# حب بعد الانفصال❤💔 (32)
لم أحبّك لحاجتي للحب، و لم أحبّك لتسد فراغات أيامي، لم أحبّك لأنني وحيد و أريد ظلاً أُظلّ به.. بل أحببتك لأنك أنت، لأنك المكان الآمن، لأن الخوف معك يتلاشى كأنه لم يكُن، أحببتك بسجيتك و بعيوبك و ندوبك حتى في اللحظات التي لم تُحبّ نفسك بها أحببتك كثيرًا و رغبت بك كثيرًا دون توقف🤍❤.
حسام : بيان انتي جادة في الكلام الكاتبة ده بالجد انتي بتحبيني 😻 ؟؟
... تتذكرو رسالة الإعتراف الكتبتها ليهو وختيتها ليهو في شنطتو حقت السفر بس دي هي انا نسيت موضوعها نهائي 😿 كنت كاتبة فيها ...........
"" ما بعرف كيف ببدو رسائل الحب بس انا مريت بقصص حب كثيرة منها الناجحة ومنها الفاشله وقصص غدر وخيانة ودا اثر سلبا على حياتي وبقيت بكره الحب والرجال بس ما بعرف كيف دخلت حياتي وجوطها خليتني اتخلا عن اولوياتي وخليت قلبي يتمرد علي ويحبك ، عارف انا قضيت فترة طويلة عشان اتقبل حبك وقضيت فترة اطول عشان اقنع حالي اعترف ليك بس انا جبانة ما بقدر اواجهك عشان كدا حأكتب ليك بحبك يا حسام ما بعرف كيف ومتين بس بحبك وحابه اكمل حياتي معاك وبس """
... قلت لحسام........
انا : يا إلهي نسيت موضوعا نهائي 😿 بس المفروض تقراها وانت هناك بعد تسافر 😿
... قال لي .....
حسام : جاوبيني بتحبيني 🙁؟
... دنقرت راسي تحت وابتسمت وحركت راسي بمعنى اي طوالي جاء قعد جنبي وقال لي بفرح ..........
حسام : عارفة دا احلى يوم في حياتي 😃وحيبقى احلى لو سمعتها منك يلا قوليها مرة 😻🤩
... ما رديت ليهو بقيت ابتسم والعب بأصابعي مسك لي يديني وقال لي ......
حسام : يلا حياتي مرة واحدة بس🤩😐
... قلت ليهو بصوت واطي......
انا : طيب بحبك 🙈😊
... ابتسم وقال لي ......
حسام : ما سمعت حاجه😶قوليها وعينك في عيني😐
... قلت ليهو بخجل ......
انا : لا ما بقدر 🙉☺
... عمل نفسو زعلان وقال لي ....
حسام : يعني تستخسري على نظرة وكلمة😪
انا : طيب 😪
... رفعت عيوني ومن وقعو في عيونو نزلتهم سريع تاني اتشجعت وعاينت ليهو جوة عيونو وقلت ليهو.........
انا : بحبك 😍
... بعدا نزلت عيوني حسام من قلت ليهو بحبك طوالي ضماني وقال لي .......
حسام : بموووت فيكي😍
... زحاني منو شوية وختا يدينو في خدودي وبقى يعاين لي وعلامات الفرح والسعادة باينة على وشو بعدا باسني في جبيني وخدودي 😗مسكت يدو ورقدت في كتفو اخدت نفس وقلت ليهو..........
انا : خايفة اخسرك 😪صح انا بثق فيك اكتر من نفسي بس في خوف جواي خوف من إنو علاقتنا تفشل وتنتهي نهاية مأساوية 💔 بخاف من الخيانه
... قلت ليهو بحزن..........
انا : اوعدني انك مستحيل تكذب علي او تخوني 😰
... قال لي بفرح ......
حسام : خليكي مطمنة يا قلبي انا بوعدك اكون صادق معاكي ومستحيل اخونك حتى في افكاري إطمني حسام لبيان وبس لحدي ما ياخدو الموت 🙂
انا : ان شاءالله بعد عمر طويل 🙂
حسام : وياكي ❤️
... تاني قال لي .......
حسام : عارفه في اليوم الاعترفت ليكي ورفضيتني وعدت نفسي ما استسلم وكنت واثق إنو حيجي اليوم الحتبادليني فيهو الحب ونكون لبعض ومتفاهمين مع بعض ❤️ قربت افقد الامل بس انتي رجعتي لي الامل من جديد 🥰❤️بس حاسس نفسي في حلم خايف اصحا والقى بيان العنيدة البتكرهني شديد 😂للان ما مصدق إنك في حضني 🥰💑
... قرصتو شديد في يدو لمن نطا😂😂 وجريت بعيد منو قلت ليهو.......
انا : كدا صدقته 😂😂😂
... جرا وراي وقال لي ......
حسام : الليلة لو مسكتك ما حيحصل خير 😒
انا : لو مسكتني 😂😜
... بقينا نتجادع بالمساند لحدي ما تعبنا قعدت في الكرسي وقلت ليهو......
