"ရန်သူတော်အားချစ်ကျွမ်းဝင်မိခြင်း"("ရန္သူေတာ္အားခ်စ္ကြၽမ္းဝင္မိျခင္း")(Complete)

part-18 (Z+U)

Unicode

(ဂျင်းကောင် ဝမ်ရိပေါ်)

တစ်ခါတစ်လေလည်းအချစ်ကဆန်းကြယ်တယ် ငယ်ငယ်တည်းကကြီးတဲ့အထိကြည့်မရတဲ့လူကိုမှ သူမှသူအရမ်းဖြစ်နေတတ်တာမျိုး
ချစ်လားဆိုတော့လည်းချစ်တယ် အဲ့ဒါဆို ကြည့်လို့ရလား ဆိုတော့လည်းမရဘူး မြင်နေရတာမျက်စိထဲအမြဲတမ်းကန့်လန့် သူ့ကိုပဲရန်စချင်နေတာ

အခုလည်း သူ့ဟာသူချောင်းထဲမှာရွှံ့သွားခွာပြီး အေးအေးဆေးဆေးထိုင်လုံးနေတာကို ကြည့်နေရင်းနဲ့ကျောကိုထုချင်နေတယ် ဘယ်လိုလုပ်ရမလဲ

မရတော့ဘူး လက်တွေတကယ်အရမ်းယားနေပြီ

"ရှောင်ကျန့်!"

မေးတာကိုမထူးဘဲဘာလဲဆိုတဲ့သဘောမေးငေါ့ပြတယ်။ ရိပေါ်ဘယ်လိုရန်စရင်ကောင်းမလဲစဉ်းစားလိုက်တယ်။

ရှောင်ကျန့်ကိုကြည့်လိုက်တော့မြေကြီးပေါ်မှာကားထိုင်နေတယ်။ စွပ်ကျယ်လက်ပြတ်နဲ့ ပုဆိုးကိုလည်းလည်ပင်းမှာစလွယ်သိုင်းထားသေးတယ်။ ထိပ်မှာသာကြက်တောင်စည်းပေးလိုက်ရင်တကယ့်ကိုသုံးနှစ်သားလေးအတိုင်းဖြစ်သွားမှာပင်။

"မြေကြီးပေါ်မှာထိုင်နေရအောင် မင်းအတွက်ရွှေသင်ပြူးခင်းပေးထားတာမဟုတ်ဘူး သွား ခုံယူပြီးထိုင်"

"မင်းအပူလား ငါထိုင်လုံးနေတာတစ်နာရီလောက်ရှိပြီ ခုမှမြေကြီးပေါ်ထိုင်နေမှန်းသိတာလား ငနာရဲ့"

"ဟ မင်းငါ့ကိုဆဲလိုက်တာလား "

".........."

ရှောင်ကျန့်ကမထီတထီနဲ့သူ့အလုပ်သာဆက်လုပ်နေတယ်။

"အော မေ့နေတာ ရှောင်ကျန့် မင်းကိုသူကြီးကခဏလာခဲ့ပါအုံးတဲ့ ရွာကိစ္စလေးဆွေးနွေးချင်လို့လို့ပြောတယ်"

"မင်းရှိနေတာ မင်းကိုကျော်ပြီးငါ့ကိုခေါ်တယ်ပေါ့"

"ဒါတော့ငါလည်းမသိဘူး ငါကခေါ်ခိုင်းတဲ့အကြောင်းကိုပြန်ပြောပြတာ သွားတာမသွားတာကတော့မင်းအပိုင်းပါ.."

ရှောင်ကျန့်ကမယုံသလိုမျက်လုံးကိုမှေးကာကြည့်နေတာကြောင့် ရိပေါ်လည်းခပ်တည်တည်နဲ့ပဲရှေ့ကသတင်းစာရွက်ကိုကောက်ဖတ်လိုက်တယ်။