#البارت_الـ 62
- عراقيون ، لا نُعتق فوق التراب ولا حتى تحتها ...💔🇮🇶
ضرغام : والله مالي نفس اروح باچر بس ماكدر اسوي شي
زينب : لا شبيدك انت قابل ؟ هي وحيدتكم لازم تروح كلنا نعرف انت مو بيدك
ريم : ايي ضرغام غير اختك قابل تعوفها والله كلنا عاذريك ، بس مو اخو العروسه ميصير يروح للعرس ؟
ضرغام : ول اني مو بس اخوها اخوها وابوها وامها منو وياها صديقاتها ميكدرون يجون بس كرايبنا وشيسوولها لازم اني ورائد وياها خما نعوفها
ريم : ايي حقك والله
ضرغام : ها شصاير
محمد : الولد حيل شددوا على المطعم وكلش شددوا على التفتيش حسبي الله بيهم شسووا بينا الـ ... استغفرالله هم ماكدر احچي
ضرغام : ماكو اخبار عن الولد الاخذوهم ؟
زينب : لا خطيه حسام و ثنين من اصدقاء بكر اخذوهم وتلفوناتهم مو وياهم وهسه كلهم ميتين خوف
ضرغام : اووف اووف نعلعلا والديهم ماعدهم شرف
ريم : ايي والله خرب حسبنا الله ونعم الوكيل
زينب : خلي اروح اشوف فاطمه
ضرغام : جاي وياچ
زينب : تمام يلا ، ها بعد ماكو خبر
فاطمه : حجيت واني مختنگه ، لا لسه كلشي ماكو
ضرغام : لعد الولد وين
رنا : ديسألون عنهم كالوا خاف مصابين وشالوهم مو شرط انخطفوا الله كريم
فاطمه : عفيه اذا سوولهم شي ، كمت ابچي ورنا ومهره بچوا ويايه
زينب : اششش كولوا يالله ان شاء الله يرجعون سالمين لتخافون
رنا : شلون منخاف زينب يوميه نسمع خبر خطف وقتل واكو مخطوفين لسه محد يعرف عنهم شي شلون منخاف
ضرغام : حقكم بويه حقكم بس ان شاء الله الله يحرسهم يرجعون بالسلامه بحيل الله
الجميع : امين
فاطمه : هاا بشروا
مروان : ماكو ماكو لا بمستشفى لا بمركز مبقينا محد انطانا حچايه
كرار : : احنه صوچنا رايحين نسأل مركز همه الشرطه شمعرفهم ! بيهم خير چانوا لحگونا البارحه مو راحلنا مدري كم شهيد للـ 4 الفجر مكدروا يدخلون للساحه ؟؟ مكدروا يعرفون منو ذوله ؟؟ من انسحبوا وهمه يرمون مشافوا سياراتهم بالشارع ؟؟ شلون السيطرات طببتهم ؟ هاي الاسئله الها اجابه وحده الشرطه والجيش والاحزاب وكل هالجهات متفقه علينا وتريد تقضي على الملايين اللي بالساحه ويخلالهم الجو ويكملون بوگهم واجرامهم
أنت تقرأ
عشق من رحم الثورة 🇮🇶
Lãng mạnتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
