#البارت_الـ 34
- بعد مرور 3 ايام ...
الطالبة : بابا دوام ماداوم شلون تريدني اداوم ولا كأنو شي صاير ؟؟ شباب حالهم من حالي ديرحون وتريدني ادوس على دمهم واداوم ؟؟
الاب : من الاخير اذا متداومين هسة بعد ماكو مدرسة اني معلية بهذا وذاك واللي طلعوا مگلولكم عوفوا دراستكم واذا گالوا هالشي معناها اللي ديسووه باطل
الطالبه : هاا الديسووه باطل واللي ديسووه بيهم مو باطل همة يردون يحصرون الحكومة حتة يحققون المطالب يعني احنة منضرب بدون سبب
الاب : عاشم ابليس بالجنة بابا من الاخير ترحين تداومين والا مدرسة بعد ماكو !!
الطالبة : ضليت ابچي وامي واختي يهدأون بـ ابوية اخر شي كمت بـ عجز بدلت ورحت للمدرسة واني منزلة راسي وكارهة نفسي طبيت لـ المدرسة كعدت بالصف واني ابچي طبت طالبة وحدة بس والصف فارغ وتقريباً مجموعنا بالمدرسة كلهة جان 7 لو 8 طالبات طبت علينة مدرسة
المدرسة : هاا لعد بس بالساحة صرتيلي سعد زغلول وطبيتي بعيني وتكليلي منداوم شو جيتي
الطالبه : مجاوبتها وطلعت من الصف ضلت تعيط وراية مرجعت رحت لـ الساحة ابچي اتذكر صور الشهداء الينشروها والمقاطع مال ثوار واشهگ شوية واجتني الفراشة
الفراشة : المديره تريدچ
الطالبة : مسحت دموعي وكمت وياها رحت لـ الاداره
المديرة : انتي شلون تتجرأين تطلعين من الصف بدون اذن
الطالبة : حچيت بـ تحدي ، لان معجبني حچي المدرسه
المديرة : انتي لازم تردين تنفصلين !
الطالبة : والله ياريت تفصليني
المديرة : باچر متدخلين المدرسة بدون ولي أمرچ
الطالبة : بعيني هاهيه بعد مادخلها ، طلعت وعفتها واني ارجف طول عمري اخاف من المديرة والمدرسات مادري شهالجرأة الاجتني بس حسيت بـ فخر بـ اللي سويته
—————————————————————
فاطمه : صباح الخيرر
كرار ، حسام : صباح النور
مهره : شنو الوضع
حسام : بعدهم الجماعه مكاعدين
رنا : تدرون صارلي 3 ايام انام ساعه بس والله ارجع اضل اكلب بـ الاخبار اشوف شصاير بـ المحافضات وانام بـ 4 اكعد من الـ 5 ونجي هنا مدنرتاح بحيث احس خلايا جسمي تكلي رحميني
كرار : والله حته هالساعه مدنامها مفتحين تك عين نخاف لا يطبون للساحه بـ اي لحضه
مهره : حجيت واني مغمضه عيني ومرتچيه على ايدي ، تهون وتعدي وتصير سوالف نتذكرها بـ يوم النصر ان شاء الله
أنت تقرأ
عشق من رحم الثورة 🇮🇶
Romanceتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
