#البارت_الـ 79
- البدايات لـ الجميع والثبات للصادقين ... ✅🇮🇶
فاطمة : صباح الخير
مهره : صباح الزفت
فاطمة : كولي يالله
مهره : والله واصله لخشمي حيلل محروكه اعصابي
كرار : كتلكم هاي مو اول مرة من اول يوم اصلاً جانوا يسووها يعتقلوهم ويخطفوهم واللي يكتل بباب المستشفى بس هاي هسة طلعوها
قائد : صحيح چنة اني وموسى الله يرحمه نهربهم من المستشفى المصابين ونجيبهم للمطعم واكو هواي مچانوا يقبلون يبقون بالمستشفى لان مو امان
جعفر : اييي احنة مرة من چانوا يرمون ؏ النفق اني تصاوبت وشالوني عباس وعيسى وچان ويانة ولد اسمة خطاب وبباب المستشفى لزمونا مدنين كوة نفذنا منهم واركض اخوي عامر حتة نسيت اصابتي
قائد : ههههههههههههه وتالي
جعفر : رحنا لـ مفرزه يم المطعم عالجوني
رنا : صدك تذكرت منو عنده تويتر
بكر : اني
مروان : اني هم
حسام : اني
رنا : خما على الرقم
حسام : اني على الرقم
رنا : لالا حذفه البارحه نشروا تحذير للينشرون على دعم المظاهرات ومسوين حساب برقم موبايل، الامن الوطني ديجمع المعلومات عن الحساب ويحدد الموقع عن طريق الشبكة يجيهم اتصال من رقم ويهدد بالاعتقال
حسام : هي بقت بس هاي بعد
فاطمة : صدك البارحة جان اكو قناص ؟؟
بكر : ايييي ايي اكو وحاطيلنياهم بـ الـ 3 مناطق گيلاني طيران محمد القاسم
رنا : اييي اني شفت 4 اصابات البارحه بالمستشفيات وماشاء الله عدنا كفائات احنة الدخانية تجي ؏ الدماغ كبل القناص خوب يجيبها بـ المضبوط
بكر : اييي شفتوا هاي الصورة نشروها البارحة مال عضمة مال دماغ واكعة من راس واحد جاية دخانية بـ راسة !! بيا عصر عايشين اخخ اخخ
كرار : بس اكبر غلط جان من شگگوا صوره سليماني والمهندس اوكي نكرهم بس اكو من يحبهم مهما چانوا يشوفوهم زينين فـ هاي السوالف تسبب طائفيه مالها داعي
رنا : صحيح خلي كل واحد يحب ويتبع اللي يريده هذا صدري هذا عامري هذا خزعلي بس الاهم ساعه الوطن كلنا عراقيين و مو كل الناس تتفهم كرهك لهالشخص ومحيگعد يفتهم اسباب كرهك من البدايه طلعنا واحنه مبتعدين عن الطائفيه والطبقيه وغيرها
قائد : بالضبط كلشي خربنا قبل وقسمنا ابتعدنا عنه هسه بهالثوره فـ المفروض محد يستفز احد وخلونا كلنا اخوه
أنت تقرأ
عشق من رحم الثورة 🇮🇶
Romanceتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
