عشق من رحم الثورة 🇮🇶

البارت الثالث ♥️🇮🇶

#البارت_الثالث

- انا الولائي للوطن انت منو ؟
- انا العراقي الـ من صدك انت منو ؟
- انا الرفض كل الدول انت منو ؟
- انا الفحل و ابن الفحل انت منو ؟

بكر : صبحنا بيوم جديد على صوت هالهتافات فتحت عيني و اباوع الاعداد زايده عن البارحه رحنا لـ حمامات الگراج صايره مذبحه هناك فـ غسلنا بـ بطاله مي و رحنا تمشينا اني وولد صديقي و دكيت على امي

📱ام بكر : ها يمه صباح الخير شو من الليل مدزيت قلقلت عليك

📱بكر : والله ميت من التعب البارحه كبل نمت

📱ام بكر : سوده عليه اني اشوف الاخبار و الوب مثل السمچه المزوهره وابوك هم منام ميته من الخوف ولك يمه درجع ۄ عوف هالسالفه والله كلبي نار عليك و هسه بالفيس لو تقره تعليقات ديهددون بيكم علني ليش تشلع كلبي يا امي

📱بكر : يوم رجعه ما ارجع تردون انتوا رجعوا للعراق ما مليتوا من الغربه

📱ام بكر : لك امي احنا اختاريناها ؟ هي بيدنا يعني لك امي الروح عزيزه

📱بكر : مو اعز من الوطن طز بروحي اذا مأمن عليها بـ الهرب

📱ام بكر : نفس عناد عمر نفس العناد الگمع اخوك تريد تروح مثله بكر تريد تروح مثله

📱بكر : يوم هسه ليش هالشلعان گلب بس تاذين نفسج وتاذيني والله حجيج محيغير شي رجعه ما ارجع لو الله كاتبلي اموت عسى مااحصن نفسي بـ فولاذ هم اموت الكاتبه الله يصير

📱ام بكر : ميفيد الحجي وياك شلعت كلبي

📱بكر : رايح اتريك يمه محتاجه شي

📱ام بكر : اووف اوف سلامتك يحرسك الرحمن حبيبي

📱بكر : سلميلي على ابويه بس افرغ ادك عليكم

محمود : نفس العندي بالبيت والله

بكر : هههههه هم حقهم

محمود : حقهم يابه حقهم بس لو يحاولون يفتهمونا شويه يردونا نعيش بخوف مثلهم ! يابه شلون تردونا نرضه بهالوضعيه واحنا دنشوف العالم شلون عايشه ومرتاحه بغير دول

بكر : اي والله لا شابنا مرتاح ولا شايبنا ولا حته اطفالنا الحمدلله على كل حال يتغير كلشي ان شاء الله

محمود : احجيلي انت شسالفتك اهلك عايشين بره ؟

بكر : اني سالفتي مثل سالفه نص الشعب العراقي بـ وقت الطائفيه هددونا لان سنه ۄ كتلوا اخويه من وره اسمه فـ ابويه اخذنا لسوريا و من سائت الاوضاع بسوريا رحنا للامارات عشنا هناك

محمود : وشعجب هسه رجعت

بكر : ماتحمل بعد محمود احس بـ غصه بـ كل فرحه اني عايش مرتاح والشباب هنا حالتهم حاله وهمه عايشين بـ اغني البلدان وكاتلهم الجوع مو حقهم يعيشون مثلي و همه شباب اغنى بلد