عشق من رحم الثورة 🇮🇶

البارت الـ 87 ♥️🇮🇶

#البارت_الـ 87

- صوتچ اختي مو عوره زلم تتحامه بـ جهره على جبل احد صعدي ؛ ونادي بـ غيرتچ ثوره !! ♥️🎶      
 

• ومرت عده ايام كانت صعبه على جميع   المحافظات الثائره بسبب " اتباع مقتدى الصدر ، قوات مكافحه الشغب المختلطه بـ الميليشيات الايرانيه " اللذين كانوا يحرقوا ويعتقلوا ويقتلوا بشكل عشوائي مُصرين على انهاء الثوره بكل قِواهم اضافه الى تشويه سُمعه شباب وبنات الثوره وكان هذا واضحاً جداً و موثق لكن و كالعاده نسبه كبيره من الشعب فضّل ان يكون " صُمٌّ بُكْمٌ عُمْى " .....

—————————————————————

بكر : تتخلي يعنيي ؟؟ لك علي اول واحد يروحلنا ؟؟؟ حيروح حقه هيج تريد تسوي اليردوه ؟؟؟

جعفر : مو اول واحد ولا اخر واحد افهموا حقه وحقنا محيرجعوه حته لو يموتوناا كلنااا

ضرغام : يولل نموت واحنه رافعين راسنا ولا نموت واحنه خايفين منهم كلنه تاليتنا متر بـ متر دحگلي هينا منو ميموت ؟؟

جعفر : بعدنيي شاب ماريدد اموتت علمود شي محسومم ماريد اموت على لا شئ

قائد : هسه العراق صار لا شئ !!

جعفر : مو قصديي ع العراق بس العراق ميرجع ..

مروان : بسس بسس انت سيطر خوفك عليك والخايف ماله مكان بينا يلا روح الله وياك محد لازمك

جعفر : يولد ..

مرتضى : شنو يولد كلنه راحلنا واحد وثنين اقل شي بس مارجعنا وكلنه شي منتهي منه !! علي الله يرحمه صاحبه غدر بيه ومعاف قائد ابوه حيتبره منه ومرجع اني امي يوميه تدگ عليه بالفراش متخربطه من الخوف عليه ومارجعت علاء راحت عليه سنه ضرغام ومحمد حيصيرلهم 3 اشهر مواصلين لـ بيوتهم وبعد اعددلك ؟؟ حته البنات مارجعوا وانت حترجع روح عمي روح كمل حياتك الطبيعيه وكمل تحت رحمه عمامك ومذلتهم وانت عندك شهاده تكدر تتعين بيها بـ احسن مكان روح كمل حياتك الحلوة

جعفر : عفتهم وطلعت بدون مارد على احد

مروان : يعني شكد تعبنا وشكد راحولنا كدام عينا وماتوا بين ايدنا ومرجعنا

حسين : والله اخر واحد اتوقع يتراجع هو جعفر

محمد : حسبنا الله ونعم الوكيل خلونا نلتهي بـ هالمشاكل اللي ديسووها والطائفيه اللي طلعوها من جوه الكاع والاشاعات والتبلّي ونلهينا عن مطالبنا

بكر : اخخخ اخخخ شوف احنه بيا حال واجه جعفر زودها علينه شهالقهر ياربي

قائد : كول يالله

بكر : اني طالع

ضرغام : يولل وين رايح تعال هيناا

مروان : عوفه عوفه يروح للمفرزه وين يروح قابل