# حب بعد الانفصال❤💔 (27)
...قلت دا شنو الاهبل الراسو ضارب ليهو دا قال متشوق اشوفك يشوف العمى بركة الله ما لازم اشغل نفسي بواحد متخلف زيو بس قاصد شنو بإنو متشوق يشوفني ، انا ما ماخدة موعد مع اي زول وانا متأكده إنو دي ما حركات حسام حيكون منو يا رب 🤔شكلو زول بعرفني وحابب يلعب بأفكاري بس لمن اشوفو حأندمو 😤 طلعت من محل الرسائل واتصلت لشهد ردت لي بنعس كدا قالت.............
شهد : بيبو كيف اصبحتي
... قلت ليها ....
انا : انا بخير يا عروس🌚شكلك لسه نايمة
شهد : لا صحيت بدري بس لسه نعسانه 😴
انا : اها كيفك من التعب
... قالت لي بفرح.......
شهد : تصدقي إني ما حاسه بتعب نهائي حاسة بفرح وسعادة غريبة 😀
انا : بتمني تكوني دائما مبسوطة كدا 🙂
شهد : عارفة لمن حبيت محمد حاولت بكل الطرق اهرب من حبو 😣ولمن دخلت في علاقة معاهو وبقينا نطلع مع بعض كنت بحس بالخوف الخوف من انو اهلي يعرفو بعلاقتنا وما يرضو بيها بس كنت خايفة إنو محمد يكذب لي او يغدر بي ويخوني او يعتبرني مجرد لعبة يتسلى بيها ويقضي بيها وقت😥 كل المخاوف دي كانت في راسي وكل تفكيري دا لأني بحبو وخايفة اخسرو 😥بس لمن قرر يتقدم لي خفتة بابا يرفضو ويزوجني لزول تاني بس امس لمن عقدو حسيت بإني طايره من الفرح وما قادرة اعبر عن كمية الفرح الجواي ❤😍❤
انا : شودي الحب شي جميل شديد بتمني ربنا يحفظكم لبعض 😍
شهد : بيبو عارفة محمد لمن جاني جوا قال لي شنو 🙂 ؟.... لمن جاء داخل اتصدمت لأني ما اتوقعت يكون هو كان باين على وشو الفرح ومبسوط باسني في خدي بوسة مليان حب وقال لي ''' بغض النظر عن الطريقة الحصل فيهو العقد المهم إنك بقيتي حقي وحلالي 💞 رغم إنو عمو محمد وبابا قررو نعقد بدل الخطوبة بس أصلاً الفكرة دي كانت في بالي وكنت خايف ما يتقبلوها عشان كدا سكتة بس لما قررو العقد في فرحه كبيرة دخلت قلبي 💗❤️ شهد انا عارف إنك متوتره وخايفة بس ختي كل ثقتك فيني وبوعدك مستحيل اخذلك لحدي ما ربنا ياخد امانتو 🙂❤️''' بعد قال كدا ما عرفت أقول ليهو شنو في قلبي كنت بقول ربنا يحفظك لي بس ما قدرت اقولا ليهو ما عارفة كيف بس دخلت حضنو وكنت خاتة راسي في صدرو وهو ضماني ليهو اكتر وباسني في راسي ما كنا حابين نبعد عن بعض لحدي ما ناديتينا ❣️ بيبو بتمني تحبي حسام وتعيشو بسعادة كبيرة
... كنت بسمعها بفرح بس لمن جابت سيرة حسام حسيت بفرح أكبر ولأول مرة قلت ليها.........
انا : ان شاء الله 😊
... قالت لي بصوت عالي.......
شهد : بيبو يا معفنه ما تكوني حبيتيو وما وريتيني😒
... قلت ليها بسرعة.....
انا : ما بعرف 🤷
شهد : كيف يعني 😒
انا : مشوشة وما بعرف الصح من الخطأ 😿
شهد : بيبو اذا بتحبي إياكي تسكتي لأنو حسام كمان بحبك واكيد منتظر حبك بفارغ الصبر 😒😀
انا : خايفة 😣
شهد : ما تخافي المخاوف دي طبيعيه ولمن تعترفي ليهو كل مخاوفك حتختفي 🙃
انا : محتاجه شوية وقت 😿
شهد : اكيد حبيبة بس ما تتأخري زيادة عن اللزوم لأنو لو ضيعتي حسام حتندمي 😐
انا : شودي ما تخوفيني😣
شهد : بحاول اوريكي الحقيقة لأنو كتار الجارين وراء حسام أمثااال صديقتو رزان 😒
... من جابت لي سيرة رزان حسيت بضيق قلت ليها....
