار: سامحوني لازم نرد ..و ناض هز على زينب
اوار : زنوبة
زينب : والله ماتحشم هاه
اوار: شعملت
زينب : تي امك راني شنوة زنوبة هذي لي يقول قدك
اوار: ماو مزالك صغيرة
زينب : اممم و زيد تفدلك عليا
اوار نحكي فالصح وراسك يالغالية مانفدلك
زينب : نعرف مزالني صغيرة
اوار: بدلت رايي كبيرة
زينب : تي اسكت بليد
اوار تبسم : شنوة حوالك
زينب : لباس يا ولدي الحمدلله الممرضة لي جبتها قايمة بيا
اوار: طمنتيني
زينب : شنوة صار لقيتها
اوار : ايه لقيتها توا معاها و مع ولدها
زينب : ولدها ؟؟؟ تزوجت ؟
اوار: لا تبناتو
زينب : و روبين .. فما خبر عليها ؟
اوار جرحو حسو انو كل مايقولو اسمها يغماق : لا
زينب غاضها اوار برشا : بش تلقاها يا روحي و عن قريب زادة
اوار: نشالله امي ادعيلي اكهو
زينب : دايما يا روحي ندعيلك .. قلي وكتاه مروح
اوار : سمانة جاية
زينب : باهي يا ولدي توا روح كمل اقعد مع امك و سلم عليها برشا
اوار : يبلغ .. اتهلا فروحك باهي
زينب : باهي ولدي وانتا زادة ... صكر و مشى للكوزينة سمع ايهم يهمس لامو
ايهم : مش بش تقوليلو باهي
سيرين قبل ماتجاوب دخل عليهم اوار و عينيه مركزين على ايهم ..توا تأكد لي هو مخبي عليه شي... و شي مهم زادة
سيرين : ايجا عزيزي
اوار قعد و قالها تسلم عليك امو زينب لي حكالها عليها ..
اوار : انا بش نروح ممكن بعد يومين
سيرين : شنيية
اوار شاف فيها وحكم يدها :لازم نروح فما برشا حاجات خليتهم ورايا و منهم خدمتي
سيرين : مشبعتش منك و بش تروح و تخليني
اوار: متعملش هكا امي بش نرجع
سيرين : فما حفلة متاع جمعيننا بعد اربع ايام عالاقل اقعد احضرها
ايهم حل عينيه على وسعهم و حب يقولو لا روح و مفماش لا حفلة لا حتى شي اما سكت
اوار :منضمنلكش نحضر اما بش نبقى حتى يومين
سيرين : باهي ..و تبسمتلو ..
أنت تقرأ
وجر الحب الجزء 2🍒
Romanceحبوباتي 😍 انا #ايوتة رجعت ليكم بالجزء الثاني من اول كرونيك ليا #وجر_الحب لي نالت اعجاب برشا بنات نشالله راح يعجبكم الجزء الثاني 😘 لي راح يكون فيه برشا حوايج حب و عشق و بلا مننسا التسوفيج 🔞 😘 متنساوش تتفاعلو نحبكم 😘 البنية لي صارت صبية و فتحت ا...
