# حب بعد الانفصال ❤💔(19)
... جاني شكاوى كثيرة بسبب تأخر البارت بس الظروف أقوى مني وحقكم علي 😘 وان شاء الله بحاول انزل باسرع وقت ممكن😇 قراءة ممتعة حبيباتي 🤗
... كنت بحمر ليهو لحدي ما طلع فات غرفتو بعد طلع كنت بطنطن براي لاني زعلت منو شديد 😡 طلعت الكيك من الفرن بعد بردو شوية كبيت فوقهم الصوص ودخلتهم الثلاجة بعدا مشيت غرفتي اتدوشت ونمت 💤 ما بعرف نمت كيف بس لمن صحيت كان الصباح خلاص اصبح والساعة 5 صباحاً كنت جعانة دخلت الحمام عملت الروتين اليومي وبعد صليت مشيت المطبخ اكلت لي شي وجهزت الشاي ، بعد فترة حسام طلع من غرفتو ومجهز نفسو لابس قميص ازرق برز ليهو عضلاتو وبنطلون أسود طالع فظييييع بالجد الأزرق حلو فيهو كنت بعاين ليهو كدا 👈😻😻😻😻😻😻😻 قربت اقول ليهو الأزرق يليق بك 😅الحمد لله إنو كان مركز في تلفونو بعد جاء قعد ختا تلفونو وقال لي.........
حسام : يسعد صباحك
... من عاين لي طوالي كشرت ليهو وشي وقلت ليهو وانا بكب الشاي..........
انا : صباح النور
... مديت ليهو الشاي وانا مدنقرة راسي حلفت ما اعاين ليهو بس اجبرني اعاين ليهو لمن مسك اطراف اصابعي مع الكباية وضغط عليها حمرت ليهو وجريت يدي ابتسم وقال لي...........
حسام : امس كنتي نايمة ريم جات اديتها الحلويات 😁
... رديت ليهو باختصار وقلت ليهو .......
انا : تمام
... بقينا نشرب في الشاي اتذكرت الكيكة قلت لحسام بسرعه.......
انا : في كيكة شوكولاتة ان شاء الله اديتو ليها
حسام : لا نسيتها
انا : ان شاء الله اقدر الحقها الكيكة
حسام : ممكن تاخدي ليها لانو غالباً الرحلات بتبدا من الساعة 9 او 10 صباحاً
انا : طيب بس الكيكة التانية عملتها ليك
... عاين لي بحب وقال.......
حسام : لي انا 😍
... قلت ليهو بسخرية........
انا : لا للشيطان الوراك 😒
... ضحك وقال لي.........
حسام : طيب ممكن تجيبي الكيكة للشيطان الوراي دا 😂
... مشيت المطبخ طلعت الكيكة من الثلاجة قطعتها وختيتها في صينية وجنبها معلقة🍴🍮بعد جهزتو ختيتو في الطربيزة جنب حسام اكل قطعة منها وقال..........
حسام : ممممم لذيذ 😋
... كان باكل والفرح باين على وشو كنت فرحان لانو كيك الشوكولا عجبو 😇 بعد خلص قلت ليهو.........
انا : في زيادة كيك اذا عاوز 🌚
حسام : لا شكراً اكتفيت 🌝
انا : بالهنا 🙂
... ابتسم ومسك يدي حاولت اجر يدي منو بس مسكو بقوة وقال لي..........
حسام : بعرف إنك متضايقة لأني قلت ليكي إنك ولا شي ، كنت قاصد أقول ليكي كدا لاني حبيت اتأكد من شي 🙂 حبيت اتأكد اذا لسه بتكرهيني زي زمان بس اتأكدت إنك ما بتكرهيني 😻وحابه يكون في علاقة صداقة بيناتنا 🙂لمن قلت ليكي إنك ولا شي كنت قاصد إنك كل شي ❤️
... لمن قال كدا عاينت ليهو بحيرة قال لي.........
حسام : بقصد إنك اقرب من صديقه 😶❤️
... ابتسمت وقلت ليهو..........
انا : وانت كمان صديقي المقرب 😃
...ضغط على يدي ولمن عاينت ليهو فضل يعاين لي وما نزل عيونو من عيوني وانا كمان عيوني علقت في عيونو وما حسيت بنفسي إلا لمن رفع يدي باسها بوسه طووويلة 😗❤️وقال لي..........