انا : انا بستسلم 😁
... قعد جنبي مسكني من خصري وقال لي ........
حسام : استسلامك مرفوض 😾
... قلت ليهو ببرائة........
انا : يعني حتاخد حقك معقولة 🥺
... ابتسم بخبث وقرب مني وقال لي ......
حسام : اكيد حأخد حقي بالكامل 😏
... عرفتو عاوز 💋🙊قلت ليهو بسرعة........
انا : لا لا ما الليلة 😲
... زح يدينو مني وقال لي بزعل.......
حسام : اذا لسه عاوزة زمن ما عندي مشكله 😕
... بوستو في خدو وقلت ليهو.......
انا : خليك صبور وما حتندم 🙃
... ابتسم وقال لي .......
حسام : صبرت كتير وما زلت صابر 🙂
... جهزت العشاء بعد اتعشينا حسام دخل مكتبو يشتغل وانا كنت مبسوطة شديد بفكر وبحلم بحياتنا مع بعض🤩❤ بالجد عمري ما فكرت احب او اتحب كنت بشوف الحب شي تافه شديد وبكرهو وبكره الرجال وبشوفهم كلهم خونة وكذابين رغم إني شفت زيجات ناجحه كثير بس دايما بخاف إنو زواجي يكون من الزيجات الفاشله والسيئه ولمن اتزوجت حسام عشان رضا اهلي وكنت بكرهو موت اشوف الشيطان وما اشوفو 🤣 وقتها إتأكدت من ظني وكنت بفكر متين حأطلق منو بس كل شي اتقلب 😇❤طريقة تعاملو اهتمامو وحبو وخوفو ونظراتو كل شي فيهو خلاني اتعلق فيهو بدون ما احس 💓💓💓شلت تلفوني واتصلت لشهد وحكيت ليها عن اعترافي طبعا كالعاده فرحت فرح شديد اتونست معاها كثييير وخططنا مع بعض ليوم بكرة لأنى دايرهو يكون يوم مميز وجميل مع حبيب القلب❤❤انتظرت الصباح بفارغ الصبر من اصبحنا قمت بدري جهزت الشاي والفطور سريع حسام بعد صحا جاء قال لي ........
حسام : صباحو حبيبي 💞
انا : صباحك نور
حسام : شنو الليله بدري كدا
انا : حبيت اهتم بزوجي 😊
حسام : من الصباح كلام يفتح النفس 🤤🥰
انا : يلا اشرب الشاي 😇
... بعد فطرنا وصلت حسام للباب وودعتو بعد فات قلت لرين ترتب البيت وتبخرو لبست عبايتي وسريع طلعت مشيت مع شهد لخبيرة عثل ودمها خفيف قلت ليها دايرة تجهيز كامل عملت لي عروكة و ماسكات عجيبة شي نورة وشي لمعان ... الخ بعدا رسمت لي رسمة كلمة فظيعة بسيطة عليهو رسمة عروس قلت ليها تكتب لي حرف H جوة الرسمة كتبتها لي صغيره وحلوة قالت لي "" عشان اتعب زوجك شوية 🤣"" بعد خلصت الرسم قعدت تتونس معاي وتوصيني وشهد شغالة لي تشغيلات🤣 بعدا كوت لي شعري قلت ليها ما عاوزة ميكب الزمن كان مغارب كدا قلت لشهد تمشي معاي الشقة حلفت ما تمشي معاي قالت لي "" ماشة اخلط مع راجلي حبيبي وانتي طيري لراجلك 😒 زمني معاك خلاص انتهى🙄 "" شاكلتها كويس واي واحدة فاتت بطريقها بعد وصلت الشقه من فتحت الباب سامعة صوت حسام شكلو في مكتبو بتكلم بالتلفون دخلت براحه بدون ما يحس بي مشيت غرفتنا اتدوشت واتعطرت من عطور العرس وعملت ميكب خفيف ولبست روب نوم غايتو شي كدا يا ساتر فوق الركبة بكثير ومخشلع 🙉 غايتو استحيت ما قدرت اطلع بيهو الا لبست توب بفوق 🤣 حسام جاء لقاني واقفه قدام المرايه جاء ضماني من ورا وقال لي .........
حسام : نصي الحلو قيل كيف 😻
انا : نصك الحلو يا كذاب نهائي ما سألت مني ولا عارفني قيلت في البيت ولا لا 😒😿
... ضحك وقال لي .......
حسام : خلاص قمنا للنفسنة 😅 عارفه صحبتك شهد ضربت لي وقالت لي انتي معاها عشان ما اخاف عليكي وقالت لي لازم ارجع بدري عشان ما اخليكي براك بعد الحصل معاكي رجعت بدري وانتظرتك بس جاني مكالمة شغل كنت شايفك لمن اتسحبتي زي الحرامي🤣🤣
انا : زح مني شرير كمان تضحك فيني 😒
... لفتني عليهو ومسكني من خصري وقال لي .......
