#البارت_الـ 74
- حُبچ و تشرين ؛ ثنينهم ثورة !! ♥️
خالة مهره : اني مشايفة هيج عرس صدك تحجين شلون خليتيهه
ام مهرة : متعرفيها منو يقنعها خليها
خالة مهرة : زين انتوا حترحون وياها مو
ام مهرة : بس ابوها وثائر اني اخاف اروح ومازن ميتحاچون هي وياه
خالة مهرة : لج عيني خطية البنية شنو عروس بدون امها
ام مهرة : احد كللها روحي سوي عرسچ بـ ساحة المعركة
خالة مهرة : بس هم خطية وچ عيني خلي اصعد اشوفها ، مهرة
مهرة : ها خالة تفضلي
خالة مهرة : تردين اروح وياچ ؟
مهرة : من حچت راسا بجيت ، ياريت خالة
خالة مهره : تمام حبيبتي لتبچين كافي ميخالف اني اجي وياچ يلا امشي نروح لـ الصالون
مهره : لا لحضه انتظر صديقاتي يجن ونروح سوة
خالة مهره : زين بينما يجون تعاي نحچي شوية ، متاكدة اهلچ مسألوا ولا استفسروا عن الولد مو
مهره : هزيت راسي
خالة مهره : وادري المفروض ينحچي هالحچي قبل كومة بس تدرين وضعي والله جاية من اربيل لهنا لان ادري بـ سوالف امچ
مهره : معذوره خالة
خالة مهره : ايي لعد احچيلي عنه شلون تعرفتوا واثقه بيه لو لا شلونه
مهره : تعرفنا بـ الجامعه طالب ويايه هو حباب واهله تعبانين عليه كلش من اول متعرفنا من مرحلة اولى ابد لا حچة حچاية محلوة لا شفته باوع على بنية بنضره نگسه ابد وصارله كم سنة يحبني محچة ودور علاقة واول مگلي احبچ كبل كلي رايدچ بـ الحلال وضل يلح عليه حتة يخطبني وحيلل كبر بـ نضري ورة وگفتة وياية
خالة مهره : من تصاوبتي ؟
مهره : ايي خالة تخيلي ضل ملازم المستشفى ميقبل يرجع كوة خلوه يرجع مرة وحدة راح بالليل رجع الصبح وبوكتها اني صديتة مردت يبقة وياية بـ ذاك وضعي خالة ضل متمسك بية لو غير واحد جان كال شعندي عايش وية وحدة مشوهه ماعرف ينصلح وضعها لو لا فـ ثقتي بيه كاملة بـ حبة واخلاقة
خالة مهره : طمنتيني عليج حبيبتي يارب يكدر يعوضچ عن كل الحنان الماحسيتي بيه
مهره : حضنتني وضلت تمسح على راسي حيل احب خالتي برغم ضروفها زوجها مقعد وعدها بنات ثنين عايشين بـ مشتمل وياها وولد عندة 4 جهال وكله هي مسؤلة عنهم بس دائما تتواصل وياية ماعرف شلون هالحنية كلها تصير اخت امي اللي هي عبارة عن قالب ثلج ماعدها اي مشاعر المهم شوية ودگت فاطمة
أنت تقرأ
عشق من رحم الثورة 🇮🇶
Roman d'amourتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
