# حب بعد الانفصال❤💔 (9)
... قلت ليهو بأهتمام وتركيز.......
انا : احكي لي الحصل بالتفصيل الممل وشنو الخلا حسام كدا
عمو أحمد : طيب كل شي كان بخير وحسام كان شخص بسيط وطيب وبشوش وحتى تعاملو مع الموظفين والناس حلو شديد وكان محبوب من الجميع بس حياتو انقلب لمن دخلت مها على حياتو وعشان توصل للهي عايزاهو استخدمت اسوأ سلاح وهو الحب 💔
انا : أسوأ كسرة كسرة القلب
عمو أحمد : صح كانت مخططة لكل شي كيف تلتقي بحسام وكيف تقرب منو وتاخد مكان في قلبو خططت لكل خطوة ، ونجحت خطتا واخدت ثقة حسام وحبو كمان ودا كلو عشان توصل للقروش 😬😡 كل القدمتو لحسام كان الخداع والخيانة والغدر والوعود الكاذبة ، بس حسام قدم ليها حب حقيقي ومكانة في قلبو وثقة كبيرة 😔
انا : خيانة وخداع و غدر ووعود كاذبة يا إلهي 😿
عمو أحمد : اي وحب كاذب كمان ، هي ما خدعت حسام براهو خدعتنا نحن كمان لانو نحن حبيناها واحترمناها واعتبرناها زي بتنا ما شككنا فيها ولا في اهلها ووافقنا على زواجهم وكل شي تم بخير وسلامه وأهلها سافرو في نفس اليوم على ولايتهم ،، وفي ليلة زواجهم ادتو منو وجرعة كبيرة وقوية من المخدر وفي صباح اليوم التاني لزواجهم كانت بتبكي واتهمتو بأنو شخص مدمن مخدرات ومريض نفسي لانو ضربا والمشكلة انو التحاليل اثبتت انو دمو فيهو مخدرات قوية وقالت هو ضربا بعنف وقسوة وكان ظاهر في وشها وجسدها جروح وعلامات الضرب ، انا بعرف انو ولدي عمرو ما اتعاطى مخدرات بس كل الادلة كانت ضدو 😔💔
... قلت ليهو بحزن......
انا : والقانون اعمى ما بقبل غير الأدلة سواء كانت صح او خطأ 😟
عمو أحمد : صح 😔 بس المشكلة ما كانت في الحصل المشكلة انو ولدي اتكسر 💔 حبو وثقتو وكل احلامو وآمالو اتحطمو وما كان مصدق انو حبيبتو مها عملت فيهو كدا 💔لمن صحا تاني يوم واتفاجأ برجال الشرطة والصحافة في الفندق وشكل مها الكلها جروح وعلامات خلتو يخاف عليها بس لمن اتهمتو بأنو هو الفاعل اتصدم وفضل مصدوم وما مصدق انو الحصل حقيقة ولمن جينا لقيناهو بحالة سيئة جدا ولحدي ما دخلو السجن ما كان واعي وكان منهار شديد وما بتكلم مع اي زول وفي السجن رفضوا يخلونا نشوفو ، وبعد تعب قدرت اطلعو من السجن بعد قضى فيهو ثلاثة أيام
انا : ومها ؟
عمو أحمد : مها رفضت تسحب القضية وطالبت بالطلاق والنفقة كمان لانها اتعرضت لأذي جسدي كبير ،، بس استخدمت واسطاتي وطلعت ولدي من السجن بعدا طلق مها واديناها نفقتها وزيادة رغم انها ما بتستاهل ولا فلس بس عشان تطلع من حياتنا وحسام يقدر ينساها كنت مستعد ادفع قروشي كلها ،،بس الموضوع ما خلص هنا لانو كل الناس بقو يتكلمو عن الحصل والإشاعات زادت وانتشرت وبقو يجرحو ولدي اكتر بعد حسام اتقبل الحقيقة الحصلت ليهو أتغير وبقى شخص بارد وقاسي وما بهتم بأي شخص حتى نفسو وتعاملو اتغير وبقي قاسي جداً وكل الناس بقت تخاف منو وما بقدرو يتكلمو قدامو ، صديقو رائد كمان ساعدو كتييير ما قصر معاهو وقدر يخليهو يتقبل الواقع الحصل ليهو بس بعد الحادثة دي حسام رحل الشقة دي وسكن فيها وبقى يجينا زيارات بس رغم محاولاتنا معاهو بس رفض يقعد معانا 💔وكره البنات كلهم وبشوفهم خاينات وغدارات وهمهم القروش وبس إلا بت واحدة هي الوحيدة المكانتا ما أتغير عند حسام هي الوحيدة الحسام بثق فيها وبحترمها رغم انو هي بتحبو من طفولتهم بس حسام بحبها كصديقة ليهو وبحترمها وهي اقرب واحدة ليهو وما بفرط فيها رغم انو هي دائمآ بتقرب منو ودايره علاقتهم تبقى اكتر من صداقة وزعلت منو لمن قرر يتزوج مها وسافرت خلتو بس لمن عرفت الحصل ليهو من مها جات بأقرب طيارة ووقفت جنبو وخففت عنو وابدآ ما اتخلت عنو لحدي ما اتحسن
... قلت ليهو بفرح......
