#البارت_الـ 12
الدكتور : حالتة مستقرة لتخاف انطيناه مسكن و ان شاء الله يكوم بالسلامه
بكر : يعني اكول لـ اهله ؟
الدكتور : بعدك مكايللهم
بكر : مصارلي مجال دكتور شفت شصار بينا
الدكتور : الله يصبركم ، بلغوا اهله طبعا
بكر : ماشي دكتور ، دكيت على مرتضى رفضه ثواني ودخل للردهه
مرتضى : ها شكو
بكر : مكلنا بـ اهله
مرتضى : مروان ماعنده اهل
بكر : صدك ؟؟
مرتضى : والله اهله توفوا وهو صغير ورباه خاله واستشهد بـ حرب داعش وماعنده عمام وخوال غيره متشوفه متعلق بـ ادم هلكد جان هو معوضه عن اهله لان دائماً سويه كل وقتهم سوه
بكر : مسحت على وجهي وطلعت تمشيت لـ الساحه واحس غصه بـ كلبي برغم المده القصيره كلش بس محمود صارلي اخ وصديق سوالفه وشقاه وضحكته المتغيب عن وجهه مراحت عن بالي ابد وضع امه وابوه وخطيبته ميروح عن بالي ابد وصلت لـ الخيمه لكيت ابويه وامي كاعدين ومبين قلقانين
ام بكر : انت وينكك وكع كلبي عبالي صارلك شي وعايف تلفونك هنا
بكر : كعدت ومجاوبت
ابو بكر : شبيك يابه صاير شي ؟
بكر : حطيت الغتره على عيني وبجيت
ام بكر : يمه وليدي شبيكك ماما بكر شصاير
بكر : محمود استشهد
ام بكر : يايمههه سوده عليه هاي الجنازه قبل شويه هو ؟؟
بكر : هزيت راسي
ابو بكر : يلا ميخالف وليدي يومه هذا اسكت كافي
بكر : هزيت راسي وعفتهم امي كامت تبجي يمكن بسبب حبها لـ محمود او تذكرت اخويه ماعرف ضليت اتمشى بـ الساحه و بـ كل شبر بالساحه عندي ذكرى وياه اووف ياخويه
————————————————————
ضرغام : محمد تعرفه و هاي زينب و ريم
رائد : تشرفت على راسي
زينب : النا الشرف
ريم : ضرغام شكد يشبهك
رائد : ههههه يكولون اخوية
زينب : هههه بس رانية تشبهه اكثر
ضرغام : رانيا عبالك بنتي تشبهني بـ كلشي
ريم : عفيه ضرغام بدون شوارب
زينب : ههههه الله يحفظهم الك
ضرغام : تسلمين ابويه
رائد : يلا عن اذنكم ديدكون عليه ، ضرغام تعال شويه
أنت تقرأ
عشق من رحم الثورة 🇮🇶
Romanceتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
