# حب بعد الإنفصال❤💔 (37)
💙رح يجي شخص ياخدك من عز وحدتك ويطلع فيك لاعلى قمم الحب والاهتمام ويرميك من فوق ويكسر كل ثقتك وقلبك 💔😪
... جريت يدي منو وتاني جريت وهو وراي ولسه بنادي وبحاول يوقفني وانا ولا شغالة بيهو بس ما انتبهت قدامي فجأه طلع لي عربية في وشي ما حسيت بضربتها بس صرخت ووقعت🚕💔💔💔😭💔💔💔 كويس إنو بتاع التكسي مسك فرامل في اخر لحظة عشان كدا الضربة جات خفيفة في رجليني بس من الخلعة والخوف اغمي علي وما حسيت بشي حسام خاف خوف شديد وما عرف يعمل شنو بس ركبني التكسي وبتاع التكسي وصلنا المستشفى صحيت شايفه كل شي ابيض وحاسة بألم في رجليني 😭 دخلوني للدكاترة غايتو شايفاهم كتار دا يدخل ودا يطلع كنت خايفه على طفلي اكتر من اي شي غمضت عيوني تاني وما حسيت بشي صحيت تاني لقيت نفسي في غرفة الفحص ولقيت دكتوره عسوله كدا قاعدة جنبي وبتفحص لي نبضي والدرب موصل في اليد التاني ورجليني ملفوفه بشاش من فتحت قالت لي ..........
د.خلود : حمدلله على سلامتك 🙂 كويس إنك صحيتي والا زوجك كان حيقتلنا كلنا ويحرق لينا مستشفتنا😄
... ما كنت شغاله بكلاما دا كلو قلت ليها بحزن ......
انا : البيبي 🥺
د.خلود : البيبي بألف صحة وعافية 😇
... ختيت يدي في بطني وسكت مسافة دموعي نزلو وقلت ليها.........
انا : ممكن اطلب منك خدمة 😟
د.خلود : اكيد
انا : عاوزة انزل البيبي 😔💔
... عاينت لي بخلعة ووقفت بغضب وقالت لي .......
د.خلود : مستحيل انا ما من الدكاترة الزي ديل اكيد زوجك بكون خايف عليكي لازم اطمنو إنكم بخير 😬🙁
... مسكتها من يدا وقلت ليها.........
أنا : لو سمحتي اسمعيني للنهايه وبعدا اكيد حتقيفي معاي وتأيدي قراري لو سمحتي انا اتخذت القرار دا بعد صعوبة 😟💔
... قعدت وقالت لي بغضب.......
د.خلود : احكي العندك بعدا حأشوف 😑 .....؟؟؟
.
.
.
.
... بعد ساعتين صحيت في غرفة بيضاء حاسة بشوية تعب لقيت حسام قاعد جنبي وماسك يدي وعيونو محمرة من البكاء بالجد حنيت لحالتو 😟 من صحيت ضماني وقال لي بحزن............
حسام : طفلنا مات حبيبنا الصغير فات خلانا دا كلو بسببي انا 💔😭😔💔 انا اسف حبيبتي 😔
... ما ابديت اي ردة فعل عرفني زعلانه منو وما طايقاهو قلت ليهو...........
انا : انا مسامحة بتاع التكسي ومافي داعي زول يحاسبو 😕
حسام : بس هو السبب في الحصل 😬😡
انا : هو ما السبب الحصل قضاء وقدر بس ما اكتر بس انا الوحيده البحق لي احزن على طفلي 😾اما انت فعندك البديل يعني مافي داعي لكل الحزن دا 😒
... عاين لي بحزن وقال ........
حسام : دا حبيبي وطفلي واهم شي قطعه منك كنت منتظرو بفارغ الصبر انتي مستحيل تفهمي حبي وتعلقي بيهو 🥺💔
... بالجد حنيت ليهو واذا عرف إنو انا الاتخلصت من الطفل اكيد حيقتلني😓💔دموعي نزلو تلقائيا مسح لي دموعي وضماني وقال لي .......
