عشق من رحم الثورة 🇮🇶

البارت الـ 53 ♥️🇮🇶

#البارت_الـ 53

- بـ زلم مـۄ بـ دموع موطنّا بچـوه !! 💔🎶

فاطمه : كاعده بالبالكون اللي تطل على الشارع العام وره مافزيت من النوم صافنه وافكر بـ كل اللي ديصير من يوم 10/1 لحد هاليوم فزيت على صوت بكر 

بكر : شمكعدج 

فاطمه : فزيت وانت

بكر : مگدرت انام لو باقي بالخيمه احسن

فاطمه : لا هنا احسن تبقى بالخيمه تضلون تحچون وتنقهرون هيج احسن انت بجهه ومروان بجهه وجعفر بجهه اهدأو اول

بكر : هزيت راسي

فاطمه : تدري قبل يوم 25 اني جنت ماعرف شنو عراق

بكر : صدك يعني انتي مو من زمان بالمضاهرات

فاطمه : لا وين اني جنت اكثر وحده معارضه المضاهرات وماخلي زينب وبابا يرحون يرحون من ورايه

بكر : لعد شعجب اجيتي واهتميتي شغيرچ

فاطمه : باوع اني قبل من جنت اكلب بـ تلفزيون اسمع بابا يكول المصريين شكد يحبون بلدهم الخليج شكد مهتمين بـ بلدهم واصفن ويه روحي واكول احنه ليش منحب العراق ليش ماعدنا روح وطنيه

بكر : وبعدين

فاطمه : بعدين وره مازينب قنعتني بـ طلعان الروح اروح وياهم بـ يوم 25 شفت شي ثاني شفت عراق !! واكتشفت احنه كلش نحب العراق بس مشكلتنا مچنه نحارب علمود حبنا مچانت عدنا هاي الشجاعه بس من شفت الطفل والشايب والبنيه والام كلهم طالعين و ممهتمين لـ روحهم كلهم طالعين وحاطين الطائفيه والطبقيه والحياه اللي متعودين عليها من ذل وخضوع على صفحه ويدورون حياه جديده حته لو ينطون روحهم علمود هالحياه !! ساعتها عرفت شنو عراق

بكر : ولهالسبب بالذات الثوره حتنجح لان بفضلها وعينا وعرفنا شلون نترجم حبنا لـ وطنا و اكو اشياء اهم بهواي من اني سني واني شيعي اني كردي واني عُربي اني مسلم وانت مسيحي اني عندي جارجر وانت عندك سايبه اني من الكرخ وانت من الرصافه هاي الاشياء اللي ضيعنا عمرنا بيهن

فاطمه : صحيح ان شاء الله نخلص من هالكوابس اللي زرعوها بينا ووصلوا عراقنا لهالحاله

بكر : ابتسمت ، عراقنا اووف ياعراقنا

فاطمه : تدري حلو حب العراق

بكر : فوك متصورين فاطمه تدرين دبي جان كلشي متوفرلي كلشي بس متتصورين شكد اشتاقيت لـ العراق شوارع بغداد وريحة الشتا والزياره والمتنبي والچاي المهيل ، فاطمه العراق كلش حلو شما تكون الحاله الوصلوها اله هالحقراء يبقى العراق غيرر كلش غير

فاطمه : ايي والله الله يردلنا وطنا وميضيع حقنا يارب

بكر : امين