انا : اووف ما تجيبي لي سيرتها اللصقة 🙄
شهد : 😂 طيب طيب
انا : يلا حبيبة بايات 😀
... قفلت منها مشيت المطبخ لقيت رين بتطبخ قعدت اتونس معاها قالت لي فهد طلع بدري مع ماكس 🐕 شوية كدا تلفوني دقة لقيتها نور زكرتني بالحنة حقتها طبعاً نسيت إنو حنتها بكرة 😪 كويس إنها زكرتني لأني نسيت موعد حنتها 🙆🏻♀️ السمح في الموضوع إنها عاملة حنة بلدية 😻 المساء حسام جاء متأخر وبعد غير وكدا قال متعشي ودخل مكتبو كنت منتظراهو عشان اكلمو بموضوع الحنة لحدي ما نمت😴 ، تاني يوم لمن صحيت لقيتو مافي قلت في راسي قبل ما امشي ارسل ليهو رسالة نصية اوريهو عشان ما يخاف على ، المساء لبست توب وردي سادة طقمتو كلو وردي في وردي وثبتو بدبوسة على شكل فراشه مع إكسسوارات سوداء وميكب خفيف وكعب اسود وسرحت شعري عادي وختيت التوب👌طلعت سريع ركبت ترحال وصلني ومع الإستعجال نسيت تلفوني بعد وصلت حتن اتذكرتو بس ما رجعت ليهو تاني قلت اطلع بدري من الحنة لانو الحنة بدت 5 مساء بس مع الأغاني والتحييص طلعت قريب لل10 طبعاً طلعت اخر واحدة لانو نور حلفت إلا اصبح معاها اقنعتها بالعافية اتصلت لخطيبها الحيصبح زوجها بعد أيام عشان يوصلني رفضت ليها بس مع إصرارها وحليفة امها اضطريت اوافق ودعتهم وركبت معاهو زوجها طلع ظريف ودمو خفيف وشكلو بحبها من فترة لانو طول الطريق بحكي لي عنها 💞لمن وصلنا الشارع البودي عمارتنا قلت ليهو يقيف لي وهو حالف الا يوصلني جمب باب العمارة فهمتو إنو الناس كلامهم كثير وشكاكين واكيد حيتكلمو فينا كتير وافقني بس قال حينتظرني لحدي ما ادخل العمارة بعدا حيمشي قلت ليهو تمام ودعتو ونزلت راقبني لحدي ما دخلت العمارة بعدا دور وفات 🚘 الفترة دي حسام كان واقف في البلكونة ومراقب الحصل👀 بعد دخلت قلت يمكن حسام لسه ما جاء دخلت بهدوء ولمن ما لقيتو في الغرفة إطمنت طلعت الإكسسوارات وفكيت التوب بس شفت حسام واقف جمب باب البلكونة بغضب بقيت اعاين ليهو🙂قال لي .........
حسام : السيدة بيان العظيمة وأخيراً شرفتينا بحضورك 😠، عارفة الساعة كم 11:20 بدري شديد صح كان لازم ترجعي بعد نص الليل 😤
... قلت ليهو.......
انا : آسفه حسام بعرف إني خلطانة بس نسيت اكلمك ومع الإستعجال نسيت تلفوني 😅
... قال لي....
حسام : لا لا ولا يهمك مدام بيان أصلاً مافي زول خاف عليكي وحاول يتصل ليكي عدة مرات ولا في زول ما قدر ينوم او يرتاح قبل ما يطمن إنك بخير😬 ، إطمني مافي زول بهمو امرك عشان كدا انتي حرة وقت ما عاوزة اطلعي وارجعي بعد نص الليل عادي وخلي تلفونك في اي مكان كمان عادي😠 تصبحي على خير 😡🚶
... بعد قال كدا طلع من الغرفة قعدت طرف السرير اخدت نفس وبقيت افكر في كلام حسام بالجد المرة دي انا غلطتة في حقو ويمكن يكون شاف زوج نور وغضب زيادة لازم اعتذر منو وافهمو عشان ما يفهمني غلط 😐 طلعت الصالة لقيتو مافي مشيت مكتبتو لقيتو مافي كمان دخلت غرفة فهد لقيتو قاعد مشيت قعدت جنبو وقلت ليهو.........
