# حب بعد الانفصال ❤💔(40) والأخير
... بدايتآ آسفة على التأخير الشديد وعلى شحتفتكم وبشكركم على تعاونكم وصبركم 😘 واعذروني لو نسيت شي 🥰 واخيرآ العفو والعافية وقراءة ممتعة 😘😘😘😘❤
... مروان خطف مني التلفون وشاف الإسم مسجل عمو صالح ابتسم بغضب وقال لعمو صالح ............
مروان : انت تاني عاوز تدافع لحسام صح بس لا مافي ليك اي فرصه المرة دي انا حأعمل الفي راسي سيد صالح 😡😡😡
... وطاخ فكا التلفون مع الارض صرخت مسكني وقفل لي خشمي ودخلني عربيتو وامن الأبواب قال لي ...........
مروان : واو واو واو بالجد انتي ذكيه بس للأسف استنجدتي بالشخص الخطأ كنتي بتخشيني كل الزمن دا والسيد صالح عارف اي شي خطة ذكية منك ومنو بس حتدفعي ثمنها غالي 😏😏😡
انا : ما حتقدر تعمل اي شي 😡
مروان : حتشوفي 😏
... شال لصقة وحبل من وراء حاولت اقاومو بس ختا المسدس في بطني وقال لي ........
مروان : تقعدي بأدب والا طفل حبيبك حسام حيسبق ابوهو 😏🤣
... سكت وقعدت بهدوء ربط لي يديني وكرعيني وختا لي اللصقة في خشمي بقيت احمر ليهو قال لي .......
مروان : ما تزعلي يا بيبي 😙
... ورسل لي بوسه في الهواء شميتو كيف الكريه بس ما قادرة انبذو 😡 ربط لي عيوني بقطعة وساق العربية مسافة طويلة خلاص وجدع شريحتو ودخل شريحة تانية قال لي جدعتها عشان ما يتبعونا بعدا فتح لي عيوني وصلنا عمارة مبنية طابق واحد بس حلو شديد وبرا مرصوصين رجال لابسين اسود زي الحرس كدا عاينت ليهم جاء واحد فتح ليهو الباب بعد دخل قفلو بعدا نزل وجاء نزلني ونادا واحد من رجالو اتهامس معاهو سامعة الحارس قال ليهو حاضر سيدي مروان عاين ليديني لقى دبلة وخاتم طلعهم ولابسة سلسله هداني ليها حسام طلعو واداهم للبديغارد وعندو خاتم فضة بحجر كريم برضو ادا ليهو وقال ليهو اشتري خاتم زيو ورجعو لي بعدا الحارس فات بيهم وانا ما قادرة اصرخ حتى شال مني كل شي بذكرني بحسام 😭 بعدا فكا لي رجليني وساقني دخلني جوا البيت مفروش بطريقة حلوة وفاخرة بس كلو مقفل حتى الشبابيك الارضيه الا الطابق الفوق شبابيكو مفتوحه بقيت اعاين وكل مرة بتصدم حراس وبيت مقفل دا كلو بدل إنو مروان حيحبسني هنا بس لي 😭اكيد حسام حيجي ينقذني انا واثقه 💔حاولت افك يديني بس وين بقيت اقول ليهو .......
انا : اممممم
... جاء فكا لي اللصقة وقال لي .....
مروان : اسف اها رايك شنو في بيتنا الجميل 🙃
... قلت ليهو بغضب........
انا : فاكر حرسك ديل حيقدرو يمنعوني اطلع او يمنعو حسام يدخل اكيد لا 😒هسي بكون عمو صالح كلمهم بحقيقتك والشرطه حتفتشك واكيد حيقبضو عليك 😒🙃
... بقى يضحك🤣🤣بس ما رد لي نهائي فكا لي يديني نادا على واحد اسمها "" ساميه "" بداية الثلاثينات قال ليها...........
مروان : ساميه اعرفك بمدام بيان دي ست البيت وكل اوامرها تتنفذ ولازم تهتمي بيها جدآ وهسي وريها غرفتها
ساميه : حاضر سيد مروان
... قالت لي ......
ساميه : اتفضلي ست بيان
... عاينت ليها وحمرت لمروان وابيت اتحرك مروان قال ليها......
مروان : طيب امشي جهزي لينا الاكل
... فاتت مروان عاين لي وقال......
مروان : الأفضل تكوني متعاونة لأنو كدا ما حتقدري تعيشي معاي
انا : ما تخاف إقامتي ما حتطول هنا 😒 حسام حينقذني منك 🙂
... ما اشتغل بي بعد ساميه جهزت الأكل قال.......