انا : بالجد نعمة الصداقة 😻❤
... قال لي بغضب........
عمو أحمد : بيان هي بتحبو لحسام فهمتي 😤
انا : رغم انو حسام بثق فيها وبحترمها وبحبها لي ما اتزوجها بعد الحصل ليهو مع مها 🤔
عمو أحمد : بيان بتي حسام بحبها كصديقة وبس يعني مكانتها صديقتو ما اكتر 😬
انا : طيب بس عمو وينها مها
عمو أحمد : مها من اخدت العايزاهو سافرت واختفت لأنها لو ظهرت في حياتنا بعد العملتو في ولدي مستحيل تعيش بدون عقاب 😬💔 بعد الامور هدت ومرة كم شهور سافرت ولايتها وشاكلت اهلها بس في النهاية ما استفدت شي لانهم نكرو الحصل ووقفو في صف بتهم ، والمشكلة انهم حددو موعد زواجها من واحد تاني 😤
انا : نصابة حقيرة 😬
... قلت لعمو بشك......
انا : بس يا عمو مها مستحيل تقدر تعمل كدا براها ، ومستحيل تقدر تضرب نفسا
... عمو بعد اخد نفس عميق قال لي...........
عمو أحمد : صح نحن كمان فكرنا في الحته دي بس ما لقينا اي دليل لانو كاميرات الفندق كانت معطلة في اليوم داك 😿
انا : ايوا 🤔
... قلت في راسي ‘‘‘ اكيد الكاميرات ما اتعطلت براها متأكده في إن في الموضوع🤔 ‘‘‘ وأثناء تفكيري عمو ختا يدو في كتفي وقال لي.............
عمو أحمد : حبيبتي ارجوكي حافظي على زواجكم وحاولي تنسي حسام الحصل 😟💔 خليكي جنبو وحاولي تسعدي على قدر ما بتقدري ، حسام قطعة من روحي وكل ما ينكسر كلنا بننكسر ، بنزعل لزعلو وبنفرح لفرحو هو حياتنا 😟
... ما كنت متخيلة انو الموضوع حساس كدا وانو حسام عانا المعاناة دي كلها وانكسر من اقرب الناس نفس الكسرة الانا انكسرتها قبل سنتين 😔💔 بس كسرتي كانت اخف😟 انا انكسرت براي بس حسام انكسر هو واهلو واهلي كمان 😟💔 ختيت يدي في يد عمو و قلت ليهو .............
انا : عمو بوعدك إني حأحاول انسي حسام الحصل واقدم ليهو كل السعادة خليك مطمن ومبسوط 🙂
... عمو ابتسم بفرح وقال لي......
عمو أحمد : ربنا يبارك فيكي ويحفظك 🙂❤
انا : تسلم عمو
... بعدا دردشنا انا وعمو لفترة طويلة اغلبها كانت عن طفولة حسام بعدا قلت ليهو بحيرة........