انا : حسام صدقني حاولت اكلمك بموضوع الحنة امس بس إنت رجعت متأخر والصباح لمن صحيت لقيتك مافي قلت ارسل ليك رسالة نصية بس نسيت تلفوني😿 حاولت ارجع بدري بس نور اصرت على اقعد 😿
... قام وقف وعاين لي مسافة وقال لي........
حسام : بعد الفترة العشتها معاكي اكتشفت إنك واحدة أنانية وبتفكري في نفسك بس 😠 وياداب فهمت كيف رفضتي كل الإتقدمو ليكي لأنك ما بتفكري في مشاعر اي زول بس لمرة واحدة ختي نفسك مكاني😤
... وقفت قدامو وقلت ليهو بحزن......
انا : ما رفضتهم لأني أنانية بالعكس رفضتهم لأني ما بحب اجرح اي زول او أديهو امل كاذب بس انت ما قدرت ارفضك لانو بابا اصر على زواجنا 😪
... قال لي وعيونو بتسأل الف سؤال........
حسام : ولحدي الآن عايشه معاي عشان ترضي عمو صح ؟😬
... بدون ما أشعر مسكت يدو وقلت ليهو..........
انا : لا حسام صح إتزوجتك عشان ارضي بابا بس اكيد حابة علاقتنا تتحسن بس محتاجين زمن😿
... عاين ليدي بحب براحة فكيت يدو قال لي.......
حسام : نحن محتاجين شوية تفاهم 😕 بس مرات بحس إنك بتحبي زول وما قادرة تواجهيني عشان كدا بتحاولي تبعدي عني 😐
... قلت ليهو بغضب.........
انا : اذا حبيت شخص تاني ما بحاول أبعد عنك لا حأنفصل عنك نهائي 😡
... لما زكرت اسم الإنفصال غضب أضعاف مسكني من اكتافي بغضب وقال لي ........
حسام : إياكي تفكري مجرد تفكير إني حأطلقك حتى لو حبيتي الف نفر فاهمة 😡
انا : حسام أبعد يدينك عني 😑
... زحيت يدينو مني وقلت ليهو بغضب .........
انا : ما محتاجة احب الف نفر لأني بحب شخص واحد وهو موجود جوة قلبي😡❤️ وحيفضل جوا ومافي شخص حيعرف بيهو حتى انت 😤
... التفت عشان امشي مسكني من يدي نفضت يدي منو وقلت ليهو...........
انا : إياك تحاول تلمسني تاني وإلا ما حيحصل خير 😤☝️
... مشيت غرفتنا وقفلت الباب بالمفتاح وقعدت أبكي 😭حسام شاكك إني بحب شخص تاني ومن غضبي وإنفعالي اثبت ليهو كلامو عشان اغيظو 😭💔 كل ما أحاول اصلح علاقتنا بخربها زيادة لأني بنفعل وبألف كلام من عندي 😪💔 اكيد حسام بكون كرهني وكره اليوم الاتزوجني فيهو 🤦رقدت وشغالة اتقلب ما قدرت انوم طلعت من الغرفة براحه لقيت حسام نايم في كرسي الجلوس والتلفزيون فاتح قفلت التلفزيون وصحيتو براحة قام بنعس وفات الغرفة ونام شكلو تعبان 😴 رقدت جنبو وكنت بأنب نفسي لأنو اكيد حسام لا اكل ولا شرب شي لأنو كان خايف على وانا زدت ليهو الطين بله 🤦 كل تصرفاتو بتثبت حبو لي وخلاني اتعلق فيهو غصباً عني 💓 نمت بدون ما احس تاني يوم كالعادة لقيتو مافي 😪 بالجد اشتقت لحسام القديم حسام البهظر معاي والبتحداني والبتشاكل معاي عشان يحضر فلم هندي ممل اشتقت لحسام صديقي الما كنت بحس تجاهو باي مشاعر 😔💔 الحب بخرب العلاقة وبدمرها انا بكره الحب 😔 بكره كل شي بتعلق بالحب كنت متضايقة شديد وحاسة نفسي مكتوم قلت افضل شي اشغل نفسي بشغل البيت ضربت لرين اديتها إجازة مفتوحة بعدا نظفت البيت ومسحتو من فوق لتحت رغم إنو نظيف بس حبيت املا وقتي عشان ما افكر كثير خلصت من النظافة بعد الظهر بديت الطبيخ عملت كم اكله بعدا لميت العدة في المغسلة وبديت أغسل بس سمعت صوت الجرس بدق بطريقة غريبة وسريعة قلت دا منو المزعج البدق الجرس زي المجنون دا مشيت سريع فتحت الباب لقيتها آية من فتحت الباب دخلت سريع وقفلتو وراها بخوف وكانت بتتنفس بسرعه وبترجف خلعتني وخوفتني عليها 😨😰مسكتها من يديها وقلت ليها بخوف...........
