.... ورجعنا من جديد والشوق سابقنا،عارفاكم ما اشتقتو لي 😂، 💟 يلا ارجعو اقرو البارت الاول عشان تفهمو الحاصل ونواصل 🤗❣️.......
# حب بعد الانفصال ❤💔(2)
انا : حسام ارجوك ما تقتلني😭ارجوووك
حسام : 😏 انتي الغلطانه كيف وافقتي تتزوجيني شكلك ما عرفتي الحصل لمها زوجتي الأولى 😏 بس ما مشكلة حتشوفي الحصل معاها تطبيقيآ😏 تعالي😡
انا : لا لا ارجوك 😭صدقني انا ما وافقت برضاي 😭
... جراني من شعري وضربني في الحيطه 😭 حسيت الدنيا دي دايرة بي 😵
ضربني بوكس حسيت فكي اتكسر 👊🏻اتكلمت معاهو بصعوبة
انا : انت... مستحيل ...تكون. انسان 😭
حسام : 😂😂😂 مين قال ليكي انا انسان 😂 انا بكره كل جنس حواء كلكم ،،وبقضي عليكم 😂😂 ولسه ما شفتي شي ✊🏻
... رفعني من الارض ولزاني في الحيطه وخنقني حسيت خلاص دي النهاية حتى عيوني ما قدرت افتحا بس فضلت احاول ازح ليهو يدو وهو خانقني بكل قوتو حتى نفس ما قادرة اتنفس 😭... بس حسيت بزول مسكني من يدي وجراني من حسام ختيت يدي في رقبتي وبقيت اتنفس بصعوبة فتحت عيوني لقيت نفسي في غرفتي وأمي واقفه قدامي 😮 قالت لي بخوف ........
ماما : بيان حلمتي بكابوس ولا شنو
... قلت ليها بخوف.....
انا : يعني انا كنت بحلم😐
ماما : لا دا كابوس عديل لانو وشك معرق رغم انو المكيف فاتح وكنتي بتتكلمي براكي
انا : كابوس لا لا انا حلمت بالشيطان شخصيا😈 😕
... ماما قالت لي بحيرة...
ماما : شيطان شنو يا مجنونه غايتو ربنا يحفظك يلا قومي استهدي بالله وصلي واكلي ليكي شي لانك من جيتي ما اكلتي
... قلت في راسي ‘‘ هو بابا خلى لي نفس عشان اكل‘‘ ورديت لماما قلت ليها.......
انا : لا انا ماشه لشهد
ماما : اكلي وامشي
انا : باكل بعدين
ماما : طيب حبيبتي قومي صلي واطردي الشيطان الفي مخك دا
انا : 😁حاضر يا نبع الحنان
....ماما طلعت وانا قمت وقفت قدام المرايا شفت وشي ورقبتي .يعني كلو كان حلم بس اذا في الحلم عمل فيني كدا 😨اكيد في الواقع حيقتلني😱 ياويلك يا بيان حتموتي بتلاته رصاصات بس🐸 دا كلو من بابا بس مستحيل اسامحو لازم انتقم منو 😎 بس اول شي لازم اتدوش🐸 جريت الحمام اتدوشت واتوضيت وصليت ولبست عبايتي وطرحتي و مشيت المطبخ شلت لي سكين 🔪 وطلعت برا لقيت عربية بابا واقفه 😏 طعنت اللستك بالسكين بكل قوتي وطلعت غضبي فيها بس العربيه طلعت صوت طوالي جريت بيت ناس شهد 🐸 ... طبعا شهد دي صديقتي روح بالروح وانتيمتي 🙂 ومجنونه ومشكلجيه شديد.. بيتم بعدينا بشارعين بس في الشارع القبل بيتم في ,,بوبي,, تعالو اعرفكم عليهو 😐 دا اخطر واسوأ كلب في حلتنا وانفو دا بشم من مسافة 10 متر 🐸 ياخ من تخت رجلك في بداية الشارع بطلع ليك حتى لو كان نايم جوا البيت 😢 وما بخليك الا يديك سكة ظابطه ويبهدلك ولازم يمرمطك ويطلع زيتك😭 عشان كدا انا ما بخاطر وبمشي بشارعو🐸 بمشي بالشارع الطويل 😂 اكتر حيوان بكرهو الكلب بخاف منو خوف تقول عندي فوبيا منو 😂 المهم مشيت سلمت لخالتو لقيت المجنونة دي نايمة ياخ الزمن ياداب المغارب النايمة ليها شنو😐 شلت كباية موية وكبيتو ليها في وشها😂قامت زي الشبح التقول قايمة من المقابر👻😂😂😂......
... قالت لي بغضب........
شهد : بيان😡 الف مرة قلت ليكي ما تصحيني كدا 😤
... حمرت ليها وقلت ليها ......
