# حب بعد الإنفصال❤💔(31)
موطــنيّ قلبهّ ولآ غيـــــرهّ وطن ،💚💚✨🖇.
سمعت جرس الباب بدق بسرعة قلت دا منو الثقيل البدق الجرس بعدم ذوق كدا 😡شلت توبي مشيت فتحت الباب لقيتهم شابين غريبين لذيت الباب شوية وعاينت ليهم نظام عاوزين شنو 😒 واحد فيهم قال لي "" زوجك موجود "" قلت ليهو "" لا😒 "" قال لي "" ناد لي اي راجل اتكلم معاهو "" قلت ليهو ""ما في راجل في البيت ارجع في زمن تاني "" من قلت ليهم كدا عاينو الاثنين لبعض صراحه خوفوني طوالي لذيت الباب عشان اقفلو واحد فيهم لزاهو من برة بقوة خلتني اقع والباب اتفتح لنهايتو غضبوني شديد طبعآ بس حضر اقوم التاني لزا الباب برجلو وقفلو قمت سريع قلت ليهم......
انا : انتو أغبياء ولا ما عندكم مخ اطلعو برا سريع😡😡😡عاوزين مني شنو
... واحد مسكني من يدي بقوة وعاين لي من فوق لتحت بنظرات مقرفه وقال لي "" عاوزنك😏😈"" جريت منو يدي ورجعت لورا بخوف المعاهو قال للمسكني "" المرة دي شكلنا حنصطاد سمكة ذهبية 😏"" خفت جريت على الشباك سريع وبقيت انادي سوسن وخالتو واحد فيهم جاء جاري وراي عشان يمسكني جري دخلت غرفتنا وقفلت الباب 😪 كنت بحاول اكون قوية وما اظهر ليهم خوفي بس لما بقو يدقو الباب بقوة خفته شديد وقلبي بقى يدق بسرعة شديد من الخوف 😰 قلبت الغرفة وانا بفتش في تلفوني عشان اقدر اتصل لأي زول يجي ينقذني😢بس نهائي ما لقيتو بقيت ابكي وافتش وفي الوقت دا هم فتحو الباب ما بعرف كيف المهم فتحو واحد وقف برا وواحد جاني بغضب حاولت اجري مسك التوب جراهو مني لمن طلعو طوالي جريت ولزيت الجنب الباب وصلت المطبخ شلت السكين ولحسن حظي لقيت التلفون في المصطبة شلتو لما جو داخلين مديت السكينه في وشهم ويديني برجفو قلت ليهم...........
انا : إياكم تقربو مني بقتلكم 🔪 😤
... بقيت امشي لوراء ومهدداهم وكل ما واحد يمد يدو عشان يمسك السكين بحاول اشخطو في يدو بس بتجلي وتجي في الهواء طبزت التلفون بخوف اول زول خطر في بالي حسام طوالي اتصلت ليهو بس ما برد حاولت تاني واحد فيهم ضرب التلفون وقعو مني ومن خوفي ضربتو بالسكين في يدو بقوة والتاني لمن جاء ضربتو في رجلو بقوة والاثنين بدا ينزل منهم دم بس ما كثير لانو الجرح سطحي بس خوفي زاد وبقيت ارجف وجسمي بكب عرق زي المويه ودموعي بنقطو الضربتو في يدو مسكني من يدي وبقى يقابض في السكين بس حلفت ما افكو ليهو ببكي وبردد لا لا لا بصوت عالي بدون مقدمات ضربني كف لمن وقعت والسكينة طارت بعيد التاني جاء خنقني بقوة بقيت احاول اتفكا منو 😵لحدي ما صحبو فكاهو مني وقال ليهو "" نحن ما جينا عشان نكتلها😡"" رد ليهو بغضب "" بس هي اجبرتني اتعامل معاها كدا 😡😤"" وبقو يتناقشو انا كنت بكح والتقط انفاسي بصعوبة اثناء مناقشتهم وصلت للتلفون ودقيت لرائد طوالي فتح الخط وقبل ما يتكلم قلت ليهو بصوت واطي مليان خوف ..............