انا : آية اهدي واحكي لي مالك 😲
... قالت لي بخوف.......
آية : ح حسام 😱 حسام حيقتلني 😫
... حاولت اطمنها قلت ليها.....
انا : حسام مستحيل يأذيكي تعالي معاي
... سقتها من يدها دخلتها غرفتنا وجبت ليها موية كانت بتعاين ناحية الباب بخوف قلت ليها........
انا : آية حبيبتي انا بوعدك اساعدك بس إنتي اهدي 😐
آية : حسام شافني مع ولد في الكافي وغضب شديد ضرب الولد بوكس بدون ما يفهم الحاصل وانا خفت وهربت من هناك 😖
انا : بس حسام مستحيل يعمل كدا اكيد هو لمن شافكم فهمكم بطريقة خاطئة 🤷
... عاينت لي كأنها بتنفي كلامي وقالت لي .........
آية : حسام ما فهمنا خطأ لانو سالم بكون حبيبي وكان ماسك يديني في الكافي
... قلت ليها بخلعة......
انا : حبيبك ؟🙆🏻♀️
آية : اي 😰
... كنت دايرة اشاكلها بس حالتها ما بتسمح قلت ليها.......
انا : طيب إنتي خليكي هنا انا حأتصرف معاهو بس اهدي وحاولي إتكلمي معاهو بهدوء
آية : تمام 😟
... خليتها جوا بعد طلعت من خوفها قفلت الباب بالمفتاح مشيت قعدت في الصالون في انتظار حسام وكنت خايفة وبفكر اهديهو كيف لأنو الأخ لمن يشوف اختو مع ولد حيجيو الف فكرة سيئة في راسو وكل البعملو إنو يضربهم الاثنين وما بقدر يسيطر على غضبو بالذات حسام 😐 اثناء تفكيري فتح الباب وجاء داخل وعلامات الغضب في وشو وعيونو شرار بس من دخل عاين في الصالون ومشا على غرفة فهد وقال لي.......
حسام : آية جات هنا صح ؟😡
... وقفت قدامو وقلت ليهو........
انا : حسام اهدأ وبعدا إتكلم معاها لو سمحت
... قال لي........
حسام : يعني هي هنا 😠
... من قال كدا زحاني وفات على غرفتنا حاول يفتحو ولمن ما فتح معاهو ضرب الباب بقوة وقال............
حسام : آية😡بعرف إنك جوة افتحي الباب سرييييع قبل ما اكسرو 😤
... مشيت سريع زحيتو من الباب ووقفت بينو وبين الباب طبعاً غضبو زاد شديد قلت ليهو بهدوء .......
انا : لو سمحت اهدأ وما تنسى إنو دي اختك وما صح تتصرف معاها كدا 😐 هي خايفة وانت بتصرفك حتخوفها اكتر
... مسكني من يدي وقال لي بغضب .......
حسام : هي لو بتعرف الصح من الخطأ ما كان قعدت مع راجل غريب في الكافي وكمان سمحت ليهو يلمس يدها😡😡😡😤عشان كده ابعدي من الباب افضل ليكي 😬
... رغم إنو كلامو صح وآية غلطانة بس لو اذاها في غضبو حيخليها تكرهو قلت ليهو .....
