# حب بعد الانفصال ❤💔(11)
التقينا بحسام ورائد وتعابير وجوهم بدل انهم خايفين بس حسام من شافني طوالي جاء علي وضماني😲 وقال.................
حسام : حمدلله انك بخير
... انا كنت مصدومة من ردة فعلو 😨😲 بس رائد وشهد انصدمو اكتر مني😂😂 بعدا زح مني وسلم لشهد عاين لي من فوق لتحت وركز على الخلخال طوالي حمر لي 😒 وقال...........
حسام : خلونا نطلع الشقة لازم توضحو لي حاجات كثيرة 😒
... طبعاً طلعنا بالسلالم ونحن طالعين كنت بفكر قلت في راسي ‘‘‘‘ المرة الفاتت ضربك كف بس المرة دي حيعلق مشنقتك 😖 بس انا محظوظه لانو المرة دي في رائد وشهد 🙃‘‘‘‘بعد وصلنا الشقة انا وشهد قعدنا في الصالون ورائد ساق حسام دخل معاهو الغرفه وقال ليهو.............
رائد : حسام اتكلم معاها براحة وبرواقة عشان ما تغرب كل شي وما تنسى انو هي لسة زعلانة منك 😒
... رد لرائد بغضب.....
حسام : بس هي بالغت ياخ نحن قربنا نبلغ الشرطة 😡
رائد : هي غلطانه بس انت السبب عشان كدا اتحكم في غضبك 😒
حسام : بحاول بس انا متأكد انها حتزيد لي غضبي بكلاما
رائد : مهما حصل خليك رايق مفهوم
حسام : تمام بحاول
... بعدا طلعو حسام نهائي ما اتكلم معاي بس سأل شهد وشهد ما قصرت شرحت ليهو كل الحصل يعني كل الاماكن الزرناها بعدا اخد رقم شهد وشهد شغالة تحامي لي وتقول ليهو هي كانت حزينة عشان كدا ما كلمتك... الخ المهم الوقت دا كلو انا ولا شغالة بيهم بتونس مع رائد رغم انو أعصابي بايظة 😂 بعدا رائد قال لشهد..........
رائد : نطلع وانا بوصلك بيتكم لانو الزمن أتأخر
شهد : أوكي يلا
... شهد جات حضنتني وقالت لي في اضاني..........
شهد : هو كان خايف عليكي عشان كدا خليكي عاقلة واتكلمي معاهو بهدوء 🤗
... لمن زحت مني حمرت ليها ابتسمت وقالت لحسام........
شهد : باي حسام
... حسام ابتسم ليها ورائد قال لينا انا وحسام.......
رائد : باي يا حلوين خلو بالكم على بعض
انا : باي رائد ان شاء الله تسجل لينا زيارة تانية
رائد : ان شاء الله
... بعد طلعو حسام ودعهم وقفل باب الشقة طوالي قمت وقلت ليهو .......
انا : ماشة ارتاح في غرفتي لأنو كان يوم طويل 😴
... قمت ماشة على غرفتي حسام ناداني بهدوء وقال لي .......
حسام : بيان
...عملت حالي ما سامعاهو طوالي واصلت بس تاني قال بغضب.......
حسام : بيان 😡
... طبعاً خفت منو بس اتلفت ليهو وقلت ليهو بهدوء.......
انا : ايوا
... ختا يدو في الكرسي الجنبو وقال لي.........
حسام : تعالي اقعدي هنا خلينا نتفاهم
... قلت ليهو بغضب ......
انا : انا وانت مافي بيناتنا اي تفاهم 😤
... معصب لمن شرايينو ظاهرة قال لي بغضب.....
حسام : إياكي تجربي غضبي لانو ما حيحصل خير 😤✊
انا : حتضربني كف تاني ولا حتحاول ت😬
... عاين لي بغضب سكتة وما تميت كلامي وقف فوق وقال لي بصراخ ........