انا : رائد انقذني 😭 رائد الحقني سريع 😭😭 في اثنين .....
... وقبل ما اتم كلامي واحد فيهم ضرب التلفون برجلو بعد وقع من يدي عفصو بقوة لحدي ما الشاشة اتكسر بعدا رفعو وضربو في الحيطه بقى أشلاء 😭😭😭 عاينت ليهم بخوف ولميت رجليني وبقيت ابكي وبدعي من قلبي واحد فيهم قال لي "" رائد الضربتي ليهو دا لمن يجي حنطعنو بنفس السكينه الجرحتينا بيها😏"" قلت ليهو ........
انا : رائد ما سمع كلامي بس انا واثقه إنو حسام حيجي حسام مستحيل يسمح لزول يأذيني اكيد حيقتلكم😭😭😭 حسام حينقذني 😭وينك حسام وينك 💔
... جراني من يدي وقال لي باستفزاز "" خلينا ننجز بعدا يقتلنا😏😉 """ وضحك مع صاحبو بعدا مسك يديني وحاول يقرب مني بس انا فضلت اقاوم لأخر ذرة قوة عندي بقيت اذكرهم بأخواتهم وامهاتهم وكلام ربنا بس عيون الذئاب ما اختفت منهم رفضت استسلم لحدي ما نادي صديقو ثبتني من رجليني وهو مسك قميص البجامة بغضب وشرطها صرخت وبكيت من أعماق قلبي بس منو البسمعني ديل مجرد ذئاب في هيئة بشر ما بعرفو الرحمة او الإنسانية مهمتهم يقضو على فريستهم ويفتشو فريسة تانية 😭😭😭 بس انا مستحيل ابقى فريسة سهله😭 حمدت ربي لاني لابسة فنيلة تحت القميص بقيت احاول استر يديني ومرات اضربو مسك يدين الفنيلة قطعهم واحد ورا التاني مسكت يدو وقلت ليهو........
انا : لا ارجوك😭 الله يرضى عليكم خلوني😨طيب عشان خاطر امك الولدتك 😭 الله يرضى عليك لا آه آها 😭😭
... فكا يدو مني ومسك يديني الاثنين بيدو واحدة وثبتهم وبيدو التانية مسك الفنيلة داير يجرها يقلعها ما بعرف كيف بس فجأه باب الشقه اتفتح ودخل منها حسام وفهد ورائد من الدموع الفي عيوني بقيت ما بشوف بوضوح رائد مسك الكان مثبت رجليني وبقى يضربو اما حسام جرا التاني من قميصو وضربو بوكس وقع بعيد مني وفهد مسكو ووقع فيهو ضرب حسام طلع بدلتو رفعني من الارض ولبسني ليها وضماني كنت شايفه الحصل دا كلو كأنو حلم وما مصدقه إنو انقذوني بس ضمت حسام وريحة عطرو وصوت انفاسو الخايفة ورعشة يدينو ونظراتو خلتني اعرف إنو دا الواقع ما صدقت مسكت قميصو وبقيت ابكي بحرقة قلب😭😭😭ما بعرف الفترة البكيتها بس فضلت ابكي لحدي ما صدعته وحسام شغال يحنسني ويطبطب على شالني وصلني غرفتنا رقدني وقعد جنبي لحدي م هديت خطاني وطلع من الغرفه اتصل لفهد واتكلم معاهو طبعآ فهد ورائد ضربو الشابين وودوهم القسم سلموهم للشرطه ولما حسام ضرب هم كانو لسة في القسم المهم بعد حسام طلع من الغرفه فجأه اتذكرت الكف الضربوني ليهو وكل شي عملو فيني عاينت لنفسي وفنيلتي الشرطوها نزلت من السرير دخلت الحمام وفتحت الدش وقعدت تحتو وتاني بقيت ابكي بحرقة وبصوت حسام رجع الغرفه ما لقاني سمع صوتي من الحمام جاء وقف جمب باب الحمام وشغال يناديني ما اشتغلت بيهو قعدت تحت الدش اكتر من نصف ساعه وبغسل كل مكان لمسوني فيهو يديني ووشي وحتى رقبتي لما خنقوني ورجليني حسام بقى مرات يدق الباب ومرات يتكلم معاي فتحت الباب صغير وطلبت منو لبسة بعد غيرت بعداك طلعت حسام مسكني من اكتافي وقال لي .......