انا : بس عمو انت ما قلت لي صديقة حسام اسمها منو😁
عمو : رزان عبدالمنعم ، اسرتها بتكون أصدقاء العائلة ،صداقتنا مع اسرتها سطحية بس هي وحسام صداقتهم عميقة وقوية كانو أصدقاء من الطفولة وقت كنا مستقرين في اميركا التقينا بيهم هناك وبقو أصدقاء من وقتها
انا : حلو ربنا يديم صداقتهم ، بس وي
... قبل ما اتم كلامي واسألو عن تفاصيل اكتر عنها حسام جاء داخل من شفتو سكت وغيرت الموضوع قلت لعمو..........
انا : شكراً لانك وضحت لي كل شي
... قبل ما عمو يرد لي حسام قال ليهو.............
حسام : بابا انت لسه هنا كنت قايلك رجعت البيت
عمو أحمد : كنت بدردش مع مرت ولدي 🌝
حسام : تمام اخليكم تدردشو مع بعض
عمو أحمد : لا انا خلاص ماشي
انا : عمو بعتذر لاني اخدتك بالكلام حتى فطور ما خليتك تفطر
... عمو ضحك وقال لي...........
عمو أحمد : انا فطرت بدري ، انتي عارفة خالتك مستحيل تخليني اطلع من البيت بدون فطور 😁
انا : خالتو ما بتقصر
عمو أحمد : انا ماشي افطري انتي وزوجك🙂
انا : تسلملي عمو
... حسام فات مع ابوهو للباب ودعو ورجع ، كنت في المطبخ بجهز في الفطور حسام جاء قال لي..............
حسام : بيان انتي وبابا من قبيل بتتكلمو في شنو 😐
... عاينت ليهو ورفعت ليهو حاجبي وقلت ليهو............
انا : كلام خاص بين بت وعمها انت الدخلك شنو 🤨😒
... قلب عيونو وقال لي............
حسام : رجعتي للماضتك ولسانك السليط 😬
انا : سيد مغرور انا لسة ما نسيت الحصل 😒 وانت لسة ما نفذت الشرط التاني 😒
... قال لي بلا مبالا...........
حسام : انا رجل أعمال ما طفل عشان امشي معاكي مدينة الملاهي 😒
... قلت ليهو بجدية وانا بعاين ليهو بغضب...............
انا : انت وعدتني انك تنفذ الشروط واذا ما نفذتو حتندم 😡
... قعدت انقنق براي قلت ‘‘‘ قال رجل أعمال قال حتى وعد بسيط ما قادر يوفيهو واحد غبي ‘‘‘😂😂جهزت صفرة الاكل الصغيرة الفي المطبخ وقلت ليهو..........
انا : تعال خلينا نفطر
... عاين لي وختا يدو في جبهتي وقال لي..........
حسام : حرارتك طبيعية بس من متين بتناديني للاكل
... قلت ليهو بسخرية.......
انا : من اليوم حبيبي حسام 😇
... عاين لي بشك ورفع حاجبو قلت ليهو بغضب............
انا : شوف سيد مغرور اذا اكلت او لا ، مت او عشت ما بتهمني أوكي ، بس خلي شي واحد في بالك اما تاخدني للملاهي او بتصل لعمو القرار ليك 😒
... حمر لي وقعد في الكرسي شال لقمة من الاكل وقبل ما يدخلو خشمو عاين لي بشك قلت ليهو......
انا : اكل وانت مطمن لانو الاكل لا مسموم ولا فيهو ممنوعات 😒
... عاين لي وقال لي.........
حسام : هسي انا سألتك 😒
انا : انت ما سألت لكن شاكي فيني ، بس احب اطمنك انا ما من النوع دا
... بعد قلت ليهو كدا استمريت في اكلي وهو ما رد لي بدا ياكل وهو ساكت بعد اكل قام فات غرفتو بدون اي تعليق لا شكر ولا شي وشو الواحد دا 😒اصلا اتوقعت منو يعمل كدا واحد مغرور 😒 بعد كملت اكلي ضايرت المكان وجهزت الغداء وقعدت شاهدت شوية بعدا فكرت في الكلام القالو لي عمو لانو كلامو زكرني بالحصل قبل سنتين والسبب واحد وهو" المخدرات" وقتها فتحت البيانات واتصلت لخالتو حبيبت قلبي وختيت التلفون على مكبر الصوت ...............
