#البارت_الـ 11
بكر : انداريت واحس الدم واكف بـ جسمي من شفت منظر محمود ومروان ثنينهم بالگاع و غارگين بـ دمهم ومرتضى كاعد بالكاع ويلطم ركضت عليهم التمت التكاتك اسعفوهم كبل لـ الجمله العصبيه حالتهم كلش خطره چانت وصلنا بـ صعوبه من الهوسه دخلنا واخذوهم للعمليات واحنا كاعدين على اعصابنا وره 4 ساعات طلعوا الدكاتره ركضنا عليهممم
الدكتور : الجريح الاول مع الاسف فارق الحياه بس الجريح الثاني انقذناه وحالياً بـ غيبوبه سوينا اللي علينا والباقي على الله
بكر : منوو مات منووو
الدكتور : المريض محمود حسين البقاء لله شدوا حيلكم
بكر : كعدت بالكاع وايدي على راسي كمت اضرب على راسي لزمني مرتضى وهو يبچي
مرتضى : كافي بكر كافي يومة لتسوي هيج
بكر : ولك ليشش ليششش ، طلعوا الجثة مالتة ركضت عليه وخرت الچرچف ، محمود كومم مو اليوم كلتلي انت اخوية لتعوف اخوك ولك كومم شحكول لـ امك ولك عرسك مباقيلة شي كومم ولك كوممم ليش تعوفنا
مرتضى : جريتة واني ابچي و هو يصيح
بكر : عوفنييي لتاخذوه ولكم بعدة عريسس عوفوهه ولك الكبر مو الك كومم
مرتضى : كافي بكر وحد الله اهدا صير قويي مو اول ولا اخر واحد حيروحلنا
بكر : شحنكول لـ امة وابوه منو الهمم ولك خطيبتة شحيصير بيهاا شلون يعوفهم ويروح شلوننن
مرتضى : مسحت دموعي وكومتة واخذت نفس وحجيت ، كوم شوف مروان خلي ادك على ابوه يجي يستلم جثتة
بكر : مشيت واني احس ضهري مكسور ويامن اتمشى المن احجي منو حيهون عليه بـ ضحكته بعد منو حيقوينا ولك ليش ياخوي ليشش ، ضليت امشي واني اعاتبه بـ كلبي
مرتضى : رحت اخذت تلفونة ودكيت على ابوه
📱ابو محمود : هاا حمودي يابة ضل بالنا عليك زوج خالتك دك علينا ديسالنا شوكت نحجي بـ تفاصيل العرس شوكت تجي ان شاء الله
📱مرتضى : نزلت دموعي وحجيت ، عمي اني مرتضى
📱ابو محمود : كمت على حيلي ، مرتضى محمود بيه شي ليش دكيت علية وينةة
📱مرتضى : عمي عمي محمود ، ماكدرت اكمل شهكت وكمت ابجي
📱ابو محمود : شبيهه ولك وليدي شبيه مرتضى احجيي
ام محمود : حسين شكو شبيك تصيح شبيه ابني
📱مرتضى : عمي محمود استشهد
ابو محمود : وكع التلفون من ايدي
مرتضى : الوو عمي وينك ، نسد التلفون ونغلق ركضت دورت على بكر لكيتة يم مروان بـ ردهه الرجال يبجي ، بكر
أنت تقرأ
عشق من رحم الثورة 🇮🇶
عاطفيةتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