حسام : بيان 😟
... قلت ليهو........
انا : انا بخير😔
... رقدت في السرير واتغطيت حسام جاء قعد جنبي وقال لي .........
حسام : انا جنبك بيان إياكي تخافي او تزعلي انتي ما عندك اي ذنب حبيبتي انا بحمد ربي الف مرة لانو انقذناكي منهم ، بعرف إنك قوية وقاومتي بكل طاقتك
... قاطعتو وقلت ليهو بصوت مخنوق .......
انا : وين كنت وقت ضربوني كف وخنقوني وين كنت وقت كنت بنادي اسمك 😭😭 لي ما رديت لي زمن اتصلت ليك 😭😭💔 بحمد ربي لأنو رائد رد على 😭😭😭 لو سمحت حسام خليني براي 😭😿💔
... مسك يدي وقال لي.......
حسام : غمضي عيونك وحاولي تنومي بعد تنومي حأطلع من هنا بوعدك 😐💔
... غمضت عيوني نمت صحيت بعد زمن حسيت بإني نمت شهر عديل وحلمت احلام كثيرة كنت بسمع صوت شهد وحسام بنادو فيني وايادي بارد بتلمسني في وشي واصوات ناس بعيد بتكلمو من فتحت عيوني بقيت اعاين في الغرفة لأنو الغرفه كلها بيضاء حاولت اقوم يدي وجعتني عاينت ليدي لقيت موصل فيهو سيروم دايرة انادي صوتي بطلع ضعيف وحسيت بألم في حلقي شوية كدا جاتني ممرضة حاولت اتكلم قالت لي ......
الممرضة : حمدلله على السلامة ما تحاولي تتكلمي لانو كدا حتتعبي حلقك زيادة بس ارتاحي وحبة حبة حتتحسني حمدلله على سلامتك 👩⚕️
... بقيت احاول افهم منها حاجه بس ما قدرت فحصتني وركبت لي سيروم تاني وطلعت بعد طلعت طوالي شهد جات داخله والفرح باين على وشها حضنتني وقالت لي.........
شهد : واخيرا صحيتي 🥺 خوفتينا عليكي 😰
... حاولت اتكلم قالت لي ......
شهد : ما تحاولي لأنو حلقك ملتهب اكيد رقدتي في المكيف وجسمك لين عشان كدا مسكك حمة والتهاب ثقيل بس إطمني كم يوم وحتتحسني 😥
... جابت كرسي قعدت جنبي ومسكت يدي وقالت لي بحزن .....
شهد : امس حسام اتصل لي وقال لازم اجيكي ضروري خوفني بكلامو جيتك سريع وقتها حكى لي الحصل امس اتصدمت وزعلت شديد اولاد الحرام الله يجازيهم 😡كنت حابة اقعد جنبك واواسيك بس حسام منعني وقال لي إنك ياداب قدرتي تنومي فضلت معاكي وهو طلع ما بعرف فات وين بس إتأخر شديد بعد رجع يدو كانت مجروحة وبتنزف وحلف ما يوريني فات وين ورفض انضف ليهو الجروح وبعد صعوبة اقنعتو نظفت ليهو جروحو الحمدلله كانت سطحية بعدا سألني منك قلت ليهو من خلاكي نايمة ما شفتك لأنك تعبانة وتأخيرو خلاني اقلق عليهو ونسيت اصحيكي المهم لما جينا لقيناكي محمومة وجسمك نار مولعه جرينا بيكي المستشفى الدكتور اداكي ادوية وبعد ساعات حرارتك نزلت وحسام فضل جنبك لحدي الصباح ما نام نهائي قلت ليهو يمشي يغير ويجي وفات شقتكم دي كل القصه يلا ارجعي أرقدي ارتاحي شويه 😒
... مسكت يدها وعاينت ليها نظام شكرآ لانك جنبي شهد قالت لي.........