انا : نايمة زي البغل 😒 هسي دا زمن نوم😒
شهد : اختصري دايرة شنو عشان تقطعي وشك دايرة اكمل نومي😒
انا : دا طرد ولا شنو 😒
شهد : اي يلا طيري من وشي😒
انا : غلطانه انا ما كبيت فيكي جردل موية🐸
شهد : بيان 😒
انا : طيب خلينا في المهم عندي ليكي شمار ظاابط😍 ومعاهو خبر سئ😢
شهد : شمار😍 تعالي اقعدي بيبو حبيبتي 🐸
... طبعاً هي بتدلعني بيبو ودفعتي الفي الجامعة كلهم بقولو لي بيبو بسببها هي 😒المهم قلت ليها.......
انا : بقيت حبيبتك متين🐸
شهد : تعالي ياخ واول ابدي لي بالشمار بعداك نشوف الخبر السئ 😐
... المشكلة اني طبيعي لو مشيت بيتهم لازم اجوع حتى لو ماكلة 😂،، قلت ليها......
انا : اول شي انا جعانه عاوزة اكل 😐
شهد : بتعرفي شارع المطبخ ولا اوصف ليكي😒
انا : واي منك دمك خفيف خلاص😒
شهد : اتعلمت منك😏 يلا شمري لي بعداك طيري اتحشي 😒
انا : ابيت الا احرق ليكي دمك 😏 يلا طايرة اتحشي😛😛😛
شهد : بيان😤
... ولا اشتغلت بيها طوالي مشيت المطبخ ختيت الاكل وجيت قعدت قداما وباكل علي راحتي 😏 وهي الشمار حارقها 🐸 اللقمه باكلها في دقيقتين والله حسادة بس🐸😂 طبعآ قربت تجي تكشح لي الصفرة في وشي😂😂 بعد غظتها كويس خلصت اكل ورفعت الحاجات وجيت قعدت جنبها شايفاها قعدة على اعصابها 🐸
شهد : اها شمري ياخ😬
انا : رايك شنو اعمل كباية شاي😏
...مسكتني من يدي وقالت لي........
شهد : اقسم ولا خطوة من هنا 😒😬
انا : 😂😂 خلاص بسويهو بعدين 🐸
شهد : خلصيني ياخ😬
انا : محمد الليله قال لي كلام كتير عنك 😏
شهد : محمد 😍قال شنو 😻
انا : دائماً كان بلمح لي بحبو ليكي بس الليلة اعترف لي وقال بحبك ولازم تديهو فرصة 😥ياخ الولد مكسر فيكي بس انتي عاملة لي زي الراجل فاضية بس للمشاكل 😒
شهد : انا بحبو بس خايفة اثق فيهو ويخذلني 😥
انا : شهد حبيبتي انا بعرف محمد من سنين وانا بثق فيهو وصدقيني مستحيل تلقي زيو 🙂 كل السنين دي هو متمسك بحبو ليكي وما مستعد يتخلا عنك 🙂
شهد : انا بحبو بس خايفه شديد انتي عارفه الخيانه صعبه 😢
انا : اديهو فرصه عشان يثبت ليكي حبو عشان خاطري 😟
شهد : انتي عارفه اجابتي 😒
انا : شهد عشان خاطري ارجوكي😟 بس اتواصلو بالتلفون واتعرفو على بعض بليييييييز بليييييز😟😟😟
شهد : طيب حأديهو فرصه بس عشان خاطرك 😒 بس بشروط
""ما برسل ليهو صورتي.,, وما بطلع معاهو,, ولا يشوفني ولا اشوفو ,, وممنوع يتصل بعد الساعه 10 ليلآ "" تواصلنا حيكون دردشه واتس واتصالات عاديه فقط✋🏻
انا : 😒 عليك الله قولي ما دايراهو يتواصل معاكي وبس😒
شهد : بيكون افضل😒
انا : طيب حأكلمو بالشروط وهو الحيختار 😐
شهد : خلينا منو الخبر السئ شنو 😓
انا : ,, حكيت ليها كل شي ,,
شهد : جادة😱 يعني حتتزوجي المغرور😨
انا : لسه ما وافقت😟
شهد : بس حتوافقي لانك وعدتي ابوكي 😐 وغير كدا انتي رفضتي اولاد عمتك وعمك ورفضتي كتار شكلو دا قسمتك 😐
انا : قسمة 😬 شهد انتي اكتر واحدة عارفاني بكرهو قدر شنو 😓
شهد : احم وما بعد الكره الا الحب 😉
انا : انا جاياك تخففي عني تقومي تزيدي الطين بله 😒
شهد : بس صراحه الولد قرض 🤤 ووسيم ومعضل لو اتلفت تحسي بيهو سلمان خان 🤤 لا ياخ شاروخان 🤤 لا لا هريثيك لا ياخ 😍 ( جيبو لي شحاطة 🐸)
انا : شهد 😒😬 النبي انتي بتحبي محمد ولا حسام 😒 وريني عشان احسم الفوضى 😒👊🏻
