وجر الحب الجزء 2🍒

الحلقة 66🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_66🍒
ممنوع النقل بدون اذن 🚫❌

ثواني و تحل الباب و قابلها ... هوني عينيها خرجو مش توسعو اكهو من الشخص لي قدامها
اوار : شبيك تصيح شفما
روبين : ا....ا....اوار
اوار: يا روحي شبيك صرالك حاجة
روبين مش مصدقة لي هو هوني قدامها ... حبيبها و راجلها لي توا ليها سمانتين مشافاتوش و محستش بحنيتو معها رغم راسها القاسح و خشونيتو والكلمات لي قالتهم بقى كل مرة يرجع ليها خاطرها هي ملجأو و هي زادة هو ماجأها الوحيد ... مش مصدقة ... مش مصدقة
اوار : روبين ... و هوني كانو فيقها من سرحتها ناضت و وقفت فوق السرير و جرات عندو تلاحت عليه خلاتو يرجع خطوات لورا
روبين : سامحني سامحني سامحني سامحني
اوار فرح برشا و الفرحة مش سايعاتو
اوار: خلاص يا روحي وفا كلشي
روبين دورت يديها على رقبتو و رجليها على وسطو و زيرت عليه بش مايهربش (معلابالهاش بالسخانة لي راح تطلع😂😂): سامحني يعيشك مكانش قصدي نقول لي قلتو
اوار : اشششت توا قتلك وفا
روبين حركت راسها بلا و بدات تبكي و دموعها يهبطو على رقبتو لي حشرت فيها راسها
مشا للسرير و قعد و هي لاصقة فيه كي لي راح يهرب ضحك
اوار: اخزرلي يا روحي
اما روبين تبكي اكهو معرفتش من الفرحة ولا من الندم لي قتلها الاحساس متاعو
اوار: عيب متسمعش كلام راجلك يا روحي ... اخزرلي هيا مريتي
روبين جبدت عليه و الدموع فعينيه و مهبطة راسها
اوار عزت بيه برشا حب يهزها و يحطها بين ضلوعو ... هزلها راسها بصباعو و مسحلها دموعها
اوار: مش قتلك منحبش نشوف دموعك مرة اخرى هممم ولا متسمعش كلام راجلك
روبين حركت راسها بلا و هو تبسم و باس عينيها و حكم خدودها
اوار: اخزرلي يا حبي
هزت عينيها و خزرتلو
روبين : سامحني انا ..انا مكانش قصدي اهئ اهئ
اوار : شششش شقتلك وفا و توا مش بش نحكيو فلي فات باهي احنا غلطنا فلي قلناه اما غلطتك انتي لكبيرة
روبين : اهئ اهئ نعرف
اوار تبسم : اما ميهم شي توا خاطرني مستحيل نخليك ولا نطلقك هذي تنحيها من دماغك الصغرون باهي يا مرتي
روبين حركت رايها بايه و تبسمت
اوار تبسم و عنقها و هي زادة عنقاتو و زيرت عليه
اوار شم ريحتها لي توحشها برشا و توا لثنين بعد عام قدرو يرتاحو فحضن بعض و يتنفسو ريحة بعض
اوار: نعشقك يا روحي نعشقك ... و هي زيرت عليه برشا قريب خنقاتو مش مصدقة لي هوا توا بجنبها و هي فحظنو