مروان : يلا خلينا ناكل
انا : شكرا 😒ما جعانة
مروان : حتاكلي ولا استخدم القوة كالعادة 😠
انا : استخدم القوة 😒بطني وانا حرة
مروان : طيب🤨
... فات جوا وجاء شايل دواء حمرت ليهو جاء قعد جنبي وقال لي .........
مروان : عارفه الدواء دا لو شربتك ليهو بالغصب حيعمل ليكي شنو😕
انا : حيقتلني يعني 😒
مروان : اكيد لا انا مستحيل اقتلك بس اكيد دا ما بمنعنى اقتل طفلو لحسام 😏 الدواء دا بس حينزل طفلك اذا ما حابه اتخلص منو الأفضل تسمعي الكلام 🙄
انا : طيب بس إياك تفكر تتخلص من طفلي 😑
مروان : اوكي خلينا ناكل
... قعدت اكلت وسامية ودتني غرفتي قفلت الباب من جوة وكل تفكيري في اهلي حالتم حتكون كيف واكيد بفتشو فيني والدموع في عيونهم قعدت ابكي 😭💔 بقيت سجينة لواحد مجنون وما عارفة حأتحرر متين 😭قمت اتوضيت وبقيت اصلى وادعي 🤲 نص الليل مروان جاء دقة لي الباب بقوة فتحت الباب وانا مخلوعة دخل وهو ببتسم شكلو مبسوط ودا ما ببشر بالخير قال لي .......
مروان : انا منتظر الخبر دا بفارغ الصبر 🙂🙃شوفي
... مدا لي تلفونو شفت مكتوب اخبار عن حادث مريع كاتبين العنوان كبير "" حادث مريع لإبن لواء كبير وكنة رجل أعمال عالمي "" وكاتبين في التفاصيل مصرع ابن اللواء الكبير مروان صالح حسين وكنة رجل الأعمال العالمي بيان ايمن زوجة ابنه الوحيد حسام احمد وابنة صديقه العزيز ايمن في حادث مروري فظيع نرجو لهما الرحمة والمغفرة ونوصل تعازينا الحارة للاسرة .........الخ
... لمن قريت الكلام دا لمن هبطت عاينت لمروان بصدمة وقلت ليهو .......
انا : دا شنو الكلام الغبي الكاتبنو دا نحن عايشين كيف يكتبو عننا ميتين 😨
... شال تلفونو مني وابتسم وقال لي ........
مروان : دي ضربتي القاضية لحسام والسيد صالح 😏 دائما هم البجرحوني والباذوني بس انا جرحتهم جرح ما حينسو طول حياتهم 😏
... قلت ليهو بغضب.......
انا : مروان انت اكيد جنيت كيف تكتب كلام زي دا
مروان : حبيبت قلبي انا ما كتبت الكلام دا انا خليتهم يشوفو جثثنا قدام عيونهم 😏 انا مخطط للموضوع دا لي كم شهر قررت اخطفك وازيف موتنا عشان مافي زول يفتشنا ونفذت خطتي بعد خطفتك لمن اخدت سلسلك ودبلتك وخاتمي اديتهم للحارس عشان يلبسهم في جثتين ويحرقهم بالعربية حقتي ويمثلو كأنو حادث وحصل الفي مرادي اكيد حسام قلبو اتكسر لاشلاء سيد صالح حيكون مسؤول عن الحصل والاثنين حياتهم حتتقلب رأسا على عقب 😏🤣🤣😏🤣😏
... من الصدمة ما قدرت ارد ليهو مسكتو من لياقة قميصو وقلت ليهو بغضب..........
انا : انت اذيت الكل مروان ماما وبابا حسام عمو احمد وصالح وخالتو فاطمة ونعمات وآية وفارس حتى شهد حتجي مبسوطة وحتنكسر حرام عليك يا مروان والله حرام 😭😭😭😭😭😭😭 بطل جنون وطلع الحقد والحسد الفي قلبك دا 😭
... فكا يديني منو وقال لي والابتسامة مرسومة على وشو ........