حسام : بعيد عن دا كلو اصلا باين وين قضيتي يومك 😉عارفه القمر أصلا حلو ولمن يزينو ببقى احلى 😍
... كنت بحاول اعاين اي حاجه المهم ما اعاين ليهو قلت ليهو ...........
انا : حسام باب الغرفه فاتح ممكن رين تجي وتلقانا😿
... ضحك وقال لي .......
حسام : الليلة مافي زول بحلك مني رين فاتت بدري🤣
انا : طيب سامع اذان المغرب 😅😿
... ضحك وفكاني قال لي .......
حسام : نلتقي بعد الصلاة يا مزه 😉
... ما صدقت فات الصلاة 😪 بعد صليت خلطة عصير ختيتو في الثلاجه وقاعده اقطع سلطة فواكه حسام جاء ضماني لمن اتخلعت حاولت اتفكا منو حلف كان يفكني قلت ليهو..........
انا : حسام بطل حركاتك دي ياخ 😲😿
حسام : ما اضم مرتي حلالي وروح قلبي 😕❤️
انا : لا 😿
حسام : بس انا مشتاق لقلبي 😗
... بعد قال كدا باسني في خدي ولفتني عليهو حاولت اتفكا منو قال لي ...........
حسام : وريني الصراحه بتحبيني 😕 ؟
... بدون ما اعاين ليهو قلت ليهو........
انا : عندك شك في حبي 😞
حسام : طيب لي بتعملي كدا 🤔؟
انا : لاني بخاف وبخجل من الرومانسيات دي 😥
... ضحك شديد وفكاني قال لي ........
حسام : والله بحبك 🤣🥰
... بعدا مسك يدي وقال لي .......
حسام : تعالي معاي 🙂
... ساقني معاهو لحدي غرفتنا وقال لي ......
حسام : غمضي عيونك 🙃
انا : لي 😿
حسام : خليكي واثقه فيني غمضي عيونك وما تفتحيها الا انا اقول ليكي اوكي 🙃
انا : طيب 😿
... غمضت عيوني طوالي شالني قلت ليهو.......
انا : حسام؟؟
حسام : خلي عيونك مغمضه حأخطفك بس 🤣🤣
... مشا مسافة بسيطة حسيت بهواء في المكان بعدا نزلني وقعدني في كرسي قلت ليهو.........
انا : خلاص 😣
حسام: لسه بطلي استعجال
... بعد فترة قال لي .......
حسام : يلا فتحي عيونك 🙂 شايفة حبيت افاجئك بس انتي فاجأتيني 🤩
... فتحت عيوني شايفه شمعات مضوية عاينت كدا لقيتو مزين البلكونة ببالونات ملونة ومزين الطاوله بشموع وورود وخاتي العشاء ومعاهو عصير قلت ليهو.............
انا : واو رهيب 😍😻 شكرآ حبيبي❤️
حسام : عيدي اخر كلمه قلتيها 😲❤️
انا : حبيبي 🙈
حسام : قلبي ما حيتحمل كل الحب والجمال دا 🤤❤️
انا : خلينا ناكل جيعانه انا 😁
حسام : قاطعت اللحظات الجميلة 😒
... ضحكت فيهو🤣 قال لي .....
حسام : تضحكي يا شريرة 🤣
... بعد اتعشينا حسام قال لي بحزن ......
حسام : حبيبي عارف دا ما وقتو بس لازم اسافر لانو عندنا طلبيات من برة ولازم اشرف عليها يمكن اتأخر لشهر او اكتر بس ما تزعلي يا قلبي بعوضك بعد ارجع 😕
... اكيد زعلت كيف ما ازعل ونحن قبل يوم واحد بدينا بداية جديد مع بعض كيف يسافر ويخليني 😥💔 لمن شافني زعلانه قال لي ........
حسام : بيبو حبيبي لو السفر ما ضروري تتخيلي إني اخلي حبيبت قلبي وامشي اكيد لا بس مجبور 😕💔
... طبعآ الدموع في عيوني قلت ليهو.........
انا : ما ممكن اسافر معاك 🙁
حسام : انا بكون مشغول شديد وكل الوقت حتفضلي براكي وبعد الحصل هنا انا بقيت بخاف عليكي عشان كدا ما بقدر اخدك معاي😕
انا : طيب ممكن ترجع بدري 🥺
حسام : بحاول بس ما تزعلي 😐
... هزيت ليهو راسي وسكت لما لقاني زعلانه طلع تلفونو جاب فيديو مضحك شديد ابيت اضحك نهائي شغل اغنيه وبقى يغني مع الفنان صوتو فظيع هو قاصد يغني بصوت سيئ عشان اضحك وكمان جراني وقفني وبقى يلف بي لمن ضحكت تاني شغل اغنيه رومانسيةوبقى يغني بصوت حلو شديد😍.......
