#البارت_الـ 41
بكر : يعني اني حسب علمي القنابل والانفجارات شغل الارهاب !!
مرتضى : لعد حكومتنا شنو ؟؟ الارهاب يمهم لا شئ
ياسر : بس يولد تره السالفه تخوف چانوا يقمعون شخص شخص هسه انفجارات يعني على تجمعنا هذا بـ انفجار واحد العراق نصه يتطشر
قائد : انت صدك تحچي ؟؟ احنه اغبياء لهالدرجه ميكدرون هاي كلها يردون يخوفونا ويبينون انو الساحه مكان مو آمن مو اكثر !! نصدك لعبتهم وننسحب تخبلت انت
ياسر : لعد نموت كلنا ؟؟
قائد : اذا متموت بـ انفجار بـ تحرير تموت بـ طلقه تايهه بـ شارع تموت بـ انفجار بـ السوگ تتسلب وتنكتل !! مادام احنه عايشين تحت رحمتهم و مسلمين حياتنا بـ ايدهم فـ بـ كل لحضه ممكن نموت
حسين : حجيت بـ تعب ، منو يحميك ؟ القوات الامنيه اللي نفسها دتقتل بينا هسه نموت بـ كرامتنا ولا نموت واحنا مذلولين
ياسر : عفتهم وطلعت
بكر : تفكيره حيخبلني احد جابره يطلع مضاهرات هذا
مرتضى : عوفه عوفه مو وكته ، متدرون شكد الاصابات البارحه
مروان : شهيد اللي شيعوه الفجر و 14 جريح تقريبا
بكر : الله يشافيهم ويرحمه الهم يوم والله حوبتنا متعوفهم ابد
جعفر : البارحه حلمت بـ عباس
مروان : شحلمت
جعفر : ردت اروح وياه مقبل كلي انت حترجعلي حقي
مروان : ابتسمت ودمعت عيوني ، نفس حلمي بـ ادم
بكر : تحسرت وحچيت ، حقهم وثارهم مسؤليتنا اذا منرجعه احنه ينسيي دتفهمون ؟؟ ، باوعت على حسين ومروان وجعفر لان همه اكثر 3 بينا تاذوا بـ استشهاد الولد
مروان : هزيت راسي
بكر : يلا امشوا نطلع لنضل خانگين نفسنا بـ الخيمه
مروان : ايي يلا
جعفر : اني مالي واهس راح انام
بكر : ديربالك لتسوي شي بشرفك لان اني شايف هاللقطه قبل
جعفر : يا لقطه ؟
بكر : باوعنا اني ومرتضى على مروان ، مروان چان نفسك وهم حلم بـ صديقه وراح ذب نفسه كدام الرمي فـ لتتخبل بشرفك
جعفر : ضحكت بـ تعب ، لا يابه حنام تعبان والله
بكر : اشاقه وياك نام ارتاح
حسين : اني رايح للنفق
بكر : شعندك
حسين : عاجبني ارسم
بكر : انت رسام
حسين : دنگت ، اني وسيف چنه كلش نحب الرسم وشكد ردنا نرسم بالنفق ومصار مجال هسه حروح ارسم اكيد يفرح
أنت تقرأ
عشق من رحم الثورة 🇮🇶
Romansaتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