حسام : قلت ليكي اقعدي هنا سريييييع 😡
... من قال كدا مشيت قعدت في كرسي بعيد منو وحمرت ليهو 😒اخد نفس عميق وزفر بغضب شكلو بحاول يهدي حالو 😕 ورجع قعد في كرسيهو وقال لي .........
حسام : بيان انتي عارفة إنك غلطانة على الأقل كان تردي لي
... قلت ليهو بلا مبالاة...........
انا : انت الخلطان ما انا 🙄
حسام : صح انا خلطة في حقك بس دا ما معناهو انك تعالجي الخطأ بخطأ أكبر ، قبل ما امشي الشغل قلت ليكي لمن ارجع حنتكلم صح
انا : صح😐
حسام : طيب على الأقل كان تردي على مكالماتي لاني خفت عليكي
... ابتسمت وقلت ليهو بسخرية.......
انا : خفت علي ولا خفت على نفسك 😒لاني لو اختفيت انت اول واحد حيسألوك عن مكاني
حسام : صدقي او لا كنت خايف عليكي ، مهما حصل بيناتنا لو اتصلت ليكي ردي على مفهوم 😤
... عاينت ليهو بلا مبالاة وقلت ليهو.....
انا : إياك تأمرني 😒 واذا عاوز شي اطلبو بإحترام وإلا مستحيل انفذو 😒
... ختا يدو في جبهتو وقال......
حسام : يا رب الصبر 😑
... عاين لي وقال بهدوء وهو بحاول يدس غضبو............
حسام : طيب ممكن تكلميني لو طالعه اي مكان عشان ما افتشك او امشي للشرطه 🙄
... عاينت ليهو وقلت ليهو......
انا : أوكي 😐 بس بشرط إياك تتدخل في حياتي 😒
حسام : بيان انتي ما دمتي زوجتي فأكيد حأتدخل في حياتك
انا : انت عارف نحن اتزوجنا لي
حسام : ما مهم اتزوجنا لي المهم نعرف نتفاهم لحدي ما نشوف حل للزواج دا
... مشيت قعدت في الكرسي الجنبو وقلت ليهو بغضب ...........
انا : كيف حنتفاهم وانت بتحب تتأمر بس ومغرور كمان ودائما بتطلع غضبك فيني قال نتفاهم قال 😒
... رفع حاجبو وقال لي......
حسام : لانك عنيدة وما بتسمعي الكلام وانتي الدائما بتغضبيني
انا : 🙄
... ما رديت ليهو سكت مسافة وفكر بعدا قال لي................
حسام : طيب خلينا ننسى الفات ونبدأ صفحة جديدة
انا : طيب خلينا نتطلق بعد نتم ستة شهور
حسام : مستحيل لانو بابا وعمو أذكياء وحيعرفو انو نحن اتزوجنا عشانهم 😐
انا : طيب بعد تسعة شهور
... فكر شوية 🤔وقال لي .......
حسام : رايك شنو نتطلق بعد نتم السنة يعني في عيد زواجنا 🙃 الأزواج بحتفلو بعيد زواجهم ونحن حنحتفل بطلاقنا وحريتنا 😁 اها اتفقنا 🤝
... ما بعرف كيف بس فكرتو عجبتني قلت ليهو بفرح...........
انا : اتفقنا سيد مغرور 🤝
حسام : شوفي انا ما بمنعك تطلعي لاي مكان بس اتصلي لي او رسلي لي رسالة ، ولو اتصلتي وما رديت ليكي ما معناتو انو انا ما حابي ارد لا معناهو إما اكون في اجتماع مهم او شي طارئ منعني ارد عليكي أوكي 😐
انا : طيب 🙃
حسام : انا حابي نمشي زواجنا بالتفاهم ونتطلق كمان بتفاهم يعني ما لازم نسئ لبعض او نجرح بعض وما دمنا متزوجين ممنوع نخون بعض لانو لازم نحترم عقد الزواج البيناتنا 🙂
انا : صح كلامك لازم نحترم عقد الزواج 🙂
حسام : شوفتي التفاهم ساهل شديد بس نحن العقدنا علاقتنا من البداية
انا : لانو نحن كنا بنشوف الجانب المظلم من علاقتنا ولأنو نحن بنكره بعض ما قعدنا اتناقشنا كأي اثنين عاقلين
حسام : انا بعتذر عن أخطائي وغضبي فيكي
... ابتسمت ليهو وقلت ليهو.........
