وجر الحب الجزء 2🍒

الحلقة 86🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_86🍒
ممنوع النقل بدون اذن 🚫❎
دخلت و تبعت الارشادات و عملت زيهم و بقات تستنى خمس دقايق ... دقيقة .... زوج ... ثلاثة ...حتى وصلو الخمسة بطلوع الروح و هوني ناضت و قدمت هزاتو بيدها لي ترعش تدعي فربي انو يكونو زوج خطوط و .... بالفعل ظهرو زوج خطوط حمر يعني ...يعني انو هي حبلة ... روبين الباشق حبلة من راجلها و لي فكرشها توا هو ثمرة حبهم ... تبسمت راح طير من الفرحة هزاتو و جات خارجة بش تقول للقارد ياخذوها عندو توا توا اما جيست ماخطات الخطوة خارج التوالات ساشي كحل تحط على راسها و هي صاحت
روبين : سيبنييييي سيبنييييسس .... اما لي سكتها شي تنخز فرقبتها و هوني كلشي ظلام من حولها و دخلت عالم الاحلام ....

من جهة اخرى ...
اوار كان قاعد فمكتبو حتى جاه تيليفون من رقم مجهول رد عليه
اوار: الو
محمود : ولدي
اوار : محمود !!!
محمود : ايه محمود بشحمو و لحمو و بصوتو ...و ضحك
اوار تقزز منو :يخي بوجه شنية تعيطلي اه
محمود : عيب عيب نتغشش راني
اوار العصب ركبو : بش تكون موتك علي يديا فهمممممت
محمود : توا كون جيت فبلاصتك نخمم من جديد فهدرتي
اوار: مش بش نخمم و بش نقتلك موتك على يديا
محمود ضحك : اممم باهي تحب نعطيك لادراس زادة بش نخفف عليك انك تحوس عليا ...و ضحك
اوار عمل بوكس بيدو و حب كان يقتلو
محمود : اما كي تجي اعمل مزية جيت فاست لمرتك خاطرها بردانة توا ...
اوار حس بالدنيا توقفت ... الوقت حبس ... الهوا فض ... على كلمة مرتو حكم الطابلة
اوار: شن...نية !!
محمود : زي ماسمعت خاطرني نعرفك تحبها برشا و تخاف عليها حتى من نسمة البرد
اوار ضرب الحيط : والله والله اذا مسيت شعرة منها شعرة اكهو يا محمود ##### بش نخليك تتمنى الموت و ماتلقاهاش
محمود ضحك : بش نشوفو ... و صكر ..و اوار نفاجر خبط التيليفون و كسر الطابلة و خرج ... بش يلقاها ... بش يلقاها لصغرونتو و بش يقتلو لل###### و يشرب من دمو ... 
خرج و ديريكسيون لمقر المافيا متاعو هوني ...

من جهة اخرى ...

محمود هز تيليفونو و طلب الشخص الوحيد لي يعرف انو باش يفرح بلي عملو
صقر : الو
محمود : صقر شنية حوالك
صقر : لباس وانتا
محمود : بش نطير من الفرحة انا
صقر : بالاهي علاه
محمود : روبين هوني عندي
صقر: شنيييية !!
محمود ضحك : بش نرد اعتباري لي ضيعو من اكا ##### بش مقتلو هو و مرتو و نرجع لحياتي
صقر : محمود راك تغلط
محمود العصب ركبو : ايه غلط كي طلبتك فبالي بش تفرح
صقر: لا لا فرحت قلي وين و توا نجي
محمود تبسم : باهي ...
دار و شاف فروبين لقاها ناضت
محمود : صباح الخير الالة ماك نمت نهار لكل
روبين : علاش تعمل سيبني نروح سيبني
محمود : ميجيش تروح وحدك عزيزتي
روبين : بش يقتلك فهمتتت توا تشوف
محمود ضحك و جبد تيليفون : توا نقولولو يجي بالاول باهي عزيزتي ... و جبد تيليفون اخى و بعث ميساج لاوار

من جهة اخرى ...
اوار ليوم لكل هو يدور كي الزربوط مهدالوش بال و مش بش يهدالو حتى يلقاها ... تبعو اشارة التيليفون و قلب روما اما شي مالقاهاش شوي و وصلو ميساج ...
محمود : تحب مرتك ايجا هوني وحدك ... و معاه لادراس ...اوار فلحظة هز سلاحو و خرج اما بالطبيعة معاه رجالو
وصل و لقاه مستودع قديم برشا ...