مروان : لي ولا واحد فيهم فكر فيني سيد صالح عمرو ما حباني ولا ربع حبو لحسام وحسام دائما بياخد مني كل شي ابوي وسعادتي وفرحي ونجاحي وكل شي خلاني اكره نفسي 😠 انا اخدت منو زوجتو وطفلو بس ما اكتر زي ما اخد ابوي انا اخدت طفلو وزي ما اخد سعادتي وكل لحظات حياتي انا اخدت مرتو كدا اتعادلنا😏😏😏
... ابتسم بإنتصار وطلع قفل الباب وراه قعدت ابكي وافكر في اهلي واحساسهم شنو وكيف حالتهم 😭😭😭😭 نفسي اشوفهم واجري ليهم ويشوفوني ويكون دا كلو حلم 😭💔 وينكم يا بابا وماما وينك يا حسام 😭😭😭💔😭😭😭 قفلت الباب من جوة وبكيت للصباح ومروان مشغل اغاني بأعلى صوت وطول الليل بغني وفرحان حاولت اتواصل مع اي زول بس مروان تلفونو دائما معاهو وساميه ما عندها تلفون قنعت من كل شي وقنعت من الدنيا بقيت بس اصلي وادعي 😭🤲
،تعالو نشوف الاحداث الحصلت عند حسام واهل بيان ،
... يوم اختطاف بيان وأثناء ما حسام مبسوط وراقد واهلو تحت في الكافتيريا ووصل عمو صالح المستشفى وفتش المكان المهجور بس ما لقى بيان ولقى بواقي التلفون المكسور حاول يتصل لمروان كثير بس ما استفاد شي جرى العنبر حق حسام لقاهو براهو حكى ليهو الحصل حسام جن جنونو غضب غضب شديد قام من سريرو غصبا عنو وضغط على جرحو وبعدا عمو صالح اتصل للاسرة بعد جو حكى ليهم الحصل وانقلبت الاحداث كل الرجال طلعو وبدو يفتشو وعمو صالح وزع عناصر الشرطة كمان بقو يفتشو ساعات بس بدون أمل والنساء قاعدين يصبرو في بعض منتظرين الاخبار الجميلة الحتفرح قلبهم بعد ساعات طويلة من التفتيش فقدو الامل واتلمو مع بعض وحسام قال لعمو صالح بغضب..........
حسام : كل شي حصل بسببي لو ما بعدت عنا ما كان حصل دا كلو وما كان مروان قدر يهددها 😔
ع.صالح : انا كمان غلطان لأنها بعد حكت لي الحصل كان لازم اخلي عيني عليها عشان مروان ما يلقى فرصه يعمل العملو😔
ع.احمد : كلنا غلطانين في الحصل بس المهم نرجعها بالسلامة 😓
بابا : وينك يا بتي آخ منك يا مروان ربي ينتقم منك 😔🤲 كيف حتكون حالتها هي وطفلها 💔على الأقل كان يراعى للطفل😢
... عمو صالح وعمو احمد بقو يهدو بابا حسام قال لعمو صالح ..........
حسام : انا آسف بس لو قبضت مروان اكيد حأقتلو😠
... عمو صالح عاين لحسام بحزن وقال ليهو........
ع.صالح : للأسف كل الحصل بسببي انا مروان قايلني بحبك اكتر منو وبفضلك عليهو مروان ولدي خلاص حيضيع مني 💔 هو ضاع اصلا💔 انا خليت قلبو يتملي بالحقد والحسد والكره تجاهك وتجاهي كمان وعشان يبرد قلبو اكيد عمل دا كلو بس هو ما عارف إنو دا كلو غلط 😔
حسام : بعد يرجعو بالسلامة بعرف كيف اتفاهم معاهو
... عمو صالح قال لينا كلنا .......
ع.صالح : انتو ارجعو ارتاحو وانا حأواصل بحث وان شاء الله حتصلكم اخبار جميله 🤲
حسام : لا انا حأفتش معاك
... اقنعو بابا وعمو احمد يرجعو وهم واصلو تفتيش لحدي ما جات مكالمة لعمو صالح قلبت كل الموازين وصدمتهم صدمة كبيرة عمو صالح وحسام اتصلو للباقين وكلهم اجتمعو جنب العربية المحروقة كلهم ما مصدقين إنو انا ومروان خلاص اتحرقنا جوة العربية لحدي ما طلعو الجثث الما ظاهر فيها اي ملامح اتعرفو علينا بالخواتم والسلسل بس كلهم بقو في حالة صدمة كبيرة ما قادرين يصدقو إنو ديل نحن لا قادرين يبكو ولا يصرخو فيهم الحبطو ووقعو زي ماما وشهد وفيهم الدخل في صدمة زي حسام وفيهم الكاتم الوجع ودموعو جارية زي المطر زي بابا وعمو احمد وفارس وعمو صالح وخالتو فاطمة وآيه وخالتو نعمات وغيرهم اما حسام ففضل مصدوم ما دفق ولا دمعة لحدي ما انهار واخدو المستشفى وقالو عندو إنهيار عصبي وبعد صعوبة خلوهو يبكي ويبرد قلبو شوية بس مافي زول طلعو من الاكتئاب والصدمة الحادة ......؟؟؟؟؟؟؟