انا : انا نازلة الشغل بكرة كان مفروض انزل الليلة بس انت عارف الحصل
حسام : بعرف 😐 اعملي الانتي بتشوفي مناسب بالنهاية دي حياتك 🙃
انا : طيب تصبح على خير 🙂
حسام : وانتي بخير
... قمت مشيت لحدي غرفتي وقبل ما ادخل قلت ليهو..........
انا : حسام
حسام : نعم
انا : بعرف انو انا كمان خلطانة عشان كدا بعتذر منك
... ابتسم لي وقال..........
حسام : ما مشكلة حصل خير
... دخلت غرفتي اتدوشت وغيرت بجلباب نوم وصليت 😁بعدا نمت 😴 حاسة نفسي بحلم مستحيل اصدق انو انا والسيد مغرور عملنا هدنة سلام 🤝😂 نحن مختلفين عن بعض شديد ومستحيل نتفق عشان كدا ما بعرف اذا الهدنة دي حتستمر ولا واحد فينا حيكسرا 🤔بس كنت مبسوطة ومتفائلة لاني من بكرة حأرجع لحياتي وروتيني الحلو 🙂❤️ تاني يوم كنت نايمة نوم اهل الكهف لاني كنت تعبانه من لفت امس مع شهد بس حسام جاء دق باب غرفتي لمن ما رديت ليهو دخل غرفتي طبعاً انا نوع الناس النومهم كعب ديلاك الفستان فوق الركبة واللحاف في الأرض والمخدة تحت الكرعين غايتو حالة كعبة شديد عشان كدا ما بحب زول يدخل غرفتي بس دائماً في متطفلين امثال شهد وباسل 😒 وحبايبي ماما وبابا 😙 المهم حسام رفع اللحاف من الأرض وخطاني بيهو بعدا بدأ يصحيني طبعاً رغم انو نومي خفيف وبصحا سريع بس لو تعبانة مستحيل أصحى بسرعة ولا اقول ليكم بكون نص صاحية ونص نايمة حسام بقى يناديني عشان أصحى................
حسام : بيان بيان
... لمن ما صحيت بقى يهزني وينادي قلت ليهو............
انا : اوووف باسل طير من وشي ياخ 😴
... لانو مافي زول بزعجني اكتر من باسل كل صباح بجي ناطي فيني زي العفريت ، اتقلبت بالجهة التانية وكملت نومي 💤 حسام لمن زهج مني وفقد الأمل وقف جمب السرير وربع يدينو وعاين لي مسافة بعدا قال لي بصراخ............
حسام : بياااان صرصور 😨
... طبعاً من قال كلمة صرصور قمت زي التقول رشوني موية باردة ونطيت من السرير لقيت نفسي جمب الباب وبقيت احرك رجليني وانطط في السراميك قلت لحسام بخوف............
انا : وينو 😱
... بقيت احت لبستي وانط من مكان لمكان وحاسة بقشعريرة كأنو الصرصور ماشي فيني 😯وحسام بعاين فيني وحابس الضحكة 🤭بعدا فكا الضحكة وبقا يعايني ويضحك لحدي ما وقع في الكرسي من الضحك 😂😂😂😂😂 عاينت ليهو بغضب وقلت ليهو ............
انا : إياك تكون كذبت علي 😡
... قال لي وهو لسة بضحك........
