"ရန်သူတော်အားချစ်ကျွမ်းဝင်မိခြင်း"("ရန္သူေတာ္အားခ်စ္ကြၽမ္းဝင္မိျခင္း")(Complete)

part-13 (Z+U)

Unicode

ထမင်းဝိုင်းမှာမိသားစုလေးယောက်ထိုင်ကာစားသောက်နေကြတယ်။ ရှောင်ကျန့်က ဝမ်အဖေနဲ့အမေကိုဟင်းဦးချပြီးတာနဲ့ရိပေါ်ပန်းကန်ထဲကိုကြက်သားတုံးကြီးတစ်တုံးကိုထည့်ပေးလာတယ်။

ရိပေါ်ကအံ့သြသလိုကြည့်တော့ အပြုံးချိုချိုလေးနဲ့

"စားလေ..."

ရိပေါ်စားသာစားနေရပေမယ့် မြိုမကျ တစ်ခုခုတော့ဖြစ်နေပြီကိုရိပ်မိပေမယ့် ရှောင်ကျန့်ကဘာဖြစ်လို့ရုတ်တရက်သူ့ကိုလာကောင်းနေတာလဲမတွေးတတ်သေးဘူး

ပြန်လာတည်းကရှောင်ကျန့်ကတစ်ခြားလူတစ်ယောက်လိုပဲ ပြုံးလိုက်ရယ်လိုက်နဲ့

'ကြည့်ရတာ တကယ်များသူငယ်နာမစင်သေးတာလားမသိဘူး ဒါမှမဟုတ် သူငယ်ပြန်နေတာလား'

ရိပေါ်စားနေရင်းရှောင်ကျန့်ကိုကြည့်လိုက်တော့ သူ့ဟာနဲ့သူအေးဆေးစားနေတယ်။ ရိပေါ်ကြည့်နေတာသိတဲ့ရှောင်ကျန့်က ပြုံးပြလာတယ်။ ပြီးတော့ကြက်သားတုံးတွေထပ်ထည့်ပေးပြန်တယ်။

"စား စား စားမှအားရှိမှာ
အဲ့ဒါမှ ငါ့ကိုလုပ်ကျွေးနိုင်မှာ.."

ရှေ့မှဝမ်အဖေနဲ့အမေကတော့ပြုံးစစနဲ့သူတို့နှစ်ယောက်ကိုကြည့်နေတယ်။

စားသောက်ပြီးသွားကြတော့ အိမ်ရှေ့ကွက်ပျစ်မှာသွားထိုင်နေလိုက်ကြတယ်။ ရှောင်ကျန့်ကဝမ်အမေကိုကူကာပန်းကန်ဆေးပန်းကန်တွေသိမ်းလုပ်ပေး​နေတယ်။

တစ်ဖက်ခြံမှရှောင်လင်မယားကလည်းစားသောက်ပြီးတော့ လည်ရအောင်ရောက်လာကြတယ်။

"အမယ် ဒီနေ့တော့ထူးထူးဆန်းဆန်း ရန်ဖြစ်သံမကြားရပါလား
ဒါကြောင့် ရာသီဥတုပူနေတာနေမယ်ဟေ့"

ရှောင်အဖေကရယ်သံစွက်ကာနောက်လိုက်တော့ ရိပေါ်ပြုံးရုံပဲပြုံးလိုက်တယ်။

စောစောစီးစီးနောင်ချိန်ချပြီးတာကို ယောက္ခမကြီးမှမသိဘဲလေ..

"ကလေးတွေကအဆင်ပြေသွားကြပြီအကိုရှောင်းရဲ့.."

"အဆင်ပြေမှပဲ ယူပြီးတာတစ်လတောင်ကျော်သွားပြီမဟုတ်လား"