حسام : حبيبي دي ارادة ربنا بس اكيد حيعوضنا خلي ثقتك في ربنا كبير 💚
... زحيت منو ودايرة اقول ليهو نحن مستحيل تاني نكون مع بعض بس اهلي واهلو جو داخلين والخوف باين في وجوهم وبدت الأسئلة وبعد اطمنو على وكفرو لي حاولو يواسوني وكلهم حزينين على الطفل الراح 😔بس انا ظهرت ليهم إني قوية ومتقبلة قضاء ربنا 😟💚 بعدا كلهم طلعو قعدو برا الا ماما وآية بعد الدكتورة جات قالت يخلوني براي ارتاح شويه بعد طلعو قالت لي ...........
د.خلود : حتكلمي زوجك بالحقيقه متين ما شايفاهو حزين كيف اكيد من حقو يعرف 😾
انا : دكتورة حأكلمو في الوقت المناسب بس هسي اهلي واهلو اكيد حيكرهوني😔💔
د.خلود : بس زي ما اتفقنا انا ما عندي دخل في دا كلو
انا : ما تخافي مستحيل اجيب سيرتك ولو بالغلط
... ادتني بعض التقارير قالت لي ......
د.خلود : ديل ورق فيهم تحاليك لو حسيتي بأي تعب رقمي في كرت المتابعة دقي لي وتعاليني طوالي 😇
انا : شكرا دكتورة شكرا على كل شي 🙂
... بعد ساعه كدا خرجوني لاني ابيت اقعد في المستشفى بس ما كنت بقدر امشي بسبب الرضوض والجروح في رجليني كنت تعبانه شديد ما قدرت ارفض مساعدة حسام قدام اهلنا ورغم إني ما حبيت امشي شقه حسام وقلت لماما يسوقوني معاهم بس حسام اصر اكون معاهو وهم وافقو شميتو وكرهتو بس ما اتكلمت بعد وصلنا الشقة ماما وآية فضلو معاي اصريت آية تنوم معاي بحجة إنو اتونس معاها وتفضل جنبي لمن احتاجها بس الحقيقة حبيت اتخلص من حسام بس هو اصر يفضل جنبي ويساعدني في اي شي وآية طوالي وافقتو وطلعت خلتني معاهو جاب الأدوية اداني ليها و قال لي ........
حسام : لي الدكتوره ما وصفت ليكي حبوب للدم عشان تعوضي لازم نمشي ليها بكره تفحصك وتطمني
... قلت ليهو........
انا : قالت مافي داعي للحبوب الكتيرة كفايه اواصل في حبوب الفيتافيرول والمسكنات عندي حقت جروح رجليني ديل بكفو 😿
حسام : طيب بس لو حسيتي بشوية تعب او الم قولي لي عشان نرجع الدكتور اوكي
انا : تمام 😐
... اتخطيت ورقدت سمعت صوت باب الغرفه بقفل قلت كويس إنو طلع فات فجأه حسيت بزول جنبي لمن اتخلعت اتلفت لقيتو حسام رقد جنبي وضماني قلت ليهو........
انا : حسام بعد عني جنيت شي 😑
... بس نظراتو كانت مليانه حزن قال لي .........
حسام : بعرف إنك مجروحة ومتأثرة لانو خسرنا الطفل وبتحاولي تظهري إنك قوية ومتقبلة الحصل بس بعرف إنو قلبك مجروح وما قادرة تبكي بس انا عاوزك تبكي وتطلعي الفي قلبك كلو 🥺😟
... دموعي نزلو من كلامو وما عرفت ارد ليهو ولا احكي الحقيقة 😔 رقدت في حضنو وبكيت قدرتي بكيت على القرار الأخدتو في ساعة غضب ودمرت حياتي بيدي وبقيت ما بقدر احكي الحقيقة ولا بقدر اكذب 😓😔💔بعد خلصت بكا وتفكير نمت بدون ما احس 😴آية بتنوم مع ماما في غرفة فهد النهار بكونو جمبي وبالليل حسام بقعد معاي وكل ما اشوفو بفكر في ردة فعلو لمن يعرف الحقيقة 💔 شهد اتصلت تطمن على وزعلت شديد لمن عرفت الحصل وفارس كمان يومي بجي بقعد معاي شوية وبمشي بعد كم يوم من الحادث جاتني رزان بس بشكل حتى انا ما عرفتها ما جات زي زمان ببنطلون وقميص وفكة الشعر والنظارات وخواتم وحركات زي دي لا جات قاشرة بتوب اسود لامع والنعال كعب واقف فوق وتسريحة الشعر غير والميكب فل الفل ولابسة دبلة وخبايش والحنة حنة عروس فظيعة وريحتها سابقاها غمرة وصندل طاقه طبعآ من شفتها مرضى زاد 😒 لمن جات حسام كان مافي سلمت لماما وآية بعداك جاتني جوا سلمت علي رديت ليها بس لأنو السلام سنة 😒 بعد قعدت قالت لي بصوت الحناكيش داك ........