حسام : اعمل ليكي شنو حاولت اصحيك بكل الطرق بس بالجد شكلك فظيع 😂😂😂لا وكمان بتخافي من صرصور 😂😂😂 سيدة لميضة بتخاف من صرصور صغير 😂😂😂😂😂😂😂😂
... شلت المخدة وجدعتا فيهو وقلت ليهو بغضب...........
انا : موتك حيكون في يدي سيد مغرور 😡🤛🏻
.... لمن قلت ليهو كدا قال لي بخلعه وهو بعاين تحت كرعيني ...........
حسام : 😱شوفي الفارة جمب كراعك 🐁
... تاني صرخت ونطيت فوق السرير حسام بقى يضحك وقام فات على الباب وقبل ما يطلع من الغرفة قال لي............
حسام : صحيتك عشان تمشي الشغل لانك نايمة نوم اهل الكهف 😂😂
... وتاني ضحك وطلع طبعاً نبزتو بكل لغات العالم العربي والإسلامي والافريقي والاوروبي كمان 😒😒😒وجري مشيت عملت الروتين اليومي واتجهزت سريع لمن طلعت لقيتو مافي شكلو فات الشغل انا كمان مشيت الشغل طبعاً من وصلتا سلمتا لعمو البواب بحرارة واتونست معاهو شوية بعد دخلت سلمت على كل الموظفين والموظفات رغم انو ما محتكة معاهم شديد بس اتعودنا على بعض بالونسة وبقضي شوية وقت معاهم بعدا مشيت مكتب المدير دقيت باب مكتبو من قال لي ‘‘‘ اتفضلي ‘‘‘ طوالي دخلت وقلت ليهو..............
انا : بيسو 😁
... قال لي بفرح........
مبتسم : وانا قلت الشركة منورة لي 😻 اشتقنا ليكي كثير
انا : اشتقت ليكم اكتر 😄
مبتسم : كيفك وكيفو زوجك
انا : تمام 😃
مبتسم : ان شاء الله ما اتعلمتي الكسل والنوم
انا : لا انا لسة موظفتك النشيطة
مبتسم : رغم إنك لسة عروس بس منتظرك شغل كثير في قسم المحاسبة لاني ما بثق في اي شخص غيرك 🙂
انا : والسكرتيرة
مبتسم : عينت بديلة اشتغلت محلك
.... قاطعتو وقلت ليهو بهزار ............
انا : عندك سكرتيرة بديلة يعني خلاص استغنيت عني
مبتسم : مستحيل نستغني عنك لانو هي بديلة بس مادام انتي رجعتي اكيد هي حتخلي الشغل
... قاطعتو وقلت ليهو.........
انا : لا مافي داعي تقطع ليها باب رزقها خليها معاك انا بشتغل في المحاسبة بس
مبتسم : متأكده
انا : اكيد خلينا نبدأ
مبتسم : أوكي بعرف انك ما بتحبي تقطعي رزق زول 🙂اهلا وسهلا بيكي في المكتب 🙂
انا : تسلم
مبتسم : 🙂
... طلعت للسكرتيرة برة وقلت ليها.........
انا : انا بيان
ميساء : وانا ميساء 🤝🏻
انا : اتشرفت بمعرفتك ميساء
ميساء : انا كمان انتي السكرتيرة الأصلية صح 😐
انا : لا من اليوم انتي الأصلية 🙂
ميساء : بس كيف ؟
انا : امشي لاستاذ مبتسم وهو بفهمك كل شي
ميساء : أوكي تسلمي
انا : انا شغالة في قسم المحاسبة ان شاء الله نلتقي 🤝🏻
ميساء : ان شاء الله 🤝🏻
... مشيت مكتبي وبديت اشتغل في ملفات الحسابات بالجد رادمن لي ملفات كثيرة 😤 قعدت اشتغل بالساعات ما طلعت للفطور او الغداء بعد التعب دا كلو خلصت نص الملفات بس 😤🤦🏻♀️لمن طلعت كالعادة الموظفين كلهم فاتو مبتسم طلع مع ميساء وكانو جايين مكتبي لاقيتهم قلت لمبتسم ............
