وجر الحب الجزء 2🍒

الحلقة 85🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_85🍒
ممنوع النقل بدون اذن 🚫❌

كانت فالكوزينة طيب فالغدا حتى تقلبت معدتها و جاها القي جرات للتوالات و تقيات ردت لي فطراتو الكل ... مشات لبيت البانو و غسلت فمها و وجها و شافت فالمراية حتى تحلو عينيها على وسعهم ..خرجت تجري و هزت تيليفونها شافت لادات لقات بلي مدام روج توا ليها سمانتين متأخرة ... طلبت هديل
هديل : روبين
روبين : هديييلكاجاتنيشليهاتواسمانتيششيعني ... اما قبل ماتكمل قصت عليها هديل
هديل : تي احبس احس خوذ نفس و عاودلي بالعقل باهي
روبين : باهي ... خذات نفس و هدات روحها
هديل : توا عاودلي شنوة لي صار
روبين : تي تأخرت مدام روج برشا ليها سمانتين توا
هديل : تصرا عزيزتي عادي
روبين : تي لا و تقييت زادة
هديل : بالحق
روبين : ممم و الصباح فالفطور دارو عليا خلاقي و الدوخة جانتي تي بالسيف بش وقفت بش منخليش اوار يشلق
هديل : اسمع نقولك توا تمشي تشري تاست باهي
روبين : باهي .. يعني ممكن نكون ...
هديل : ايه يا روحي ممكن و ياريتك تكوني بش تصيري احسن ام و احسن خالو و انا زادة بش نكون خالة
روبين تبسمت و من الفرحة سوطات و مشات بدلت دبشها بزربة هزت تيليفونها و صاكها و كي جات خارجة نذكرت اوار .. طلباتو و فالرنة الاولى هز
اوار: نعم حياتي
روبين : ديرونجيتك ؟
اوار تبسم : ميسالش يا روحي مرتي راك مستحيل ديرونجيني
روبين تبسمت : بش نطلب منك حاجة
اوار: اطلب لي تحبو صغرونتي
روبين : حابة نخرج توا
اوار: لا
روبين : علااااه مليت هوني عيشك اوار مترفضش
اوار : قتلك لا منعاودش كلامي
روبين كمشت ملامحها بش تبكي : افففف منك نكرهك ...و صكرت عليه
اوار من الدهشة بقى يشوف فالتيليفون مش مصدق صغرونتو قالت هكا العصب ركبو و عاود طلبها مرة مرتين خمس مرات اما ماتردش بش يطلبها المرة هذي و اذا مردتش بش يخلي شغلو و يروح يكسرلها فمها ..اما المرة هذي ردت
اوار: اااااخر مرة تسمع فياااا اخر مرة تخرج فيها اكا الكلمة من فمك و لا والله يا روبين المرة الجاية بش نعمل شي مايعجبكش ... كي صاح فالتيليفون رعبها و دموعها نزلو
سكت و يسمع فيها تبكي
روبين : اهئ اهئ اهئ
اوار مسح على وجهو عزت بيه برشا : خلاص صغرونتي يعيشك ماتبكيش امسح دموعك هيا يا مرتي الفحلة
روبين : ماتصيحش عليا
اوار: اخر مرة حبيبي نوعدك باهي
روبين : باهي ... قالتها بصوت حزين برشا خلاتو يحب غير يروح يعنقها
اوار: توا اخرج وين تحب اما قول للقارد يجيو معاك باهي صغرونتي
روبين عينيها رجعو قلوب و تبسمت بش خطتها نجحت  : باهي مرسيييي برشا حبييبي نحبك
اوار تبسم : وانا نموت عليك ... صكرت و خرجت راحت للفارماصي و معاها القارد طبعا و كي خرجت راحت للمول خاطرو قريب و هي حبت تشوف النتيجة نزلت و جرات للتوالات ...