رزان : حمدلله على السلامة يا بيبو بالجد ما بتستاهلي الحصل وربنا يعوضك بتوأم ان شاءالله 😌
انا : امين 🙂
... آية بعد جابت ليها موية قعدت شوية اتونست وطلعت بعد طلعت قلت لرزان ........
انا : الف مبروك الزواج ان شاءالله لا تخلبيهو بالعيال ولا يخلبك بالمال اسفه قصدي العكس 😇
رزان : اكيد حأخلبو بالعيال لأني بتمنى الحمل التاني يكونو توأم 😌عارفه حسام محظوظ صح ربنا اخد منو طفل بس عوضو بطفل تاني 😏
... عاينت ليها وسكت ما حبيت ارد ليها ابتسمت وقالت لي ..........
رزان : قلت ليكي قبل كدا حسام لي انا وبعرف كيف اخدو منك وياهو اثبت ليكي كلامي واخدتو منك وبقى عندي نفس حقوقك وواجباتك وقريبا حأخد نفس حبك واكتر كمان 😏
... قلت ليها ببرود ........
انا : ان شاءالله تتهني بيو 🙂
رزان : حتهنى بيهو اكتر واكتر بعد تطلعي من حياتنا 😏 يمكن خسارة طفلك دا دليل انو البينك وبين حسام انتهى والفي بطني دا دليل على إنو البينو وبينو حيكبر كل يوم 😌 ما تفرحي وتعتقدي إنو زواجنا على الورق لا حبيبتي انا ما بتخلي عن حقوقي ابدا بس الصبر جميل 😏
... ما حبيت اتناقش معاها بس كلامها غضبني ابتسمت وقلت ليها بهدوء ........
انا : صح حسام بقى زوجك واخدتي نفس حقوقي وحتى لو طالبتي بحقوقك الزوجية يمكن حسام يديكي حقوقك بس لانها حقوقك ما اكتر لمن يقرب منك بقرب منك كواجب اما انا فبقرب مني عشان الحب نظراتو ليكي نظرات صديق اما لي فنظرات حبيب كل شي بينا مبنى على الحب اما معاكي فمبني على الواجب وعلى إنها حقوق شرعيه ما اكتر 😌😇
... البت دي قربت تطرشق ووشها حمر من الغضب في نفس اللحظة آية جابت ليها عصير قلت ليها .........
انا : اشربي عصير بارد عشان تبردي يا بيبي 😏
... حمرت لي وشربت عصير ابتسمت فجأه وقالت لي ..........
رزان : حاولي تتقبلي إنو انا ما رزان صديقتو لحسام لا انا مرتو يعني ضرتك 😇 يعني هو حيتقسم بيناتنا 😏
... ما فهمت قصدا شنو يعني حيتقسم بيناتنا 🤔 اكيد حسام ما حيقبل بكلاما دا 😌 اية جات قعدت شوية بعدا حسام جاء داخل اتفاجأة برزان 😨 اما رزان من شافتو نطت في رقبتو هو زحا منو براحه وقال ليها ......
حسام : دا شنو البتعملي فيهو دا 😡
... قالت ليهو بدلع .......
رزان : سومي اشتقنا ليك 😟 يعني انا وطفلي لازم نجي هنا عشان نشوف بابا 😟 لي بابا ما بجينا 😕
حسام : بيان مريضه وحالتها ما بتسمح لي افكر في نفسي حتى 😐
... جاء قعد جنبي وقال لي .......
حسام : كيف حاسة
... مسكت يدو قصدا وقلت ليهو........