انا : خالتو 😻
خالتو نعمات : يا روح خالتك انتي
انا : مشتاقه ليك كمياااااات 😻
خالتو نعمات : انا اكتر يا روحي 😻
انا : كيفك انتي وكيفو هو 😔
خالتو نعمات : انا بخير وهو كمان بخير طول فترة علاجو كنتي بتتكلمي معاهو وبتحفزيهو رغم انو ما برد ليك بصوتو بس كان بسمع كلامك وبنفذو انتي كنتي سندو وحتفضلي كدا
انا : خالتو نعمات انا عاوزاهو يرجع اقوى من الاول ، ما لازم يكون شخص ضعيف لازم يحارب
خالتو نعمات : هو عانى معاناة شديد بسبب الحصل وعلاجو احتاج وقت رغم انو علاجو الجسدي تم في شهور بس علاجو النفسي احتاج وقت اطول ، بس انا مبسوطة لانو ولدي اتخطى المرحلة ديك ورجع افضل من الاول بمساعدتك
انا : انتي عارفة مكانتو عندي ❤ بعرف انو هو زعلان مني بس انا كمان زعلانه منو بس لسه منتظراهو
خالتو نعمات : هو ما زعلان منك بس خجلان من العملو وما قادر يتكلم معاكي او يواجهك بس بوعدك حأقنعو عشان نرجع السودان قريباً
انا : انتي بس جيبيهو وانا حأتصرف معاهو وحأدفعو ثمن العملو فيني السنين دي
خالتو نعمات : اي ما لازم تسامحي بسهولة
انا : اكيد خالتو 😃
... بعد دردشت معاها شوية قفلت منها لقيت حسام واقف ومربع يدينو وعلامات الحيرة في وشو مشيت وقفت قدامو وقلت ليهو.............
انا : من متين انت هنا ؟
حسام : من بدري يعني بالضبط من بداية المكالمة
انا : عاوز شنو 😒
... دخل يدينو في جيبو وقال لي.......
حسام : يعني غيرتي رايك في مشية الملاهي 😒😬
... قلت ليهو بسرعه......
انا : لا لا لا
حسام : طيب اجهزي بسرعه عشان نمشي
... ما صدقت لمن قال لي كدا من الفرحة ما حسيت بنفسي نطيت ليهو في رقبتو وحضنتو😃طلع يدينو من جيبو ومسكني من اكتافي عشان يزحني منو وقتها حسيت بنفسي زحيت منو وقلت ليهو ............
انا : آسفه
حسام : ألبسي سريع
... عاينت ليهو بفرح وجريت غرفتي عشان اتجهز بعد مشيت قال......
حسام : طفلة😒
...غيرت ملابسي في خمس دقائق بفستان اسود بورود سوداء وطرحة وشبط كبدي واكسسوارات بسيطة وعملت ميكب سريع وطلعت لقيت حسام قاعد في الصالون حارسني و لابس قميص رمادي ومنطلون اسود وقاش رمادي وجزمة سوداء يعني بغض النظر عن كرهي لحسام بس بالجد هو لبيس شديد وانيق 💝👌ووسيم كمان🙊🙆🏻دا مجرد وجهة نظر ما اعجاب أوكي 😒 خلونا في المهم اتغدينا سريع ومشينا مدينة الملاهي😻اتمشينا شوية هو شغال بتلفونو وانا ماشة وراهو طبعاً كرهتو ياخ في زول بجي مدينه الملاهي وبطبز التلفون 😒في اللحظة دي اكتشفت انو حسام واحد ممل حد الملل 😒😪وقفت قدامو وقلت ليهو.........
انا : حسام 😐
... اتخيلو قال لي.......
حسام : خلاص نرجع
... حمرت ليهو وقلت ليهو بغضب وانا خاته يديني في نصي............
انا : اكتشفت انك رجل أعمال ممل حد الموووت 😒 معقوله نجي الملاهي وما نستمتع 😐
... قعد في اقرب نجيلة ومدة لي محفظتو وقال لي........
