#البارت_الـ 29
مهره : ويه كرار انت شلون تدخل غرفتي بدون متدك الباب
مازن : كرار تكليله احبك گرت عيني مركبين كرون احنه ادبسز دايحه رايحه لـ الساحه تعشكين وتجين ؟
مهره : لتعلي صوتك عليه انت مالك علاقه اني مو جاهله فهمت لو لا !! متدخل بـ حياتيي
مازن : باع الصلافه لج ادبسزز ماريد امد ايدي عليج وانتي وجهج معايزه كتل بس اريد اشوف صلافتج هاي كدام ابوج همين
مهره : لزمت اعصابي بـ صعوبه وجاوبته ، شتسوي سوي ميهمني شي مادام ممسويه شي غلط
مازن : باباااا تعال شوف بنتك العايفها تسرح وتمرح بالشوارع تتمعشك بـ تالي الليل
ابو مهره : شكو ليش صوتكم عالي ؟؟؟
مازن : شوف بنتك عيني العايفها ويه الولد رايحه تحب وخابصتنا وطن ووطن وانتي رايحه علمود الـ *****
مهره : احترم نفسك اولا اني اختك الجبيره وصوتك ميعلى عليه ثانياً مو انت التحجي على وطنيتي فهمت لو لا ثالثاً كرار احبه ويحبني ولو ما الصار جان هسه احنه مخطوبين ومدنسوي شي غلط
مازن : هاي قبل ليصير بـ وجهج هيج هسه هم يريد يتزوجج بله على شنو؟؟
ثائر : شكو شكو شهالصوت العالي
مازن : تعال عيني المكرن تعال هاي اختك رايحه تتمعشك وهسه بـ كل صلافه واكفه كدام ابويه تكله احبه ويحبني ويتزوجني بابا منو يتزوجج بهذا وضعج
ثائر : مازننن اول شي تحترم اختك الاكبر منك ثاني شي هالحجي اذا تحجيه بعد ينكص لسانك فهمت لو لا وانتي مهره اذا مثل مدتكولين يجي يطب البيت من بابه
مهره : ايي ثائر هو لو ما ...
ثائر : قاطعتها ، ماكو لو ما ومدري شنو دنحجي عن هسه مو قبل اللي يريدج يجيج لـ بيتج ويطلبج من ابوج غير هيج ماعدنا
مازن : متحجيلك حجايه بابا
ابو مهره : مثل مكال ثائر
مازن : كرت عيني بيكم والله ماعندي حجاية احجيها عنكم
مهره : طلع مازن وراها بابا اخر شي ثائر ، ثائر
ثائر : ها
مهره : شكرا
ثائر : حافظي على نفسچ مهره لتاخذين كلشي بـ صوتچ العالي مو بس انتي على حق تره
مهره : هزيت راسي طلع سديت الباب وراه وكعدت ابچي كلام مازن كلش اذاني وسكوت بابا اذاني اكثر والكارثه انو برغم هالهوسه كلها ماما ولا كلفت نفسها وجتي شافت شكو هاي اذا موجوده بالبيت اصلا بجيت بـ حركه على كل هالتفاصيل لحد ماتعبت كمت على جربايتي راسا نمت مشفت التلفون ولا فكرت كبل غفيت من التعب
أنت تقرأ
عشق من رحم الثورة 🇮🇶
Roman d'amourتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
