عشق من رحم الثورة 🇮🇶

البارت الاول ♥️🇮🇶

#البارت_الاول

2019/10/5
الساعه 4:00 عصراً
الامارات - دبي

بكر : افتهموني بس افتهموني

ام بكر : منفتهمك بكر انت تريد تموت ؟؟؟ شنو ترجع للعراق لك ماما يكتلوك بس توصل يكتلوك نوب تريد تروح للمضاهرات

بكر : الى متى يوم الى متى عايفين العراق بـ ايد الحراميه وهربانين وعايفين حقوقنا ؟؟

ابو بكر : ابني افتهم احنا منريد نلوع لوعه اخوك ماعدنا بس انت ليش تريد تحرك كلبنا عليك ؟؟

بكر : يابه ( أَيْنَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ ) هذا كلام ربك بـ دبي لو بالعراق اذا يومي اموت

ام بكر : بس انت دتذب نفسك بـ المصايب وربك هم گال ( وَلا تُلْقُوا بِأَيْدِكُمْ إِلَى التَّهْلُكَة ) صح لو لا

بكر : يعني اني من اريد حقي واريد اعيش بـ وطني هاي تهلكه ؟؟ يوم دشوفين شديسوون بالشباب هيج كلبج ينطيج تشوفين المذابح اللي بالشارع واحنا عايشين حياتنا هنا طبيعي ؟؟

ام بكر : لك امي والله كلشي متغير من وعينا لسة هذا العراق ميتغير لو مدري شتسوي عوف هالسالفه حبيبي لخاطري

بكر : لا ماعوفها اني ماشوف ولد بلدي ينقتلون علمود رادوا ابسط حقوقهم اللي هي الاعتراف بـ تعبهم وشهاداتهم عذروني كلامكم على راسي بس اني ماقبل بهالمذله ومابقى طول عمري هربان ، عفتهم وكمت

ام بكر : حامد احجيلك شي تقبل بالديحجيه

ابو بكر : شبيدي متشوفين عناد ابنج قابل راضي على روحته بـ الجحيم غير هي مو بيدي

ام بكر : حيروح ابني حيروح هو هذا الباقيلي وحيروح

ابو بكر : بطلي تفاولين على الولد خوفج هذا حيگمعه

ام بكر : لتكول هيج اسم الله عليه اخاف حامد هو هذا الباقيلي تريده يروح من ايدي

ابو بكر : كولي يالله هسه ارجع احجي وياه وان شاء الله يعوف هالسالفه

———————————————————

2019/10/5
الساعه 10:00
العراق - بغداد

فاطمه : لج يا وطن يا صخام زينب ماعندي غيرج انتي وبابا ليش مصرين بهالموضوع يوميه ترحون واني حاطه ايدي على گلبي وكلسع اسمع بـ شهيد حرام عليكم والله

زينب : فاطمه اني المن درست ؟؟ لج شنو اروح اشوف فايلي بالزبل ؟؟ صارلي 4 سنين متخرجه ومالاگيه وضيفه مو ضلم هذا !!

فاطمه : كتلج من البدايه الهندسه مابيها تعيين مركزي انتي الا هندسه من البدايه دخلي مجموعه طبيه وفضيها بلاها مجموعه طبيه دخلي اداب تربيه