انا : بخير 😺
... رزان زعلت واتضايقت شديد بس حاولت ما تظهر زعلا قامت قالت لي .......
رزان : حمدلله على السلامه مرة تانية
... وودعتنا وطلعت فاتت بقيت افكر في كلامها وطلع كلاما كلو صح اكيد لو دايرة حتاخد حقوقها بالقوه واهتمام حسام بالطفل حيخليهو يهتم برزان غصبا عنو وكدا اكيد الطفل حيقربهم من بعض كل يوم اكتر وممكن عادي حسام يتعلق بطفلو الأول ومستحيل تاني يطلق رزان مهما حصل 😕💔 قررت اتكلم مع فارس في الحصل دا يمكن يلقى لي حل 😿 بعد فضلت براي شلت تلفوني ومشيت البلكونة اتصلت لفارس من رد لي قلت ليهو عاوزاك في موضوع مهم وبديت احكي ليهو الحصل بالتفصيل طبعآ غضب غضب شديد وبدأ يشاكل وينهر وطلع من طورو قلت ليهو..........
انا : فارس انا حكيت ليك عشان تساعدني ما عشان تزيد لي همي 😿💔
فارس : كيف تتخذي قرار زي دا من تلقاء نفسك صح انتي امو بس حسام بكون ابوهو وانا خالو وعندو حبوبات وجدود لو عرفو مستحيل يسامحوكي حتى انا ما قادر اسامحك كيف تعملي كدا في طفل بريئ 😡😕 بس الحصل حصل وانتهى انا بحاول اساعدك بس خليهم كلهم يروقو شوية بعداك نواجهم بالحقيقه يعني يومين ثلاثه لحدي ما الوضع يروق وإياكي تتصرفي من تلقاء نفسك فاهمه
انا : تمام بحاول بس لو حسام قابل الدكتورة موضوعي حينتهي😿
فارس : طيب اتكلمي مع الدكتورة وانا حأشوف حل اوكي
انا : تمام شكرا 😿
... بقيت اسرح كثير وافكر في حلول بس كأنو كل افكاري اتجمدت وما قادرة افكر خالص في يوم دقيت للدكتورة وبقيت اتكلم معاها في الموضوع قلت ليها...........
انا : دكتورة انا عاوزة طريقة او حل يطلعني من المصيبه دي 😿💔
د.خلود : انا قلت ليكي فكري مرتين قبل ما نعمل اي خطوة بس انتي اصريتي علي واقنعتيني ولأول مرة انا اعمل غلطة زي دي عارفه لو رئيس القسم عرف حيفصلوني من المستشفى نهائي ويمكن تاني ما امارس مهنتي عشان كدا قلت ليكي طلعيني من الموضوع دا
انا : كانت ساعه غضب ما قدرت افكر لأنو اتزوج علي وخاني كمان اي واحدة احرة من التانية وبعد ما صحيت من الحادث كنت زهجانة وقرفانة 😔💔
د.خلود : زوجك لو عرف ما بعرف حيعمل ليكي شنو بس انا متأكدة إني حأنفصل من الشغل دا لو ما نفاني برا الأرض
انا : ما تخافي دكتورة مهما حصل حأتحمل النتيجه براي بس لو حسام عرف إنو بعد الحادث الطفل كان بخير وانا الطلبت منك تجهضيهو اكيد ما حيسامحني 😢 انتي عملتي الأنا طلبتو يعني ما عندك اي ذنب
د.خلود : تمام ما تنسي لازم تجي الفحص في زمنو عشان اطمن إنك بخير
انا : اكيد دكتورة شكرا ليكي
... قفلت الخط واتلفت كدا لقيت حسام واقف وباين عليهو الغضب خفت بس عملت نفسي ما خايفة قلت ليهو.........
انا : حسام انت من متين واقف هنا
... قال لي بغضب.......
حسام : من وقت ما قلتي إنو طفلي كان عايش بعد الحادث وانتي القتلتي انتي الاتخلصتي منو 😡😡😡
... طبعآ كلامو دا كلو مع نظرات مليانة غضب وتعصيب شديد مشيت عليهو براحه وقفت جنبو وقلت ليهو .......
