#البارت_الـ 90
- إن انتهت انتهينا ...! 🙏🏻
بكر : هي جانت عايزتنا بس اشاعات وتكمل
فاطمه : يلا ميخالف كولوا الحمدلله اشاعه والهجوم بالخلاني مو بالنفق الله سترنا لو داخلين للساحه شـ چان صار
ريم : صحيح باوعوا من الناحيه الايجابيه الله ستر
مرتضى : الحمدلله
ابو فاطمه : عمي انتوا منا وجاي فرزنوا تره اكثر شي يكدرون يأذوكم بيه هو الاشاعات والجيوش الالكترونيه مالتهم
ابو بكر : همه اذوهم بهالشي اصلا باع شصار بيهم من وره هالاساليب القذره
قائد : الحمدلله على كل حال
ابو بكر : كولوا يالله انتوا تعبتوا اليوم هاكم اكلوا يلا ولو برد بس يلا
حسين : عمي يا برد حط كدامنا كباب جامد هم اكله
ابو بكر : هههههه اكلوا بالعافيه يلا
مروان : انتوا متاكلون
رنا : لا نرجع للبيت ناكل انتوا شبعوا هسه
مهره : اييي اكلوا بالعافيه
بكر : اشرت لـ ضرغام فهمني صاح ابو فاطمه
ضرغام : عمي بس اريد احاچيك بـ سالفه
ابو فاطمه : تعال يابه ، اخذته شويه بعيد عنهم خاف يريد يحچي بخصوص زينب ، احجي بابا خير إِن شاء الله
ضرغام : عمي احنة جمعنا فلوس علمود المفرزه والغراض والخسارة الراحت بس منريدها تبقى بالساحة الوضع معلوم فـ بلا زحمة تضمها يمك بينما نكدر نشتري
ابو فاطمة : بعيني ، تريد اني اشتريلكم
ضرغام : لا لتكلف نفسك كرار وحسام ينزلون يشترون همه افهم بـ سوالفهم
ابو فاطمة : هاهيه عاشت ايدكم اذا عدكم نقص كلي
ضرغام : متقصر عمي
ابو فاطمة : يلا يابة نكوم نرجع
زينب : ايي يلا بابا ، تصبحون على خير انتبهوا لـ روحكم
كرار : بس ختعدي ؏ خير كلشي منريد
الجميع : الله يسهل
—————————————————————
- بس ماعدت على خير ...
مرت الثورة بـ اصعب فتراتها ؛ حيث استمرت مُحاصره الثوار من جهتين ( اتباع مقتدى الصدر في ساحة التحرير - قوات مكافحة " الشعب " في ساحة الخلاني ) وواجه الثوار جميع انواع القتل النفسي والجسدي من جهه استمرار الطعن بـ شباب وبنات الثوره ومن جهه الاعتداء بـ الدخانيات ۄ بنادق الصيد و السكاكين وحتى الكواتم ووصل بهم الاجرام الى دس السم في اكل المتضاهرين في سبيل قمعهم !! وحرق خيمهم من جديد وحتى حرق البنايات القريبة وغيرها من افعال "الشغب" من قبل قوات "مكافحه الشغب" !!! في ضل النقص الحاد بـ الغذاء ۄ المعدات الطبيه والملابس اضافة الى البرد الشديد ...
- حتى يوم 2/25 ؛ اليوم الذي اراد المتضاهرين في المحافضات الثائره تجديد ايام الثوره الاولى من زخم الناس في الساحات بـ جميع الفئات العمريه ومعالم الأمل والاصرار في وجوههم تحت شعار " موعدنا ، مانتراجع "
أنت تقرأ
عشق من رحم الثورة 🇮🇶
Romantizmتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
