#البارت_الـ 85
- باچر يذكرنه التاريخ شبان الثوره ، وانتم يذكركم راضين على حال الفقره !!
—————————————————————
بكر : قائد باوعلي بس باوعلي ميبوگوها منا لا والله منخليهم
قائد : مدتشوفف مدتشوفون !! عيني عينك جابوا شرب وحطوه بالمطعم عيني عينك دچچونه ووگعوا صور شهدائنا والعالم ساكتههه !!!
مروان : من خوفهم قائد من خوفهم لو ما خايفين ميسوون هيج حته شهدائنا مخوفيهم !! شحال احنه كل هالهيجان اللي همه بيه بسبب خوفهم والله شاهد علينه احنه شنو وشسوينا و شمسوينا !!
ضرغام : اييي يول كول يالله وامسح دموعك هاي الدموع نفسها تنزل من عيونهم دم من الله يجازيهم على السووه بينه والدنيا تدور وشكو شخص تخله عنه شكو شخص سقط بينه شكو شخص أذانه وموگف ويانه ربك حيندمه
قائد : هزيت راسي ، ونعم بالله
حسين : دتشوفون شمسوين بالمطعم بله من چان بـ ايدنه شي وهسه شي حسبنا الله ونعم الوكيل اظلمم عبالك مهجور
كرار : باعوا داحچي ويه واحد ويانه بالمفرزه كال المطبعه اللي يطبعون يمها راح تطبع كل الصور الراحت من جديد وعلى حسابهم هو ابو المطبعه متضاهر ويانه اصلا فـ عدكم شي يطبعوه
جعفر : لا موصلولنا
علاء : لحد الان الله اعلم بالايام الجايه شحيسوون
مرتضى : بشرفك قُل خيراً او اصمت
علاء : سكتت عمي
مروان : ولكمم صدك شفتوا ياسر وعبدالله البارحه يابههه ردت احطهم واكتلهم
بكر : مو اني كتلكم ؟؟ عبدالله من اول ما اجه اني ممرتاحله ولا مرتاح لـ جيته كتلكم بس يريدنا يتعارك و متقصد يستفزنا بس احد سمع كلامي ؟
حسين : هسه ليش تحسسني رحنا بـ حضنه بس لان كلنه نوافقك الرأي مردنا تجاريه بـ اللي ديسويه وكلنه ندري بيه مو راحه
قائد : بس علي خطيه حينقهر من ياسر
محمد : لنگله خطيه ينصدم بـ صديقه
ضرغام : لا بشرفك غير ننبه الوليد منه ذوله لو يدزوهم على ابوهم هم يكتلوه تعرف لو لا
حسام : بله عوفكم من هالموضوع عندي سؤال لـ ضرغام
ضرغام : اسأل
حسام : انت شعجب متحچي مثل اهل الانبار يعني چان عندي ولد صاحبي حشه اذا افتهم منه شي افتهم كلمه وعشره لا انت زين افتهم منك
ضرغام : ههههههههه مو اني هواي عشت بـ بغداد چنت اجي ويه عمامي من يجون على الشغل وراها جامعتي طلعت بـ بغداد فـ تعودت على لهجه بغداد
أنت تقرأ
عشق من رحم الثورة 🇮🇶
Romanceتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
