🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_56🍒
ممنوع النقل بدون اذن 🚫❌
#فلاش_باك
اوار: ش..نية
روبين مقدرتش تشوف فيه و تعاود هدرتها
اوار عينيه ظلامو هز يدو و خبط الطابلة خلاها تتفجع : نهدر معااااااااك شقلت
روبين الخوف سكنها تعرف لي توا مش فعقلو و كلمة الطلاق خرجاتو من عقلو
اورا : تكلللللم
روبين تشجعت و نطقت لي قالاتو من قبل : نحب نطلق
اوار خلاص قلبو تكسر بعد ماحط فبالو انو خلاص بش تسامحو و يرجعو احسن من قبل و تنورلو حياتو من جديد اما قالت الكلمة الوحيدة لي فحياتو ماخمم انو راح تقولها ... الطلاق ... مرتو صغرونتو تحب تطلق ... حط يديه على راسو و غمض عينيه مش مصدق انو الكلمة هذي خرجت من فمها ..اما مش راح تنطقها من جديد هذي اخر مرة حل عينيه المظلمين و هز راسو شاف فيها بشوفة ترعب خلاتها تبول تحتها من الخوف ناض و مش قابلها و هي قاعدة
اوار بصوت يرعب : اخر مرة تنطقها الكلمة هذي فهمت
روبين جات تهدر اما قص عليها كي صاح
اوار : فهمت
روبين تفجعت و كانت راح تحرك رايها بايه اما لا خلاص راح تقولها و يصرا لي يصرا .. دزاتو و ناضت خلاتو مشوكي
روبين : بش نقولها و نعاودها نحب نطلق فهمت نحب نطلق
اوار عمل بوكس بيدو و حب يكسر كلشي و عينيه ظلامو خلاص مابقاش فيه عرق صحيح هز كاس القهوة و خبطو للحيط خلاها تصيح
روبين : شتعمل
اوار لزها عندو و حكم شعرها و لاحم شفافو مع شفايفها لاول مرة بعد عام ملو و دخل معاها فبوسة توصف شوقو و العصب لي ركبو توا و كلشي فيها .. الكلمات لي مقالهمش الكل وصفتهم هاذ البوسة شوي بشوي عنف البوسة و لزها عندو اكثر خلاها تحاوطو بيديها من رقبتو لي فرحو رغم العصب لي فيه ماجبد عليها حتى حبسلها النفس خلاها تنهج حط جبينو على جبينها
اوار بصوت مبحاح خلاها ترعش : اخر مرة نسمع الكلام هذا من المكرزين متاعي باهي يا حبي ... باس جبينها و خرج خلاها دايخة مش عارفة لي صرا ...
#فلاش_باك_اند
بعد لي صرا مزادتش شافاتو من هذاك اليوم .. اما الرجال لي حطهم يعسو عليها تشوفهم فكل لحظة مش راح يخطيوها ... هزت صاكها و خرجت ديريكسيون للكلينيك
أنت تقرأ
وجر الحب الجزء 2🍒
Romanceحبوباتي 😍 انا #ايوتة رجعت ليكم بالجزء الثاني من اول كرونيك ليا #وجر_الحب لي نالت اعجاب برشا بنات نشالله راح يعجبكم الجزء الثاني 😘 لي راح يكون فيه برشا حوايج حب و عشق و بلا مننسا التسوفيج 🔞 😘 متنساوش تتفاعلو نحبكم 😘 البنية لي صارت صبية و فتحت ا...
