عشق من رحم الثورة 🇮🇶

البارت الـ 22 ♥️🇮🇶

#البارت_الـ 22

بكر : وليش ماحجي عن الصدر اذا 7 سنوات من 2003 لحد 2009 كتل ولد العراق كلهم ع الجنسية هاي سبب من الاسباب الهواية اللي تخليني احجي على الصدر

ياسر : ترة انتوا والله تخبلون الواحد هسه هو ضاركم بشي هاي يغرد داقتكم تغريداته

بكر : ضارنا بـ شي ؟؟؟ جيش المهدي المن تابع ؟ منو سبب الطائفيه بالعراق ؟؟ محد دمر العراق وسوة حرب اهلية غير مقتدى اللي تكول عنه كلشي ميسوي وبعدين لحضه انت شكلت كلشي ممسوي اذا كلشي ممسوي ليش تتبعه لعد ؟؟

ياسر : خاب الكعده متنراد ، طلعت وعفتهم

علي : لتضوج من ياسر هو شوية اسلوبة متهجم

مروان : كل اتباع مقتدى هيج

قائد : لا والله مو كلهم

حسين : هههههه وياك صدري ثاني

بكر : انت هم ؟؟

قائد : مو اتبعه بس تربينا على حبه وحب ابوه

بكر : عمي وياك بس هو ابو جان متبري منه انتوا تحبوه شنو

قائد : هزيت راسي ومجاوبته

سيف : لتطبون بهالنقاشات يمعودين خلي كلمن وتفكيره

بكر : اني يكفي محد يمدحه كدامي لان اني اخويه ، وجعني كلبي تحسرت وكملت ، شاب بعده كلشي مشايف من دنيتة وانكتل على ايد اتباعه جان خاتل بـ لبنان وكال صفوا حسابكم والكم الضوء الاخضر وصار الكتل بالشوارع على الجنسية صح لو لا

مرتضى : بكر كافي حبيبي عوف هالموضوع

بكر : طالع اني ، عفتهم وطلعت متحملت ابقى كلش اختنكت كل ماتجي سيرة عمر تصير عندي نغزه بكلبي ضليت اتمشى اخذتني رجلي لـ فاطمة

فاطمة : جنة كاعدين نحجي ويه مهره مكالمه فديو وشفت بكر واكف كدامي ، بكر شو رجعت

بكر : نكدر نحجي شويه

فاطمة : تمام ، كمت ورحنا نتمشى بعيد عن المفرزه ، شبيك عبالك ضايج

بكر : عمر وادم ومصطفى ومحمود كلهم اخوتي ونكسر ضهري بـ روحتهم

فاطمة : دمعت عيني ، لتنقهر هاي سنه الحياه هم السابقون ونحن اللاحقون

بكر : ادري فاطمه بس ليش ليش شباب مثل الورد تروح ولا السبب شنو واحد اسمه عمر وواحد راد وطن وواحد راد حقه ليش ليش احنه مكتوب علينا نموت علمود هالاسباب

فاطمه : لان عراقيين لان هذا قدرنا ننولد نتيتم ونتبهذل بعيشتنا ونموت بدون ذنب ...

—————————————————————

📱مهره : شكد حلويننن

📱رنا : كلش مهره هيج حجمهم سوه وشخصيته ويه شخصيتها كلش راهمه