حسام : يسلمو إيديكي
انا : 😮
... لمن باس يدي اتصدمت 👈😲وحسيت بقشعريرة بس فضلت اعاين ليهو بصدمة ابتسم لي وفكا يدي وقام فات لو ما كنت قاعدة كان وقعت من الصدمة عاينت يدي وابتسمت ما بعرف لي بس حسيت بإحساس غريب بس لمن اتذكرت كلام شهد وبقى يتردد في راسي طردت الأفكار دي لانها ما صح هو باسني في يدي عشان يشكرني على الكيكة ما اكتر 😇هو بنفسو قال بعتبرني صديقتو المقربة ما اكتر 😃 ، قمت لميت الكبابي في المغسلة ووديت الكيكة لريم كانت حتطير من الفرح شكرتني وعبرت عن امتنانا لي كانت مبسوطة شديد 😃❤️ ، بعد رجعت جهزت ملابسي الماشة بيهم المساء المهم باقي اليوم مرا عادي المساء حسام رجع قبل المغرب بعد صلينا المغرب بدينا نتجهز لبست لي فستان ازرق عالجسم بس ما ضيق مزين من فوق بالفضي لبست معاهو كعب فضي ولاني ما بحب الاكسسوارات الكثير لبست حلق فضي وسرحت شعري كعكة وطلعت شعر بالجنبة وبديت اعمل المكياج بس سمعت حسام بنادي فيني قلت ليهو لسه ما خلصت😒 عملت ميكب مبسط وحلو بعد خلصت ختيت الطرحة في نص شعري ولبست خلخالي المفضل 😄 طلعت مزة اتصورت سيلفي ودايرة اتصور لسه بس سمعت حسام بنادي فتحت باب غرفتي وطلعت الصالة قلت ليهو..........
انا : ما بعرف لي انتو الرجال ما عندكم صبر 😒
... كان شغال في تلفونو لمن طلعت رفع راسو وعاين لي وقف من صدمتو بس ما نزل عيونو مني مسافة 😍وانا كنت بعاين في اللبسة الماخدة منو حتة 😻 هو بعد عاين لي مسافة ركز نظرو في شعري وفي الخلخال حمر لي وقال ...........
حسام : انتي كدا جاهزة ؟؟😒
انا : ايوا نمشي 😀
... جاء علي مسكني من يدي ورجعني الغرفة قعدني في الكرسي كنت بعاين ليهو بحيرة شال فرشة الشعر من الطاولة وجاء قعد جنبي قلت ليهو...........
انا : انت عاوز تعمل شنو إياك تلمس شعري 😒
... بعد قلت ليهو كدا وقفت ودايرة امشي مسكني من يدي وقعدني بالقوة وقال لي بجدية............
حسام : إياكي تقومي من هنا وإلا صدقيني ما بيحصل خير 😤
... سكت لأني خفت منو حسام لمن يكون جادي ممكن يعمل اي شي 😥نزل الطرحة من شعري ورجع الخصلة وراء لفاها في الكعكة ورقدها بفرشة الشعر بعدا خطى لي شعري بالطرحة ولفاها لي بس كنت بعاين ليهو بغيظ قال لي .........
حسام : كدا ممكن تقولي جاهزة 😇
...حمرت ليهو ودايرة اقوم قال لي.........
حسام : دقيقة نسيت شي
... دنقر تحت داير يفك الخلخال من رجلي طوالي جريت منو رجلي و قلت ليهو.........
انا : دا خلخالي المفضل بلبسو في مناسبات معينة 😐
... شكلو جادي واكيد حيقلع مني الخلخال عشان كدا قلت ليهو ببراءة...........
انا : حسام لو سمحت انا بحب الخلخال دا وما بحب اقلعو 😣
... رفع حاجبو وعاين لي وقال لي..........
حسام : طيب بس ممنوع تلبسي تاني 😤
... قلت ليهو ببراءة........
انا : أوكي اتفقنا 😇
... صدق إنو انا حنفذ كلامو يعني في احلامو قال ممنوع قال 😒 عدلت طرحتي وجدعتها عادي وطلعنا بعد مسافة وصلنا وقفنا جمب فندق حلو شديد حسام مسك يدي ودخلنا جوا بالجد كلمة واو بسيطة عليهو من دخلنا استقبلنا واحد وقال لينا ‘‘‘ من هنا لو سمحتو ‘‘‘ مشينا معاهو دخلنا في مكان شبه صالة بس اكبر ومزين بطريقة حلوة فيهو طاولات مزينة وفي طاولتين كبار واحد مجهز فيهو معدات الاجتماع والتاني قاعدين فيهو راجلين ومرتين شكلو دا طاولة العشاء مشينا عليهم حسام سلم عليهم بحرارة وعرفني بيهم ‘‘ راكان وزوجتو نيرمين ‘‘ و ‘‘ غسان وخطيبتو شجن ‘‘ ،، قعدنا بقينا نتعرف على بعض اكتر بعدا رصو العشاء بقينا نتعشى ونتكلم ونسأل أسئلة عادية بعد العشاء والعصير والتحلية حسام وغسان وراكان فاتو الطاولة التانية عشان يشتغلو ويا ريت لو ما فاتو لانهم من فاتو البنات بدو يسألو أسئلة شخصية كيف اتعرفت على زوجك ؟ كيف حبيتو بعض؟ طبعاً نيرمين وشجن بقو يحكو عن غسان وراكان وانا شغالة اعلق ليهم بكلمة او كلمتين طبعاً زهجت لاني بكره الرسميات والكلام عن الحب 😤استأذنت منهم قلت ليهم بمشي الحمام وبرجع ، قبل ما امشي خطوتين وصلتني رسالة في تلفوني عاينت ليها لقيتها من حسام كاتب لي.........