شهد : محمد دا الحوووب والقلب 😻❤ اما حسام دا حقك😉
انا : شهد😤
شهد : بيان 😬بعرف انك بتكرهيهو شديد بس انتي ما عارفه الحصل ليهو مع زوجتو الأولى لحدي ما بقا شخص قاسي كدا😢وغير كدا انتي لازم تفهميهو وتتعرفي عليهو اكتر 😉
انا : كل الناس بتعرف الحصل لانو كل الصحف اتكلمت عن قصتو 😡 حسام واحد مريض نفسي 😡 ومها المسكينه ضربا بدون اي رحمة 😢 في راجل عاقل بضرب مرتو ليلة العرس 😒😤 بس انا مستحيل اسمح ليهو يعمل فيني كدا 😤 وما عاوزة افهمو ولا يفهمني 😬
شهد : ما تنسي انو دي اقوال مها وبس اما حسام فقال انو هو ما متذكر الحصل حتى هو كان متفاجئ بالحصل 😒
انا : ودا دليل اكبر على كلامي 😒حسام واحد مجنووون 😶
شهد : طيب هسي انتي حتوافقي بيهو ولا لا 😐
انا : لازم اقابلو واتكلم معاهو وحأخليهو هو اليرفض الزواج😏😢
شهد : بيان😒عاوزة تعملي شنو للولد 😒
انا : ولا شي 😁 يلا ماشه بيتنا🙂
شهد : ان شاء الله تلاقي بوبي يسكك للبيت😏
انا : حرام عليكي 😭 هسي الزمن اتأخر إلا امشي بشارعو 😭 قدميني ياخ😟
شهد : بري ما بقدمك دايرة اكمل نومي 😴
انا : اصلا ما عندك فايدة 😒 بكلم شادي يوصلني للبيت 😛
شهد : شادي فات الكورة😛 يلا اتحملي نتيجة شماراتك😛😛😛
انا : كويس يا حسودة يوم تجيني الا ارميكي في وش بوبي😒😒😒
شهد : 😴😴😴
انا : 😒😒😒
شهد : 😏😴😴😴
... كريهة ولا ردت لي زاتو غايتو اتوكلت وطلعت لحدي ما اصل لفت بوبي تعالو اعرفكم بشهد حبيبتي ورفاف قلبي واقرب صديقه واخت 🐸 ,, شهد محمد عمرها 24 سنه اي ابوها اسمو محمد دارسة محاسبة زي ، اقرب واعز صديقه على قلبي ودرسنا من الطفوله للجامعه مع بعض عندها اخوين الكبير شادي 29 سنة ياخ ولد يتخت في الجرح يبرا 🤤 وسيم واخلاقو عسل😍 دائماً بوصلني للبيت ود اهم شي لانو بحميني من بوبي 😂😂 لو ما كنت بكره الاولاد كان اتزوجتو 🤤 واخوها الصغير شريف قدر اخوي باسل وهم اصدقاء شديد واشرار زي بعض 😒😻 وامها اسمها بلسم مرة عسل ودمها خفيف 🤤😻 اما محمد الاتكلمنا عنو دا صديقي شديد عمرو 28 سنة واتعرف على شهد في تخريجنا وبعدا اتلاقينا كتير مع بعض 🐸 ومن وقتها قداني بيها وهي نهائي ما عاوزة تدي فرصه رغم انها بتحبو بس شهد ما بتثق في زول بسهولة وهسي اخيرآ بعد ثلاثه سنين من التعب والمعيط ادتو فرصه وبشروط كمان🐸 "" المهم تعالو وصلت شارع بوبي😨 والله ما خليت آيه ما قريتها, المعوذتين وإية الكرسي والاخلاص ويس, وانا لسه خطوة ما اخدتها وبعد قريت جيت ماشه براحه صوت نفسي ما بتسمع 😂 بس شوفو القدر جاء بتاع عربيه ماشي بسرعه 200 كيلو متر غايتو ما شفت الا غبارو 🐸 قعدت انبذ فيهو لانو غبرني ونسيت انو انا واقفه جمب البيت الفيهو بوبي😨 الساعه الاسمع ليك 🐕هو هو هو 😨😱ولا اتلفت للصوت رفعت عبايتي فوق و فحطت بسرعة 100 كيلو متر بالدقيقة🐸🏃🏻♀🏃🏻♀ حتى بوبي زاتو اتخلع 😂😂 بعد طلعت من شارعو لسه جارية وبتلفت وراي🐸 اي دخلت في صدمة وقلبي دا شغال زي دلوكة انصاف ما صدقت لمن وصلتا البيت بقيت اشوف طشاش طشاش وقعت جمب الباب بدون اي مقدمات 😵😵 غايتو سامعه ابوي وعمو احمد ومعاهم زول تاني جو جارين علي 😅😅😅
///////////////////////////////////////////////////////////
يتبع...........
