وجر الحب الجزء 2🍒

الحلقة 64🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_64🍒
ممنوع النقل بدون اذن 🚫❌

روبين خرجت تجري وصلت للكرهبة متاع ايهم و حطمت فيها ... النفس حبسلها مش مصدقة انو خلاص راح يطلقها اوار ...
روبين : لا اهئ اهئ اهئ لااااااااا ... طاحت فالارض و لحقها ايهم
ايهم : رووبين ... و هبط عندها
روبين : لاااااااا يا ربي لااااا انا ...انا منحبش انتا غلطت و مش حابة نطلق انا نحبو
ايهم : نعرف يا روحي ...و لزخا لعندو عنقها
روبين : اهئ اهئ انا نعشقو يا ايهم و غلطت كي خشنت راسي اهئ اهئ
و حكمت فقلبها حساتو تعصر عليها و بش يحبسلها النفس
روبين : انا لازم نطلب السماح انا ...انا مش بش نخليه ... ناضت و مشات خطوة طاحت داخت
ايهم : رووووبين ... جرا عندها و هزها فحملتو و حطها فالكرهبة و داها للكلينيك ...

بعد اسبوعين ...
قاعدة تشرب فالنعناع و مقابلتها روبين في سريرها مناضتش منو توا ليها سمانتين .. بعد ماداخت و داها ايهم للكلينيك رجعت و حالتها النفسية تدهورت برشا و لي زاد عليها اوار راح و مزادش بان خلاص ... سمانتين الكل و هما يتعذبو بعاد على بعض ... كل واحد فيهم ندمان على الشي لي قالو ...
هديل : روبين قوم عيش اختي يزيكش من القعدة هوني قوم اخرج شم شوي هوا
روبين حطت مخدة فوق راسها
هديل : اوووف ... حطت كاس نعناعها و ناضت نحاتلها المخدة
روبين : هديل بجدك .. قتلك ابعدني مش قايمة و مش بش نقوم
هديل : ياخي عجباتك حالتك هكا
روبين قعدت : شتحبني نعمل اه نقوم و نكمل حياتي كلي ماصرا والو كلي ماخسرت راجلي و حب حياتي
هديل : عملتها بفمك و راسك الخشين شفت توا وين وصلت
روبين قحرتلها : بالاهي زيد زيد عليا انتي زادة
هديل نفخت و قعدت حذاها : شوف نقولك راك اختي و نحبلك كل خير فهمت قوم حوس عليه اطلبو فالتيليفون منعرفش اعمل حاجة و متبقاش هك
روبين : ماو عملت كلشي طلبتو اما مايردش و منين راح نلقاي مافيا راهو حد مايعرف بلاصتو
هديل : قوم توا اخرج
روبين : يخي تحاوز فيا من داري
هديل : ايه ماعجبكش .. قوم
قومتها لبست و دزتها خرجتها من الدار
روبين : يهديك ربي وين بش نروح
هديل : منعرفش تي شمدخلني فيك اخرج دور و اتفرهد
روبين جات تهدر اما صكرت عليها الباب دارت لقات الجو بارد و هي لابسة جيب حمرة ميني و تريكو كحل معاه فاست خفيفة اكهو ... بدات تمشي متعرفش وين باش تروح .... فاتو 3 سوايع و هي تمشي وصلت لحديقة مشات قعدت فكرسي و بدات تشوف بالها مش معاها ... تخمم فاوار راجلها و شحال توحشاتو و شحال ندمانة عالنهار لي قالت فيه كلمة لي حطمتهم لثنين ... هزت راسها اما شي كحل غطى راسها صاحت
روبين : اااااااااا سيبني سيبني ... اما حست بشي نخزها فرقبتها و كلشي ظلام ...