#البارت_الـ 86
- باچر بـ محرم نذڪـࢪ ثنين ، من حرگوا خيمنا و خيّم الـ حسين ... 💔
علاء : هاي بعدكم كاعدين لعد الولد وين
قائد : راحوا لـ بيت بكر يرتاحون والضهر احنه نروح
مروان : انت شو مطولت شلحگت تكتب بالورقة
علاء : كعدت بالكاع ، بشرفكم اروح امتحن وعلي نايم هالنومه بين الحياه والموت
قائد : يعني شنو حترسب
علاء : حعوف السنة كلها شتسوه السنة واحنة هذا وضعنا علمود ابسط حقوق حرگونا اخذوا منا 700 واحد واروح امتحن ماسويها والله
قائد : الله كريم الحمدلله ضمينا خيمة احتياط حتة لو صغيرة ندبر امرنا بيها شنسوي
علاء : صدك مكلتوا لـ اهله بعدكم
مروان : البنات كالوا كولوا بس لـ ابوه لان امه مريضه من اخر مرة تصاوبنا ومرتة ترضع ميصير تنهبط
علاء : دنكت راسي وكمت ابجي ، اذا علي راح شحنسوي احنة
مروان : اخذت نفس وطلعت متحملت اجاوبة وفكرت بـ كلامة اذا علي راح شحنسوي تذكرت اخر كلام كاله قبل ماتحترك الخيمة
- قبل يومين ...
ياسر : لو رايح لـ بيتك احسن من البرد هذا ياذيك
علي : حجيت بـ برود ، عادي شفت كلشي بقت على هاي
بكر : لا علي صدك لو رايح للبيت ضهرك تزرف تزرف بـ الطشاريه
علي : ماريد اهبطهم والحمدلله مابيه شي والله اللي يحچي اطيح حضه هو يومين ويلتأم
حسين : زين يعني مدتتأذه
علي : هسه بعده العلاج مخلص مفعوله وبعدين تره هوايه هوسنا وهذا عنده امتحان عگب باچر خلوا يقرة
علاء : ماريد امتحن والله كلبي مينطيني احس دايس على دمهم ورايح
علي : لا يمعود لتفكر هيج انتوا سويتوا اللي عليكم هواي طلاب وكفوا ويانه لـ اخر لحضه بس ما باليد حيله شتكول لـ ماعدهم ضمير ضيعوا تعبكم وتعبنا بس لتخاف خلصوا امتحانات ونرجع نسوي حملات للاضراب
جعفر : عساس العالم شلون تكدر تساعدنا اذا ماشاء الله مقصروا خلوا الساحه عباره عن اجرام وقتل عيني عينك طبوا بـ نصنا مثل الجرثومه حسبنا الله ونعم الوكيل بيهم وين يودون وجهم من ربهم بعد ، حجيت واني اباوع على ياسر
ياسر : احم اني كايم علي اذا تحتاج شي كلي
علي : مهما يصير مكدرت انطي بيه كدام الولد هزيت راسي بدون مااجاوبه طلع اخذت نفس واستغفرت
بكر : الله يهديه لتضوج روحك
علي : هزيت راسي ، يلا سكتوا خلي الولد يقره كل واحد يلزم تلفونه هشش
أنت تقرأ
عشق من رحم الثورة 🇮🇶
Romanceتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