انا : كالعادة آخر من يطلع من الشركة بس المرة دي انضمت لينا ميساء 🙃
مبتسم : ايوا بس أكيد تعبتك شديد وااتأخرتي على زوجك كمان 😐
انا : انا متعودة 😄بس ما تتعب ميساء لأنها جديدة على الشغل
مبتسم : قلت ليها تمشي بيتهم من بدري بس هي زيك بتحب شغلا شديد بتذكرني بيكي 😻
... عاينت لميساء وقلت ليها.......
انا : بالتوفيق ميساء🙂
ميساء : تسلمي حبيبتي
مبتسم : أوكي يلا اوصلكم عشان امشي انوم لاني نعسان شديد🥱 💤
انا : أوكي مبتسم الكسول يلا
... وصلنا ميساء وبعدا وصلني انا وبقيت بنفس روتين الشغل اليومي بعد كم يوم خلصت الشغل المتراكم وأخيراً شغلي استقر 😪وكمان علاقتنا انا وحسام بقت عادية يعني تعامل عادي مقالب وشكل وبحب ارفع ليهو ضغطو المهم حسام كان عندو خادمة بتشتغل ليهو وزمن عرسنا اخدت إجازة وتاني رجعت يعني ريحتني من شغل البيت بالزات النظافة بس مرات انا بطبخ الاكل وهي بتنظف وبتمشي بيتهم ، الخادمة حبشية واسمها (رين)،،، وكمان بعض الجيران جو زاروني ما قصرو بس انا مع الشغل ما لقيت زمن امشي ليهم طبعاً جيراني ديل الفي الطابق الرابع اللي هم سوسن دي متزوجه وعندها ولدين ظريفة ودما خفيف ، وخالتو فاطمة دي مرة كبيرة وطيوبة عيالا كلهم متزوجين إلا بتها الصغيرة اسمها (ريم 20 سنة ) بتقرا في الجامعة 🤗المهم في يوم جمعة رين نظفت وانا جهزت الفطور بعد فطرنا وجاء زمن الصلاة حسام طلع الجامع وانا ورين كنا بنطبخ في الغداء وبنتونس بس سمعت صوت جرس الباب قلت لرين.............
انا : خليكي انا بفتح يمكن تكون سوسن او ريم بت خالتو فاطمة
رين : طيب
... طبعاً عاملة شعري كعكة وخازة فيهو قلم 😂 لبست لي طرحة وفتحت الباب اتصدمت لمن شفت لي بت تعالوا اوصفا ليكم ‘' اول شي لابسه بنطلون شراط وقميص في كم البنطلون ويدينو ما بصل نص كمها وفاكة شعرا ولابسة كعب مسمار ولابسة نظارات شمسية ولابسة في يدا الشمال خمسة خواتم مكتوب عليها حروف انجليزية وساعة يد ‘‘ دا كلو شفتو في دقيقة بس لمن شافتني بعاين ليها بحيرة لاني ما عرفتها طلعت النظارات الشمسية وقالت لي.................
... : حسام موجود
... طبعاً لمن طلعت النظارات شفت عيونها بس اتحيرت لانهم محمرين زي الكانت بتبكي قلت ليها.............
انا : اتفضلي
... دخلت فضلتها في الصالون وجبت ليها موية قلت في راسي ‘‘‘ اكيد دي واحدة من حبيباتك سيد مغرور لانها استايلك 😏‘‘‘ وأثناء تفكيري عاينت لي من فوق لتحت قربت اقول ليها عليك الله اكليني 😒وتاني سألتني وقالت................
... : حسام موجود
... قربت اقول ليها بلعتو 👿 بس قلت ليها.........
انا : فات الصلاة
... تاني عاينت لي كويس كأنها عايزة ترسمني وقالت لي.............
... : انتي زوجة حسام
انا : ايوا بس ما عرفتك انتي منو
... ضغطت على يدها وقالت لي.....
