#البارت_الـ 58
- يعراق ترجع شي اڪيد بـ حيلك ، يضحك نهارك يا وطن وي ليلك ♥️
كرار : يابة هاي شنو المطر سوالنا صدمه
حسام : اسكت وخليها ماقهرني غير الولد الشارين هدومهم
كرار : ههههه ايي عفيه خطيه بس زين متلاحگين الخيم
حسام : ايي البارحه المغرب عمموا على المطر وراحوا الولد جابوا نايلونات امتار ووزعوا وحطينا الخشب دبرناها زين مغرگنا
كرار : بس بعد بيها مطره طبعا
حسام : اييي بلكي تمطر ويعتقونا اليوم
كرار : بلكي
رنا ، فاطمه ، ابو فاطمه : صباح الخير
كرار : صباح النور ، حمدلله على السلامه عمو
حسام : حمدلله على السلامه
ابو فاطمه : الله يسلمكم يابه ، فاطمه بابا اني رايح تردين شي
فاطمه : لا حبيبي سلامتك بس اهم شي لتتحرك هوايه ولتشيل اي شي ثكيل بـ ايدك وضل ساد القمصله لان الجو بارد
ابو فاطمه : صار يلا عن اذنكم يابه
رنا : هاي شمسوين بالساحه شوكت سويتوها
حسام : بالليل جابوا نايلونات الحمدلله تلاحكنا قبل لا تتنكع الخيم والغراض
رنا : حجيت بـ صوت ناصي ، واكول ليش مروان ماكو زين مزعلت منه قبل لا افهم
فاطمه : ههههه خرب عقلج ، اكلكم مبردتوا
حسام : يا بردنا ثلجنا ثلجنا
فاطمه : اووف الله يساعدكم
حسام : ايي والله
رنا : بس شفتوا فاضت كل الدوائر والمدارس وسدوهم الله طيح حضهم ذوله الضاربينا چلاق و مكملين حياتهم عادي
كرار : ايي والله سبحان الله
رنا : صدكك تذكرت شفتوا الخبر مال سائرون ؟؟
فاطمه : شنو
رنا : ادري انتوا متشوفون اخبار خرب المهم سائرون هي اعلى كتله وتكدر تختار الرئيس وانطت حق الاختيار النا
حسام : صدگتي انتي خوب
رنا : لا طبعاً بس دكللكم
فاطمه : ليش منصدك
رنا : حبيبتي ذوله على نفسهم يختلفون مينوثق بـ حرف يحچوه والله يستر لا العالم تصدك نفاقهم
كرار : لا العالم وعت بعد متصدك ذوله الحثاله
حسام : عليك يالله بقت يمك
رنا : المطره مال بارحه بيها دعاوي تجنن
حسام : هههههه اييي كلش قويه جانت صدك هذا المطر اللي يفتح النفس
أنت تقرأ
عشق من رحم الثورة 🇮🇶
Romanceتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