انا : لا مستحيل ازح من الباب 😕
حسام : بيان😬 ما تخليني اطلع غضبي فيكي 😡
انا : طلع غضبك فيني بس لو ما هديت حتى لو حتقتلني ما حأزح من هنا 😰
... ضغطني من يدي بقوة وزحاني من الباب بعد زحاني فكا يدي وقال لي بغضب........
حسام : إياكي تتدخلي بيني وبين اختي 😤
... ابتسمت عشان اغيظو وقلت ليهو بسخرية .....
انا : مافي سبب بخليك تزعل منها 😒شنو يعني لو كانت في الكافي مع راجل غريب وماسك يدها عادي جدآ لانو اذا أخوها وقدوتها بقضي كل فترة مع بت وبتنقل من بت لبت عادي الاخت كمان تبقى زيو 🤗
... طبعا لمن قلت ليهو كدا غضب شديد ومن غضبو رفع يدو وقال بغضب ........
حسام : بيان 😡✋
... غمضت عيوني بخوف وكنت منتظرة الكف 😓 بس لمن ما ضربني فتحت عيوني وعاينت ليهو لقيتو معلق يدو في الهواء عاين لي مسافة ونزل يدو قلت ليهو بخوف ........
انا : لي وقفت يدك اضربني اصلا ما اول مرة تعملا 😕
... غمض عيونو واخد نفس بعدا مرر يدو من جبينو لحدي شعرو وقال لي .........
حسام : بيان لو سمحتي ما تقيفي قدامي لمن اكون غضبان 😑
... ما رديت ليهو لأنو دموعي نزلو وبديت ابكي😭 لمن شافني كدا ختا يدينو في خدودي مسح لي دموعي وقال لي براحة .........
حسام : آسف 🙁
... زحيت يدينو من وشي طوالي مسكني من يدي وساقني معاهو حاولت اتفكا منو بس ضغط على يدي لحدي ما قعدني في كرسي الصالون وقعد قدامي قال لي .....
حسام : انا بعترف إني كنت سيئ ويمكن جرحت كم بت لأني ما كنت بهتم لمشاعرهم وكنت بقضي معاهم وقت ما اكتر بس اي بت انا طلعت معاها حديقة او كافي ...الخ بتكون عارفة إني ما جادي في علاقتنا بس الولد الكان قاعد مع آية لمن ضربتو بوكس واحد حاول يهرب ولمن هددتو قال حيبعد عن آية ومستحيل يقابلها تاني لأنها بالنسبة ليهو مجرد علاقة عابرة 😬 لو كان راجل بالجد وبحبها ما كان اتخلا عنها اكيد كان اتمسك بيها وجاء بالباب عديل بدون لف ودوران 😤بس الاسوأ إنو آية مصدقاهو ويمكن تكون حاباهو بالجد وقتها اكيد قلبها حينكسر 💔 عشان كدا كنت معصب وما شايف قدامي بس انتي دائما لمن اكون معصب بتقيفي في وشي 😒
... قلت ليهو......
انا : بس انت كنت حتضربا 😿
حسام : يمكن عصبتة شديد بس ما كنت حأضربا😐
انا : انا بعرفك كنت حتضربا 😿 لانك لمن تغضب بتستخدم يدك بدون ما تفكر 😟
... ختا يدينو في اكتافي وقال لي بحزن .....
حسام : طيب آسف لأني رفعت يدي في وشك بوعدك ما حتنعاد تاني 🙂😶
انا : طيب بس اوعدني تتكلم براحة مع آية وتفهم وجهة نظرا 😿
حسام : بوعدك 🙂
انا : وكمان اوعدني تحاول تتحكم في غضبك وما ترفع يدك ابدآ ابدآ ابدآ 😶
... ابتسم وقال لي ......
حسام : حاضر يا ستي بوعدك 😀 في اي اوامر تانية
... عاينت ليهو وقلت ليهو ....
انا : ممكن ننسا نقاشنا الامس ونرجع اصدقاء 😿
... من قلت ليهو كدا ملامح وشو اتغيرت وطوالي وقف فوق وقال لي ......
حسام : حنتناقش مرة تانية في الموضوع دا 😑
... قلت ليهو بسرعه .....
انا : طيب بس آسفة لأني ختيت كل الذنب فوقك بعرف إنك افضل قدوة لاختك 😓
... قال لي .....
حسام : ولا يهمك عارفك كنتي زعلانة مني ما اكتر
... وقفت ومسكت يدو قلت ليهو .....
