🌷#وجر_الحب 🌷
🌺#الجزء_2🌺
♦️الكاتبة : #ايوتة ♦️
🍒#الحلقة_18 🍒
ممنوع النقل بدون اذن 🚫❌
هي فالمول ماحست غير بيد جبدتهاولقاتو واحد من الرجال ركبوها بسرعة فالكرهبة و طارو بيها للمطار و هي كل دف
قيقة تسقسي فيهم
سيرين : ويني مدييني سيبوني عيطو لجاك توا
حبسو الكرهبو بعد ماشافو كرهبة محمود نزلو و ركب محمود بحذاها
سيرين : محمود شنية لي صاير شبيكم و شبيهم ماحبو يقولو شي
محمود شاف فيها بشوفة حزن
سيرين : انطق شبيه سناك انطقققق
محمود : جاك مات
سيرين نفسها حبس و قلبها حبس ..الوقت حبس بالنسبة ليها ...
بقات ساكتة و تشوف فيه اكهو حكمها من كتافها و يحرك فيها
محمود : سيرين نقلك جاك مات و اوار زادة مات
سيرين هوني معادش فيها عقل داخت بين يديه .. حطها فالكرهبة و نزل قابل الرجال
محمود : نحبكم توا تاخذوها فطيارتي و تبعدوها من هوني اديوها لبلجيكا روسيا انجلترا ميهمنيش و ماتقولوليش نحبكم توصلوها اكهو ...و مشا ركب كرهبتو كلف واحد من الرجال يلملها دبشها الكل و يأمنلها الصوارد الكل لي فحسابها و حساب جاك بش تقدر تعيش ...
سيرين بعد ماوصلوها لانجلترا ..فاقت لقات روحها فشومبرة هزت روحها قابلتها ممرضة شافت فيها و كل شي صرا معاها تذكراتو ناضت مفجوعة و جات الممرضة حكمتها
سيرين : جاااااااااك اواااااار اهئ اهئ
الممرضة : مدام اهدي
سيرين : راجلي وولدي وينهم وييييينهمم
الممرضة جابت حقنة بش تهديها
سيرين : ولديييييييي جاااااااااااك ....
من بعد هذاك اليوم خلاص ..سيرين دخلت فهستيريا لمدة 3 شهر .. بعدها وصلها بلوف لي يقول انو بعد مامات راجلها و لدها انهم ماتو مقتولين و الراجل لي بعثلها وعدها انو يلقى القاتل ... الراجل لي هو ثيو ..
وثقت فالراجل و بعد عام من الحزن قتانعت لي مهما بكات و مهما حزنت عليهم مش راح يرجعو .. بصوارد لي عنها حلت كلينيك ماي هي دكتورة (طب عام ) كملت حياتها و اسست جمعية متاع حقوق الاطفال و توا دكتورة معروفة برشا فانجلترا ...
فلاش_باك_اند
سيرين : انتا ..انتا ولدي
اوار حرك راسو بايه و الدموع فعينيه
سيرين : اوار ... ولدي
اوار كان يحلم يسمع اسمو من امو و توا اخيرا تحقق
سيرين : اوار ... ولدي ... تلاحت عليه تحضن و تبوس .. و الدموع نزلو من عينيهم لزوج ... واخيرا الام لقات ولدها والطفل لقى امو ..لقى الحضن لي ينتاميلو .. بالحق مافماش احلى و اجمل من حضن الام ... الام هي بالحق اجمل حاجة فالدنيا ..انو تكون عندك امك معناها انت مايخصك شي .. الدنيا كاملة بالنسبة ليك .
سيرين : مش مصدقة اهئ اهئ .. قالولي انك مت اهئ اهئ ...
اوار : انا حسبت انكم متو و خليتوني
سيرين : انا عمري ماخليتك يا روحي محمود قالي متو لثنين انتا و جاك
اوار: بش نحكيلك كلشي اما بالاول عنقيني يا امي
سيرين على كلمة امي انهارت و عنقاتو و زيرت عليه ... و اخيرا لقات ولدها ..واخيرا اجتامعو هي طول عمرها حست انو واحد منهم ماماتش و بالحق طلع احساسها صحيح ...و اخيرا
أنت تقرأ
وجر الحب الجزء 2🍒
Storie d'amoreحبوباتي 😍 انا #ايوتة رجعت ليكم بالجزء الثاني من اول كرونيك ليا #وجر_الحب لي نالت اعجاب برشا بنات نشالله راح يعجبكم الجزء الثاني 😘 لي راح يكون فيه برشا حوايج حب و عشق و بلا مننسا التسوفيج 🔞 😘 متنساوش تتفاعلو نحبكم 😘 البنية لي صارت صبية و فتحت ا...
