# حب بعد الانفصال❤💔 (20)
... طلعت خليتها عشان تراجع نفسها بعد طلعت فتحت تلفونها وشافت صورتو وقالت بحزن.........
نور : انا غلطانه لأني حبيتك بس انت ما بتعرف معنى الحب 💔انا بكرهك مروان
... بعد طلعت مشيت قعدت في حديقة الفندق بالجد كنت زعلانه عليها لانها حبت شخص ما بستاهلها سبب ليها الألم ما اكتر صح ما بعرف طبيعة علاقتهم كيف بدت او سبب نهايتها شنو بس من دموعها والحزن الفي عيونا ظاهر إنو هو الخزلها وكسرها عشان كدا انا بكره الحب والرجال لانهم ما بسببو غير وجع القلب 😪💔 كنت بفكر حسيت بزول قعد جنبي عاينت لقيتها دي نور قالت لي ......
نور : شكراً ليكي
انا : ولا يهمك حبيبة
نور : حأحكي ليكي قصتنا انا ومروان 💔
انا : طيب بس
... قبل ما اتم كلامي شهد اتصلت لي صمتة التلفون وركزت مع نور اخدت نفس وقالت لي بحزن........
نور : انا وهو اتلاقينا في حفلة واتوالت اللقاءات بينا وصرح إنو معجب بي وصراحة انا كمان اعجبت بيهو ، بعد فترة بسيطة التقينا تاني وكل مرة اعجابي فيهو بزيد لحدي ما طلب مني رقمي وانا الغبية بدون تفكير اديتو رقمي واديتو فرصة عشان يدخل حياتي بقينا نتكلم مع بعض ومرات نلتقي فضلنا كدا لأكثر من شهرين ،، كنت واثقة فيهو ثقة عمياء وحبيتو من كل قلبي علاقتنا استمرت لخمسة شهور بس انا حبيتو بصدق ، في فترة علاقتنا هو دائماً بحاول يلقى طريقة عشان يقرب مني وانا الغبية كنت قايلا دا من حبو لي 💔كنت بشوفو بتكلم بالتلفون ومرات عادي بلقاهو قاعد مع بت بس عمري ما شكيت فيهو كنت دائما بفتش ليهو عزر من مافي بس في يوم لقيتو مع بت في عربيتو وكانو في وضع 🤢💔
... سكتت وما قدرت تتم كلامها ختيت يدي في كتفها وقلت ليها.........
انا : واحد حقير 😡
... نزلت دمعة من عينها وقالت.......
نور : طلع نسونجي حقير ما اكتر وانا مجرد لعبة من العابو 😭 ما كنت متخيلة إنو مروان سئ للدرجة دي 💔 من غبائي كضبت عيوني وقلت اكيد هو بحبني وانا غير الكل بالنسبة ليهو وممكن هو منتظر انا اعمل الخطوة الأولى نور بدت تتذكر الحصل وتحكي لي.......
Flash back....
... مرة كنا في عربيتو قلت ليهو........
نور : نحن بنحب بعض لينا اكتر من خمس شهور بس لازم يكون في شي رسمي بيناتنا صح
.... عارفة رد لي بشنو ختا يدينو في اكتافي وقربني منو ومسك يديني وبقى يعاين لي بنظرات مقرفة وقال لي ........
مروان : انا اسف حبيبتي بس انا ما بثق في اي بت لأنو معظم البنات ما شريفات
... اتذكرت الموقف الشفتو فيهو قلت ليهو.....
نور : زي ما في بنات سيئين كمان في اولاد اسوأ بس خلينا نتكلم عن حياتنا
... قال لي بابتسامة خبيثة.........
مروان : شنو البضمن لي إنو إنتي شريفة لازم أتأكد صح 😏 وبعدين انا معجب بيكي بس ما لدرجة إني اتزوجك ، ما تكوني نوع البنات اللمن ولد يقول معجب بيها طوالي تفكيرها بمشي للزواج الإعجاب انواع يا حبي 😉
... كنت مصدومة ومتجمدة في مكاني ما قدرت ارد ليهو ولا جريت يديني منو كنت بعاين ليهو بس فكا يدي وبقى يمرر يدو في كتفي بالجد حسيت بالقرف ودموعي نزلو استجمعت كل القوة الفضلت عندي ومسكت يدو زحيتها مني وقلت ليهو بين دموعي......
نور : في وقت بسيط حبيتك من كل قلبي واتعلقة فيك بس انت ما بتستاهل غير البنات السيئات زيك 😭💔
.... ضغط على اكتافي بقوة وقال لي ......
مروان : انا صبرت عليكي الزمن دا كلو كنت بحاول اخليكي تسلميني نفسك برضاكي بس كل ما امسك يدك او احاول أقرب منك انتي بتبعدي عني لانك فاكرة إنو انا بحبك ، بأختصار كدا عاوزة كم عشان تديني العايزو ونخلص من الموضوع ده
.... عاينت ليهو بقرف وزحيت يدينو مني وقلت ليهو ....
نور : العيون الاتعودت على الحرام عمرها ما بتشوف الحلال والراجل الاتعود على العلاقات المحرمة بشوف كل البنات سيئات 💔، انا وانت علاقتنا انتهت 💔
... دايرة افتح الباب عشان انزل كان مأمن الباب قال لي بغضب ....
مروان : يعني عاملة نفسك شريفة 😏اشكري ربك لأني ما باخد اي بت بالقوة وإلا كنت اخدت العايزو 😡، ما دام علاقتنا انتهت بتمني ما اشوف وشك تاني 😡😡
... بعد تم كلامو فتح التأمين نزلت من عربيتو والدموع نازله من عيوني زي المطر وقلبي مكسور لاشلاء 😭💔