انا : حسام اهدأ واسمعني انت فهمت نص القصه ما اكتر
... مسكني من اكتافي وضغط عليهم بغضب وقال لي بنظرات زي الشرارة ..........
حسام : انتي طلبتي من الدكتوره تنزل الجنين صح ولا خطأ 😡😡😡
... قلت ليهو بألم .....
انا : حسام وجعتني 😥
... قال لي بغضب وصوت عالي ومعاها نهرة كمان .......
حسام : جاوبي 😡
... حسيت بقلبي طار من الخوف وبقى يدق بسرعة كبيرة هزيت ليهو راسي بمعنى اي ضغط على اكتافي زيادة وقال بغضب ........
حسام : لي 😡😡
...دموعي نزلو وقلت ليهو بخوف........
انا : كنت عاوزاك تطلقني ولأنك خنتني 😭وجرحتني😭 قلت لازم اجرحك .....
... من قلت ليهو كدا وقبل ما اكمل كلامي لزاني بغضب حمدلله إنو السرير كان وراي وبعد دا خنقني بقيت ما قادرة أتنفس قلت ليهو بصعوبة ......
انا : ح سام
... فكاني وزح مني من غضبو عروقو شادين مكور يدو بقى يكسر ويجدع اي شي قدامو وبصوت الكسير والازعاج ماما وآية جو جارين الغرفه وبقو يدقو الباب بعد طلع غضبو في الغرفة قال لي بغضب.........
حسام : انا ما بقدر اقتلك ما بقدر اعذيكي ما بقدر اوجعك بس حندمك على العملتيهو 😡 لحدي الآن شفتي حبي ليكي بس من اليوم حتشوفي كرهي الشديد 😡
... كنت باخد انفاسي بصعوبة جاء وقف فوق راسي وقال لي بغضب.........
حسام : عملتي دا كلو عشان تنفصلي عني صح طيب😤
... جرا نفس بغضب ونظراتو ما بتبشر بالخير قال لي .....
حسام : انتي طالق 😬😡😡
... اتصدمت صدمة بس بقيت اعاين لحسام 😨هو ولا عاين لي رمى على الطلاق وطلع من الغرفه لمن فتح الباب ما انتظر ماما وآية يسألو فات طوالي على باب الشقة طلع وقفلو بغضب جو داخلين لي وانا مصدومه بين مصدقه وما مصدقه حاسة بدوغة وتعب حتى اسألتهم ما سامعاها صح لمن حسام خاني كنت بتمنى ننفصل بس ما كنت قايلاهو حار ومؤذي للدرجة دي حسيت بالدمار وبطعنة قوية في نص قلبي 💔 بقيت ابكي بصوت من الحرقة الفي قلبي من جهة بعرف إنو دا كلو غلطي بس كمان من جهة تانية حسام كان لازم يديني فرصه ابرر ليهو من حقي كزوجتو وحبيبتو يتفهمني ويديني فرصه ابرر على الأقل فرصه واحدة 😭😭😭💔💔💔 آية وماما كانو قعدين جنبي وبحاولو يهدوني ولما شافو حالتي آية بقت تتصل لحسام عشان تفهم منو الحاصل بس بفصل الخط في وشها ولمن لقاها مصرة تتصل قفل التلفون حاولو يتكلمو معاي بس بدون فايده قلت ليهم يخلوني براي واصريت عليهم طلعو خلوني قالو بعد اهدأ يتكلمو معاي بعد طلعو بكيت قدرتي يمكن اكتر من ساعتين ببكي وبعد تميت بكيتي قمت لبست لي عباية وطرحة وشلت تلفوني وطلعت من الغرفه كدا لقيت ماما وآية قاعدين في الصاله متمحنين وخايفين من طلعت استلموني اسئله قلت لماما ......
انا : خلينا نمشي بيتنا ما قادرة اقعد هنا ولا دقيقة 😭💔
ماما : بسم الله الرحمن الرحيم مالك يا بتي كدي اهدي وروقي وكل شي بيتحل 😕
انا : كل شي حيتحل كيف 😭حسام طلقني 💔
... ماما ختت يدا في راسها بصدمة وقعدت وهي بتقول.........
