وجر الحب الجزء 2🍒

الحلقة 50 🍒

🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_50 🍒
ممنوع النقل بدون اذن 🚫❌

اوار : سليم القاسمي هو لي قتل والديك
روبين تكبست فبلاصتها و النفس تقطع عليها دارت عندو بالتصوير البطيئ
روبين : شنو..ة
اوار : هو لي عيط لمحمود و قالو بش يقتلوكم
روبين مشوكية من لي سمعاتو مش قادرة تتنفس خلاص حطت يدها على قلبها و الدموع نزلو ... اوار كي شافها فذيك الحالة راح عندها و مشاها للكراسى لي مقابلين البحر قعدها و قعد حذاها
روبين : يقت..لونا !!
اوار : بش نفهمك كلشي عيش حبي خوذ نفس و اسمعني مليح
خذات نفس و شافت فيه بعينين معمرين دموع
اوار : كان حاب يقتلكم انتو فثلاثة
روبين دموعها نزلو
روبين : اما اهئ اهئ هو يحبنا ..
اوار : كلو تمثيل هو حب يقتلهم بش يستولي عالشركة لكل خاطرو كان راح يفلس و بوك كان بش يشري حصتو مش هك
روبين : ايه اما .. قص عليها اوار قبل ماتكمل
اوار : اما غدركم ..
روبين قلبها تقسم على بوها لي غدرو صاحبو لي كان حاسبو كي خوه ... تذكرت قداه كان يقولهم انتو عايلتي و انو يحبهم برشا و انو يحسبها كي بنتو لي مرزقوش ربي بيها .. كل ذكرياتهم مرو عليها وحدة بوحدة ... كيفاه وثقو فيه و عاملوه كانو واحد منهم .. شافت فاوار و عينيها حمر عزت بيه برشا
روبين : اما قفلتك
اوار هوني تكبس و هبط راسو و روبين قلبها تكسر من جديد ...

من جهة اخرى ...

هديل قاعدة مع ايهاب هو يتفرج و هي قدامو حاكة فالتيليفون و دور كالزربوك كل شوي تعيط لروبين اما شي ماتهزش عليها و توا تيليفونها خارج تغطية لي زاد قلقها اكثر
هديل : وينها لتوا
ايهاب : هي مع اوار
هديل : شنييية علاه شتعمل معاه
ايهاب : تذكري لي هي مرتو
هديل : اما شتعمل معاه لتوا ليها 4 سوايع برا
ايهاب : بش يفهمها فكلشي
هديل : شتقصد
ايهاب هز روحو و ناض : فما برشا حوايج متعرفهمش و توا جا لوقت بش تعرف كلشي
هديل : انت تعرف ؟
ايهاب : بالطبيعة
هديل : قلي شنوة لي مخبي
ايهاب قدم عندها و باس خدها : بش تخبرك هي بكلشي باهي انا توا عندي خدمة مش بش نطول
هديل : وين رايح توا مش بش نخليك تروح و تخليني وحدي هوني
ايهاب تبسم و هو يشوف فيها تحرك راسها بلا و تقولو بش ميخليهاش ..قرب عندها و خذا شفافها فبوسة عنيفة و نفس الوقت حنينة خلاتها تسكت و تنسى لي كانت تقول فيه ... جبد عليهاو خرج خلاها مزالت تحت تأثير البوسة ...