#البارت_الـ 72
- ابقى ثابت مثل الجبل غازاتك ماتهزني !
- ابقى سلمي مهما تحاول تستفزني ! ♥️🎶
فاطمه : هاي شديسوون ؟
بكر : حيسوون شجره كرسمس هنا و بـ النفق و بعد هم مادري وين المهم على طريقتنا حتكون
فاطمه : الله شكد حلو متحمسه لـ اجواء راس السنه بـ الساحه
مرتضى : حتعلگ بس كون يعتقونا بـ هاليوم
فاطمه : ايي والله كون
علي : طبعا لاحظتوا انو احنه لكينا صور هذوله اهل مجزره السنك ومحد حاسبهم وجميل الشمري اللي جان مسؤول عن مجازر مظاهرات ديالى والبصره العام والناصريه السنة ومحد حاسبه وعاطل طلعوه بـ امان الله محد حاسبهم ليش ؟؟
مروان : يجي دورهم واحد من مطالبنا يحاسبون كل واحد رخص دمنا لتخاف
ضرغام : لعلمكم نفسهم اللي قمعونا بـ الغربيه بـ 2014 من دخلوا داعش على الموصل علمود يسكتونا بس هم ماعاقبوهم ورجعوا حطوهم مسؤلين بـ غير محافظات والحمايه وراهم ويتمشون بـ الشارع بـ حيل صدر
ريم : كلها تدوير نفايات لا اكثر ويردون يمشون نفس الشي علينا بس لا عيني هاي القشمريات متمشي علينا بعد
فاطمه : شفنا مجموعه شباب ديركضون صاح عليهم جعفر
جعفر : شكو شكو شصاير
المتظاهر : حاطين صور الطلي ويدوسون عليها ويهوسون
جعفر : احد فهم شي ؟
بكر : هههههه لا امشوا نشوف
فاطمه : رحنا لكينا حاطين صورة الحلبوسي ويدوسون عليها ويهوسون " اندوس عليه الفاسد والله " وكلش متونسين راح مروان ومرتضى وحسين وياهم ويهوسون واحنه صورنا الوضع ونشرناه وراها رجعنا
مروان : طبعاً رجلي طگت خرب
رنا : شلك بيها الا تگمز
مروان : طلعت قهري اكثر واحد اكرها السلبوحي اقذر انسان
بكر : لعلمك برغم فساده بس ممكن يكون احسن واحد بيهم تدري ليش لان انطه خيره لـ اهله شوف الانبار شلون صارت والمفروض البقيه نفس الشي لو كل واحد يتصرف مثله وينطي خيره لـ اهله ومحافظته جان مو هذا حالنه والله
كرار : صحيح والله بس هم يبقه حقير خاصه استفزازه ذاك اليوم مال نحن الكتله الاكبر خاب ماتسكت احسلك
رنا : اني مانقهر غير على الطلاب اللي حيقرون تاريخنا يوماً ما شلون حيتحملون يقرون كل هالحقاره والفساد والاستفزاز هذا
مروان : لتنسين هم حيقرون على شجاعتنا وصمودنا وصبرنا ونجاح ثورتنا !
محمد : ديحچون بـ خصوص الانبار تره
أنت تقرأ
عشق من رحم الثورة 🇮🇶
Romanceتتكلم الروايه عن " ثورة اكتوبر " ذلك الحدث العظيم الذي اشعل شراره الشعب العراقي ۄ غيـࢪ مفاهيم جيلاً كاملاً . تتكلم ؏ـڼ تلك البذره التي زرعت في قلوبنا ونبتت حتى تخللت في عقولنا واصبحت فڪـࢪهہ خالده لن تموت وسنجاهد حتى نُحققها !! تتكلم ؏ـڼ معاناه طُلّ...