انا : لو سمحت إتكلم معاها براحة حتى لو قالت كلام زعلك إتحكم في غضبك وما تطلعو فيها يمكن انا ما عندي اخ اكبر مني بس بعرف اهمية الأخ ومكانتو عند اختو 😊
... ختا يدو في يدي وابتسم كأنو بوافقني وفات دقة باب الغرفة براحة وقال بصوت حنون ......
حسام : آية كلنا بنغلط لأنو مافي زول معصوم عن الغلط بس لازم نحاول نصلح اخطائنا ونتبع الطريق الصحيح ، يمكن انا بقيت عصبي ومنفعل بعد ما مها لعبت بحياتي نسيتك وبقيت ما بهتم بيكي زي زمان بس لسه انا اخوكي حسام البحبك وما برضى تنأذي او تتألمي حتى من عضة نملة ، كنت خايف قلبك يتكسر حاولت احميكي من كسرة الخاطر لأنو انا جربت الشي دا واكيد ما بتمنى إنك تنكسري وتتألمي ، آية صدقيني بتمنى يدي تتكسر قبل ما ارفعا عشان اضربك😓
... من قال كدا طوالي فتحت الباب مسكت يدو وقالت ليهو بحزن ......
آية : بعد الشر عن يدك 😟حتى لو تضربني كل العمر ما بتمنى يتأذي منك ولو شعرة 😟
... حضنها وقال ليها .....
حسام : آسف لاني كنت أخ سئ واهملتك
آية : لا انت دائما كنت الأب التاني بالنسبة لي 😟❤️ وصديقي وكاتم اسراري تتذكر كنت بحكي ليك كل مصائبي البعملها 🙂
... ابتسم وقال ليها .....
حسام : طيب ممكن تحكي لي عن المصيبة الكنتي قاعدة معاهو في الكافي 🙃
آية : اكيد 😀خلينا نقعد وبحكي ليك كل شي
... طلعو قعدو في الصالون حبيت اخليهم براهم عشان ياخدو راحتهم مشيت المطبخ غسلت العدة وجهزت عصير ورصيت الأكل بعدا طلعت لقيتهم لسة بحكو في الموضوع ما حبيت اقاطعهم وقفت بعيد وبقيت اسمعهم آية قالت لحسام ......
آية : معقولة طلع جبان للدرجة دي هرب من اول بوكس 😓
... حسام قال ليها.....
حسام : لأنو ما بستاهلك إنتي بتستاهلي الأفضل منو لو كان شاريكي بجد ما كان هرب كان جاء بالباب صح
... دنقرت راسها بحزن وقالت ليهو ......
آية : للأسف انا الأديتو فرصة يدخل حياتي 😔
... رفع ليها راسها وقال ليها.......
حسام : خلي راسك دائمآ مرفوع وما تزعلي على الناس السيئة الدخلو حياتك شوفيهم كأنهم صفحة سوداء وطويتيها انسيهم وعيشي حياتك 🙃 لما تلقي شخص يحبك من قلبو حتنسي كل الأوجاع المريتي بيها 🙂
آية : بتمنى القى راجل زيك وبشبهك في كل صفاتك ويحبني زي ما انت بتحب بيان 😄
... ابتسم وقال ليها بهزار .....
حسام : شكلك مرتاحة واخدة راحتك في البيت ومستمتعة بماما وبابا براكي
... قالت ليهو ....
آية : لازم 😌انا اخر العنقود سكر معقود واكيد بحبوني اكتر منكم 😌
... بقو يحظرو ويضحكو مع بعض زكروني بينا انا وفارس يمكن ربنا ما اداني اخ اكبر مني بس فارس وشادي بقو لي نعمة الاخوة ❤️ لأنو بعد فارس سافر شادي وقف جنبي وفضل معاي للآن بالجد بحبهم ومشتاقة لفارس شديد 😪💔 رجعت سخنت الإكل ورصيتو بعدا ناديتهم جو إتغدينا واتونسنا شوية بعد المغرب كدا حسام فات وصل آية البيت ضايرت المطبخ ومشيت غرفتنا رقدت بمزاج وشلت تلفوني لمن فتحتو لقيت كم رسالة من نفس الرقم بتتذكرو اي ياهو زاتو كاتب لي ......