ماما : لا حول ولاقوة الابالله 😱🤦🏻♀️ دا شنو الكلام البتقولي دا
... آية بقت تهزني وبتقول لي ......
آية : بيان جنيتي انتي حسام مستحيل يعمل كدا اصحى وركزي معاي 😱
انا : ماما خلينا نمشي 😢💔
... ماما عاينت لي بنظرات شك وغضب وقالت لي ........
ماما : السبب شنو ؟؟😐😕
... دنقرت راسي ورديت ليها بسرعة.........
انا : ما بعرف 😥
... قعدت جنب ماما وقلت ليها بصوت حزين........
انا : خلينا نمشي من هنا ماما لو سمحتي 🥺💔
...ماما وآية لبسو وطلعنا طول الطريق حاولو يستفسرو مني بس إجابتي ليهم واحدة ما بعرف اسألو حسام 😔💔 في النهايه خلوني وصلنا آية بيتهم ونحن مشينا بيتنا من وصلنا دخلت غرفتي وقفلت الباب من جوة بعد وصلنا بنصف ساعة كدا بابا جاء شكلو ماما اتصلت ليهو سمعتو بتناقش مع ماما بعدا طلع بس نهائي ما جاء لي اما آية من وصلت حكت لامها وابوها الحصل حاولو يتصلو لحسام بس تلفونو مغلق اتصلو لرائد بس قال حسام ما معاهو بس طمن عمو احمد وقال ليهو حأشوف مكانو وين او بالأحرى يفتشو بقو متوترين ومنتظرين حسام بأحر من الجمر وفي الوقت دا بابا وصل بيتهم والغضب مسيطر عليهو من دخل بدأ يصرخ ويهرج وين حسام والحصل دا غلط وووو عمو احمد كمان كان متوتر وغضبان بس حاول يهدي صديقو لأنو الاثنين في نفس الموقف وما فاهمين حاجة بعد هدو قعدو في انتظار مكالمة من رائد وبعد فتره طويله من الإنتظار رائد اتصل وطمنهم إنو لقى حسام بس كان غضبان وحزين ويمكن ما مستعد إنو يحكي شي وطلب من اهل حسام يدوهو فرصه يهدأ وهم وافقو وبابا رجع سامعاهو حكى لماما الحصل لمن فتحت الباب بابا وماما جو قعدو جنبي وحاولو يسألو من الحصل بابا قال لي .......
بابا : ما بعرف مشكلتكم شنو بس دائما في حلول بس بالأول لازم نعرف المشكلة عشان نحلها صح
... عاينت لبابا بحزن وقلت ليهو.......
انا : نحن الاثنين غلطانين بابا بس انا ما بقدر احكي شي بس اسألو حسام 😔
... بابا ربت على يدي واخد نفس وطلع ماما ضمتني رقدت في رجلينا لحدي م نمت 😴لمن صحيت كنت غضبانة شديد من الحصل واول شي فكرت فيهو إنو حسام ورزان حيكونو مع بعض وبعد طلقني اكيد الجو حيخلا لرزان عشان تتقرب من حسام اكتر واكتر😤😪😭💔 واكيد هو بعد كدا حيتقبلا لأنو كرهني شديد😭💔 التفكير في الموضوع خلاني اتغاظ وزعلت شديد وزي ما حسام اتزوج رزان وغاظني انا كمان لازم اغيظو واول شخص خطر على بالي مروان طوالي شلت تلفوني وبعد تردد اتصلت ليهو من فتح الخط قلت ليهو.......
انا : انا موافقه اديك فرصه اذا انت مستعد تقيف ضد حسام بس فكر في الموضوع كويس ورد لي 😪
... وقبل ما يرد قفلت الخط وقفلت التلفون ما بعرف الخطوة القمت بيها دي غباء ولا انتحار بس حاسه كدا حأنتقم من حسام 😬
... يتبع🍁 .......
** متابعيني الحلويين كيفكم ان شاءالله بخير يلا عرسي حيكون الجمعه يوم 11/6 يعني بكرة كنت بتمنى حضوركم كلكم ❤🥰 الرواية في نهايتها وان شاءالله بخلصها قريب 😘❤ + اعذروني على الأخطاء الإملائية 🤗