‘‘‘ بعرف إنك مليتي بس قربنا نخلص بالكتير ساعة ما تمشي بعيد ‘‘‘
... كتبت ليهو ‘‘‘ أوكي ‘‘‘ ،،، وطلعت دخلت الحمام وقفت قدام المرايا طلعت طرحتي حسيت ياداب إني اخدت نفس 😪 كنت بعرف إنو رجال الأعمال مملين بس ما كنت بعرف إنو زوجاتهم مملين اكتر منهم 😕 كنت بتكلم مع نفسي بس سمعت صوت بكاء 😭 اتلفت حواليني ما شفت زول لبست طرحتي وقلت..........
انا : مين🤔
... مافي زول رد علي والصوت اختفى تاني سمعت لي شهقة تابعت الصوت لحدي ما وصلت لواحد من الحمامات الجوا بس الباب قافل ضربت الباب براحة وقلت............
انا : لو سمحتي افتحي لي الباب
... بقت تحاول تكتم صوت بكاها قلت ليها.......
انا : صح انا ما بعرف الاسباب الخلتك تبكي بس مهما كانت الأسباب الدنيا ما بتستاهل تبكي عشانها كلها عبارة عن امتحانات ، وان الله اذا احب عبداً ابتلاه 😇
... ما ردت بس بكاها خفة شوية قلت ليها.......
انا : بالمناسبة انا لايوقة شديد واذا ما طلعتي قدامي واطمنت عليكي ما حأطلع من هنا 😁
... هدت مسافة بقيت امشي واجي سمعت صوت الباب فتح طلعت منو بت عسوله بس خاربة وشها بالبكاء عاينت لي وقالت.........
... : طلعت وشوفتيني صح ، شوفي برامجك ومافي داعي تعطلي نفسك عشاني😞
... وقفت قدامها ومديت ليها يدي وقلت ليها.........
انا : انا بيان
...: نور 🤝
انا : اتشرفت بمعرفتك 😃
نور : لي الشرف 😞
انا : اسفة لمضايقتك بعرف إني اتدخلت في حياتك بس ممكن اعرف لي بتبكي مات ليكي زول عزيز
نور : لا 😞
انا : طيب لي البكاء دا كلو
نور : كلو بسببو انا وثقت فيهو وحبيتو حبيتو اكتر من نفسي اكتر من حياتي كنت مستعدة اعمل المستحيل عشانو 😭💔 بس هو طلع واحد حقير وما بيستاهل دمر قلبي وثقتي فيهو دمر كل شي كان حلو بيناتنا ، دمرني 😭😭😭💔
... ختيت يدي في كتفها وقلت ليها......
انا : خلاص اهدي 😟 هو ما بستاهل ولا دمعة من دموعك
نور : انا زعلانة على قلبي القدمتو لشخص ما بستاهل 💔
انا : لازم تعرفي إنك اقوى من كدا 🙂
... وديتها المغسلة غسلت وشها قلت ليها............
انا : عايني نفسك بالمرايا دي وشوفي عيونك محمرة ومورمة كيف بس نفسي اعرف اذا هو بستاهل دمعة من عيونك ؟؟؟
... حركت لي راسها بمعنى لا 😊 قلت ليها بفرح.........
انا : خليكي واقفة جمب المرايا دي وراجعي نفسك اذا هو بستاهل دا كلو اذا بستاهل ارجعي الحمام وكملي دموعك في البكاء اما اذا ما بستاهل ظبطي نفسك وخليكي قوية وارجعي عيشي حياتك وانسيهو ، انا حأكون في حديقة الفندق اذا حابة تشوفيني تاني😇
... طلعت خليتها عشان تراجع نفسها بعد طلعت فتحت تلفونها وشافت صورتو وقالت بحزن.........
نور : انا غلطانه لأني حبيتك بس انت ما بتعرف معنى الحب 💔انا بكرهك مروان 😭
كسرة 💞 :
المرأة لمن تتخذل ما بتبكي على العلاقة الانتهت او على الشخص الحبتو لا بتبكي عل قلبها القدمتو لشخص ما بستاهل 💔
... يتبع 🍁........
