#البارت_الـ 69
- إِنتَ وطنا نريدك ترجع الاول !! ♥️🎶
مروان : انت شدتسوي هنا بالبرد ؟
علاء : ماعرف احد بالساحه
مروان : بربك جان حجيت ويه اي خيمه يدخلوك
علاء : استحيت اطلب من احد
مروان : ومترجع لبيتكم ممجبور تبقى بالبرد
علاء : ابويه طردني
مروان : انت شكد عمرك ؟
علاء : 17 سنة
مروان : طالب ؟
علاء : ايي خامس اعدادي
مروان : دتعال تعال لـ خيمتنا واحچيلي سالفتك
علاء : كمت وياه ورحت لـ الخيمه مالتهم جان اكو ولد ثنين بره ديحچون بالتلفون اشرلهم اجوي ورانه دخلنا لـ الخيمه جان اكو 3 ولد
حسين : منو الولد
مروان : تخيلوا لكيته بـ هالملابس كاعد بره بالبرد
مرتضى : لا بشرفك ليش
علاء : ابويه طردني
بكر : ليش مرحت لـ واحد من اصدقاءك ؟
علاء : هو طردني لان اريد اتضاهر ومدااداوم فـ اني ملكيت مكان ثاني اروحله غير لـ الساحه
جعفر : خرب صدك تحجي
مروان : فهمنا عدل يعني هو من بدايه التضاهرات محچه هسه بـ هالليل يطردك
علاء : لا اني بالبدايه مچان الي علاقه بـ هالموضوع كعدت اسبوعين من انطوها النقابه وراها داومت بس اني اشتغل حلاق ويه ابن عمي فـ دزني لـ الشورجه اشتري غراض صار عندي فضول اشوف الساحه من شفت صور الشهداء واغراضهم والمقبره الرمزيه متحملت وحسيت چنت عايش بـ عالم وهذا عالم ثاني فـ بديت اطلع ويه المضاهرات الطلابيه واجي لـ الساحه ابويه عرف و...
- قبل كم ساعه ...
ابو علاء : تريد وطن وينك وين چروخك شتكدر تسوي انت هاي المضاهرات كلشي متغير يومين يرجعون ويملون
علاء : بابا صارلهم شهرين بالبرد وراحوا منهم 600 واحد ومرجعوا ومحيرجعون لحد متتحقق مطالبهم واني حروح وياهم مو اني نايم بالدفو هنا واكو غيري ديموت بالبرد بالشارع علمود مستقبلي
ابو علاء : انت وغيركك متغيرون شي واكعد ببيتك مثل الاوادمم لتطلع صوتيي بهالليل
علاء : ماكعد ومتمنعني اني محخاف مثلكم واسلم بلدي بـ ايد اللي ميرحمم لا شاب ولا شايب اني رايح للساحه ومارجع لحد ماارجع وطني
ابو علاء : علاء اذا طلعت من البيت بعد مترجع !!
ام علاء : استهدي بالرحمن لك عيني مو هيج على كيفك ويه الولد فدوه لـ كلبك
أنت تقرأ
عشق من رحم الثورة 🇮🇶
Romansaتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