... : انا رزان
... رين جابت ليها عصير ختتو ليها قلت ليها بابتسامة..........
انا : رزان عبدالمنعم صديقتو لحسام 🙂
... حركت راسا بمعنى اي بعدا طلعت تلفونا وبقت شغالة بيهو مشيت لرين قلت ليها تمي الغداء انتي ورجعت قعدت معاها ،،هي شغالة بتلفونا ومرات بترفع عيونها تعاين لي من فوق لتحت طبعاً غضبتني قربت اطردها بس ماسكة نفسي بالعافية لحدي ما حسام جاء ، من حسام فتح باب الشقة ودخل هي اتلفتت ومن شافتو جرت عليهو حضنتو ولفت يدينا في خصرو وبقت تبكي وأثناء بكاها قالت...........
رزان : ك كيف 😭😭😭
... ما قدرت تتم كلامها بالجد حننتني ( هي حاضنة زوجك يا مدام 😒) حسام كان مصدوم بس قال..............
حسام : رزان 😱
... حسسوني انهم في فلم هندي وبطولة رزان وحسام 👻 وعشان اعمل دور الزوجة وقفت جنبهم وقلت ليهم ............
انا : احم احم 🤨
... بعد قلت كدا هي زحت من حسام وقالت ليهو...................
رزان : كيف اتجرأت تعمل فيني كدا 😭
... حسام مسكا من اكتافا وزحا منو شوية وقال ليها ..........
حسام : اهدي
... ساقا قعدا في الكرسي ونادا رين جابت ليها موية اتخيلو شال الكباية وشربها منو موية وهي ما صدقت ختت يدا بفوق يدو في الكباية وبتعاين لي كأني ضرتها 😒 عاينت ليهم ودخلت غرفتي ومن دخلت هي قالت ليهو.............
رزان : حسام انت عارف انو انا بحبك كيف اتزوجتها 😭 كل عمري فضلت احبك مرة جرحتني بحبك لمها دي المرة التانية تجرحني بحبك لدي
... طبعاً انا سامعة كلاما كلو لاني قاعدة جنب الباب شمار زي دا يفوتني كيف 😂😂 حسام قال ليها ببرودو المعروف...............
حسام : رزان انتي عارفة طبيعية علاقتنا نحن أصدقاء لو طلبتي مني الكون ممكن اقدمو ليكي بس مستحيل احبك حب حبيب وحبيبة او زوج وزوجة انتي وانا صديق وصديقة ،اخ واخت بس 🙂
رزان : سومي 😭😭 انا ناقصني شنو ،لقيت شنو في مها وبيان عشان تحبهم وانا لا 😭😭😭
حسام : رزان انتي ما ناقصك اي شي بس حبيتي الشخص الخطأ 😑
... قالت ليهو بغضب وبصوت مخنوق..............
رزان : مستحيل اخليك لا لمها ولا لالف واحدة زي بيان انت لي حسام 😭 وحتفضل لي للابد 😭 مهما لفيت حترجع لي مستحيل ادفن حب 26 سنة عشان اي بت 😡😡😡
... بعد تمت كلاما سمعت صوت الكعب في السراميك كأنها بتجري بعدا باب الشقة اتقفل بقوة عرفت انها طلعت وسامعه حسام بينادي فيها😐فهمت من كلامها انها بتحبو مووووت وحسام قال صديقتي قال 🤦🏻♀️اكيد دي رزة الكان مسجلا في تلفونو وخاتي جمبها قلب وردي 🤔،، ادوشت سريع وصليت طلعت الصالون ما لقيت حسام مشيت دقيت باب غرفتو ودخلت ما لقيتو فتشت غرفة الضيوف ما لقيتو اتصلت ليهو لقيت تلفونو خاليهو في الشاحن 😐 اكيد هو حزين لانو صديقتو الوحيدة بتحبو وهو بكن ليها مشاعر صداقة ما اكتر بالجد شي سئ جدآ 😔💔
... يتبع 🍁 ............