شهد : انتي اختي يا بيان عارفة يعني شنو اخت 😟 تومتي الما ولدتا امي 🥺 عشان كدا ما تشكريني ابدا 😒 وإياكي تقولي عشان انا عروس ومحبوسة يعني حأتخلى عنك لا حتى لو في شهر العسل لو سمعت انك ما بخير بجيكي طايرة 😟❤️ بحبك يا جن يلا نومي قبل ما انومك بالغصب 😒
... ابتسمت ليها ورقدت 🙂❤️ فضلت تونسني لحدي م حسام جاء بعد جاء طوالي شهد قالت ماشة تشوف الدكتور وتجي بعد طلعت حسام مسك يدي وقال لي حمدلله على السلامه بعدا ختا يدو في راسي وقال لي .....
حسام : حمدلله مافي حرارة حاسة باي الم ؟
... قلت ليهو بصعوبة .....
انا : الم في الحلق 😿
... قال لي .....
حسام : كم يوم وان شاءالله تتحسني بس ما تتعبي حالك 🙂
... حركتة ليهو راسي بمعنى اي جرا كرسي وقعد شكلو ما عارف يقول شنو يمكن حاسي بالذنب لاني شاكلتو رغم إنو ما عندو ذنب عشان كدا قلت ليهو...........
انا : آسفة لأني شاكلتك 😿
... ابتسم وقال لي .....
حسام : عادي حبيبتي كلنا لمن نغضب بنتكلم بدون وعي بس اذا انا ما اتحملتك وقت زعلك مين حيتحملك مثلآ 🥰
... في اللحظه دي جو فهد ورائد 🙂قعدو اتونسو معي وطلعو شوية كدا الدكتور جاء خرجني رجعنا الشقة لقيتو نظيف ومرتب بعد دخلنا جات رين حضنتني وحمدلة لي السلامه فرحت لمن شفتها بس اكيد حسام قطع ليها اجازتها 😒 المهم دخلت غرفتنا شهد قعدت معاي شوية وفاتت بعد فاتت طلعت البلكونة وقفت وغمضت عيوني وبقيت اخد نفس عميق وازفر بحس براحه وسلام لمن اعمل الحركة دي 🙂 اتلفت كدا لقيت حسام بعاين لي لا شكلو سرحان فيني ومبتسم كمان لمن عاينت ليهو زح عيونو مني بس لسة مبتسم عملت ليهو حركة بيدي نظام في شنو قال لي ولا شي بعدا مسك يدي بيدينو الاثنين وقال لي ...........
حسام : بتمنى كل المريتي بيهو تقدري تنسيهو وان شاء الله حنتجاوز كل المصائب مع بعض 🙂
... بعدا ابتسم وقال ......
حسام : ربي يخليك لي 😙
... بعد قال كدا باسني في خدي وفات استغربت من كلامو وفرحو البدون سبب بس ما اشتغلت بالموضوع تاني يوم اهلي واهلو جو كلهم مع بعض شاكلونا شكل صح قالو كيف امرض وما اوريهم هم ما عارفين سبب المرض الاكبر 🥺💔 لمن ماما حضنتني قعدت ابكي 😭 ماما حست إني داسة منها شي قالت الا تعرفو وكلهم قالو احكي ليهم المضايقني قلت ليهو يعني الزول ما يشتاق لحضن امو 🥺😒كلهم ضحكو المهم قيلو معانا وفاتو المساء ملوني طاقه ايجابيه وسعادة 🤩في اليوم البعديهو جونا شهد ورائد وفهد قيلو معانا وطلعو بعد المغرب الغريبة إنو رزان ما جات نهائي 🤔 طبعآ في الثلاثة يوم دي اتحسنت شديد قعدت في الصاله بحضر في فلم حسام جاء قعد في الكرسي الجنبي وشايل ليهو ورقة ما ركزت معاهو لحدي ما قال لي بفرح ........
حسام : بيان انتي جادة في الكلام الكاتبة ده بالجد انتي بتحبيني 😻 ؟؟
... يتبع 🍁 .......