حسام : امشي استمتعي زي ما انتي عاوزة ووقت تملي تعالي نرجع
... شلت منو المحفظة بغضب وقلت ليهو........
انا : أوكي سيد ممل
... اول شي اشتريت بالونات 🎈 🎈 بعدا مشيت محل التذاكر اشتريت تذاكر ورجعت لحسام لمن شافني شايلة التذاكر والبوالين قال لي .............
حسام : بالونات يا طفلة 😂 وبعدين انتي عارفة انو عدد التذاكر الشايلاهم اكبر من عدد كل الألعاب في الملاهي
انا : بعرف لاني جبت تذكرتين 🎫 لكل لعبة 😃 واحدة لي وواحدة ليك
حسام : انا مستحيل اركب الألعاب دي
انا : اووف حسام يلا قوم وبطل ملل ياخ
حسام : لا برستيجي يا أستاذه 🙄
... جريتو من يدو وقومتو وقلت ليهو بغضب وسرعة وانا بجرو وراي .......
انا : بعرف انك من الطبقة البرجوازية بس دا ما بيعني انك تبقى واحد ممل وبعدين بلا برستيج بلا بطيخ انا ما بعرف اركب الألعاب براي وكمان اذا ما لعبت معاي حأصرخ والم العالم عليك وحأتجنن فيك واكرهك حياتك 🙅
... بعد قلت ليهو كدا ياداب اتنفست لاني قلت ليهو الكلام ده في نفس واحد 😂😂فكا يدو مني وقال لي............
حسام : طيب طيب بلعب معاكي ما ناقص إزعاج 😒
انا : 😃 طيب خلينا نبدأ بالسفينة الطائرة 😻
...بدينا بالسفينة الطائرة غايتو صرخت واتجننت جنس جن ولمن أخاف بمسك يد حسام وهو طبعاً عامل فيهو الود الرزين الما بتجنن زي ما قال ليكم برستيجو وكدا 🙄 ومنو مشينا لغرفة الأشباح غايتو في مجانين زي كتار عملنا عمايل ما بتنقص🙆🏻غايتو انا وحسام في اليوم دا نسينا العقد البيناتنا وضحكنا واستمتعنا بوقتنا وفي كل لعبة بنتجنن اكتر يعني السيد مغرور أتخلى عن برستيجو شوية 🐸🐸وآخر شي ركبنا قطر الموت بالجد اسم على مسمى انا دي قربت اموت بعد نزلنا من القطر حسيت إني دايخة وحأطلع الفي بطني كلو 😷😂😂😂 المهم قضينا يوم حلو وممتع 😻بعد طلعنا من الملاهي في طريقنا للشقة من التعب ما حسيت بحالي نمت في العربية وتاني يوم لقيت نفسي في غرفتي 😂 غايتو ما اهتميت بالموضوع كثير وما شاكلت حسام ومشيت الوضع عادي وغيرت تعاملي مع حسام ، مرة ثلاثة أسابيع انا وحسام بنتكلم فيهو كلام عادي وبحاول ما اضايقو او اغضبو لاني وعدت عمو😒بعد عمو حكى لي عن ماضي حسام بقيت بتعامل معاهو كويس يعني ما بتلامض معاهو وبناديهو بإسمو 😁 وبمشيهو في اي شي طبعا غصباً عني بس قلت اعمل ثواب في ود الناس واكسب لي كم حسنة ( كدي واحدة تجي تنط لي وتقول لي التعامل الجيد من واجبك كزوجة 😒) طبعاً حسام مستغرب من الحته دي واكيد فاكرني جنيت 😂المهم اقترحو لينا كم مكان لشهر العسل بس نحن الاثنين رفضنا واقترحنا حجج من مافي ، انا ما صدقت انو تمينا شهر وحاجة لانو وأخيراً حأرجع لشغلي واعمالي الخاصة وكنت متفائلة جدآ😃 بس كالعادة لازم يطلع لي عقبة لانو حسام رفض لي .............
.... يتبع 🍁..............
ماضي حسام ؟؟؟؟
تعامل بيان الاخير مع حسام ؟؟
وكيف حتتعامل بيان مع حسام بعد رفض ليها تشتغل ؟؟؟
