Unicode
Unicode
ရိပေါ်အိမ်မှာ ကြက်စာကျွေးနေတုန်းယွီပင်းကလာခေါ်တယ်
"ဝမ်အကိုလေးရေ ရွာထိပ်မှာပွဲရှိတယ်
သောက်ရစားရအောင်သွားကြရအောင်"
"ဘာလဲ ခဏနေပဲမှောင်တော့မှာကို"
"မှောင်လည်းဘာဖြစ်လဲကွ မီးပုံပွဲလည်းလုပ်အုံးမှာလေ မှောင်တော့ကောင်းတာပေါ့"
"ဘာတွေစားရမှာလဲ"
"ကြက်သားကာလသားချက်ရယ် လယ်ကြွက်ကြော်ရယ် ပြီးရင်ငါးလည်းကင်အုံးမှာတဲ့ ထန်းရည်ရောအရက်လေးလည်းနည်းနည်းပါမှာပေါ့ အဟဲ"
သူတို့ရွာမှာကာလသားရံပုံငွေထဲမှပိုလျှံနေတဲ့ငွေတစ်ချို့ကိုဒီလိုပဲ သူတို့လူငယ်တွေပေါင်းပြီးသုံးပစ်လိုက်တာပင် သုံးလေးလမှတစ်ခါလောက်သာယခုလိုပွဲမျိုးလုပ်ကြတာကြောင့်ရွာရှိလူကြီးတွေကလည်းဘာမှမပြောကြပေ ပြီးတော့ရွာမှအလုပ်တော်တော်များများကိုလည်းသူတို့လူငယ်တွေပဲဦးဆောင်ကာလုပ်ရတာကြောင့်လည်းဘာမှမပြောကြတာဖြစ်သည်။
ရွာထိပ်ရဲ့ညာဘက်မှာက သူတို့ရွာရဲ့တသွင်သွင်စီးဆင်းနေတဲ့ချောင်းကြီးရှိတယ် ဒါကြောင့်ငါးအတွက်ကပိုက်ဆံသုံးစရာမလို ချောင်းထဲဆင်းငါးဖမ်းလိုက်ရုံပင် ကြက်ကတော့ရွာထဲမှဝယ်တယ်
ရိပေါ် ကြက်စာကျွေးတာမြန်မြန်အဆုံးသတ်လိုက်ပြီး
"ကောင်းပြီ "
ဟိုဘက်အိမ်ကလူရောလိုက်အုံးမှာလား
ရိပေါ်မသွားခင်တစ်ဖက်အိမ်ကိုကြည့်လိုက်တော့ ရှောင်ကျန့်နဲ့တူတဲ့အရိပ်အယောင်တောင်မမြင်ရ ရှောင်ဦးလေးနဲ့အဒေါ်ကတော့အိမ်ရှေ့မှာလာလည်တဲ့လူတွေနဲ့စကားပြောနေကြတယ်
ရိပေါ်နဲ့ယွီပင်းတို့ ရွာထိပ်ရောက်တော့သိပ်မမှောင်သေးတာကြောင့်အားလုံးကိုရှင်းရှင်းလင်းလင်းမြင်လိုက်ရတယ် လူကတော့ဆယ်ယောက်ခန့်သာ
တစ်ချို့ကထင်းခြောက်တွေစုပုံနေပြီး တစ်ချို့ကလည်းငါးမြားဖို့ငါးမြားတံတွေယူလာကြတယ် သောက်စရာတွေဟာလည်းနှီးဖြာလေးပေါ်မှာအစုံအလင် ရိပေါ်တို့ကသာဘာမှပါမလာတာ
YOU ARE READING
"ရန်သူတော်အားချစ်ကျွမ်းဝင်မိခြင်း"("ရန္သူေတာ္အားခ်စ္ကြၽမ္းဝင္မိျခင္း")(Complete)
FanfictionWang Yibo & Xiaozhan (Z+U) Unicode ဟိုဘက်အိမ်ကသူငယ်နာမစင်ကောင်နဲ့ဒီဘက်အိမ်ကနံနံပင်ကောင်တို့၏ဇာတ်လမ်းတစ်ပုဒ် (ရွာဟာသဆန်ဆန် yizhanဗမာversion) 1k Start...14.10.2020 End... 4.6.2021 SIX Zawgyi ဟိုဘက္အိမ္ကသူငယ္နာမစင္ေကာင္နဲ႕ဒီဘက္အိမ္ကနံနံပင္ေကာင္တို႔၏ဇ...
