# حب بعد الانفصال❤💔 (34)
❤"لأنك جئت في الوقت الَّذي كنت أرفضُ فيهِ الحبّ، أحببتكَ أكثَر .." ❤
... وقلت ليهو توصل بالسلامة 🥺❤️ بعدا رجعت البيت وهو فات 💔 بعد دخلت البيت قعدت افكر في حسام باسل جاء غرفتي عاين لي كويس وقال لي .........
باسل : هي المنفسنة مالك قال 🐸
... حمرت ليهو وقلت ليهو ........
انا : مالي 😒
... قال لي .........
باسل : لو عارف إنو العرس بعقلك كدا كان من زمان قلت لأبوي يعرس ليكي 🐸🤣
.... اديتو لبعة في ضهرو وقلت ليهو.......
انا : طير من وشي 😒
باسل : كسرتي لي ضهري ياخ هسي بتصل لراجلك دا يجي يخمك😐🐸
انا : باسل 😒
باسل : خلاص طاير 😢 غايتو الجن ولا النفسيات 🐸
... بعد طلع شلت تلفوني عاوزة اتصل لحسام هو دق لي رديت ليهو قلت ليهو..........
انا : وصلت المطار ؟؟
حسام : قربت اصل
انا : طيب انا كم مرة قلت ليك ما تتكلم وانت سايق 😒
حسام : معليش حبيبي بس كنت بتكلم بالسماعات ونسيتها في الشقة
انا : طيب اقفل الخط وبعد تصل طمني عليك 😢
حسام : حاضر ❣️
انا : باي 💔
حسام : حبيبي
انا : نعم 😐
حسام : بحبك ❤️ وخلي بالك من نفسك
انا : حاضر بحبك 💓
... قفلت الخط وابتسمت بفرح 😃باسل جاء داخل عاين لي وقال ..........
باسل : متأكدة انك كويسه 🐸
... قلت ليهو بابتسامة..........
انا : سولي حبيب قلبي امشي جيب لينا اندومي عشان نظبطو نفسي في اندومي 😋
... قال لي ......
باسل : اول مرة تقولي كلام سمح 😋
... طلع سريع جاب كم كيس اندومي ظبطناهو واكلنا بعدا مشيت لشهد قعدت اتونس معاها فترة بعدا رجعت البيت وبقيت منتظرة اتصال من حسام عشان اطمن عليهو بعد وصل اتصل وطمني عليهو بقينا نتونس لفترة مع بعض بالتلفون بعد يومين كنت بتونس معاهو وصوتو ما عاجبني بس ما حبيت اسألو بس هو بادر وقال لي من جيت تركيا لقيت رزان هنا وقالت جات عرس صحبتها طبعآ انفصمت فيهو قلت ليهو انت من البدايه عارف انها ماشة هناك وما كلمتني 😡😤 قال لي ما كنت بعرف انها جاية هنا وإنو ما كلمتك وهو كمان اتفاجأة بيها كنت عارفه انو هو صادق قلت ليهو ما مشكلة بس خليك بعيد منها قال لي اصلا حأكون مشغول وما فاضي قلت ليهو تمام المهم بعد سفر حسام بفترة بسيطة جانا رمضان شهر الصوم والغفران بقيت مرات مع شهد ومرات مع خالتو نعمات وفارس ومرات مع خالتو فاطمة يعني بقيت متنقلة بس اكتر شي بكون مع شهد حبيبت قلبي لانها عروس وكدا قضينا الزمن كلو مشغولين بحاجات العروس وخالتو نعمات بعد البناء انتهى وشطبو البيت رحلو هناك وعملو كرامة للبيت عشاء ظريف كدا واتعرفت فيهو على اصدقاء بابا عمو احمد وعبدالمنعم وأسرة عمو احمد ❣️رمضان احلوة اكتر واكتر مع العزومات والطلعات واجمل شي فيهو العبادة والأدعية في الثلث الأخير من الليل❤️(كترو من قراءة القرآن والدعوات يا جماعة لانها ايام معدودات 😇🤲 ) الايام الاخيرة في رمضان كنت بتعب شديد واصرو لي افحص لمن فحصت كان احلى خبر عرفت إني حامل عندي شهر وحاجة كنت فرحانة شديد ❤️❤️❤️وكان احلى خبر ❤️❤️❤️ الدكتوره قالت لي لازم ترتاحي وبعد الرمضان يخلص تعالي مع زوجك قلت ليها تمام شددت على قالت لي لازم تجي بعد العيد طوالي عندك فحوصات لازم تستلمي نتيجتها مع زوجك واهم شي الراحه والحركة الكتيرة ممنوعه قلت ليها حاضر 🙂ما كلمت زول لاني عارفاهم حيقتلوني بالوصايا ومستحيل يخلوني اكمل باقي رمضان او احضر عرس شهد بمزاج 😎المهم الرمضان انتهى برحمتو وخيرو وجانا عيد الفطر صباح العيد اول شخص اتصل لي حبيبي حسام ومتصل فديو رديت بفرح قال لي .........
حسام : صباح العيد يا عيدي وكل سنة وانا وانتي مع بعض ولبعض والسنه الجايه ان شاءالله ببنوتة قطعه منك وتشبهك يا عمري انا ❤️💜
... قربت اقول ليهو حبيبتنا جاية في الطريق بس حابة اوريهو فيس تو فيس واشوف تعابير وشو وفرحتو قدامي قلت ليهو بفرح......
انا : وانت عيدي وسندي وحبيبي الغالي ❤️
حسام : عارفه احلى شي دا عيدنا الاول مع بعض❤️ واسوأ شي في العيد دا اننا بعيدين عن بعض 💔
انا : انت قلت شهر وحاجة مرة شهر واسبوع وكم يوم ما خلاص 🥺💔
حسام : حبيبي انا بعد في الدقايق والثواني عشان ارجع بس هانت ما فضل الكثير
انا : طيب يعني حتحضر عرس شهد ومحمد
حسام : للاسف لا خامس يوم في العيد صعب شوية ممكن اسبوعين كدا وبرجع 😐
... اتنهدت وقلت ليهو بحزن........
انا : طيب
حسام : خلاص قمنا للدبرسة والزعل عارفه لو ما مجبور ما كان بعدت عنك ولو يوم بطلي زعل😐 اشتقت ليكي🥺😍❤️
انا : انا اشتقت ليك اكتر 🥺❤️
حسام : ربي ما يحرمني منك ❤️حابب اتكلم معاكي في موضوع مهم وحساس شوية بس بعد ارجع😓💔
انا : لو مهم شديد ممكن تحكي هسي 😇
حسام :لا بعد ارجع 🙂
انا : ان شاء الله 💜 وانا كمان عندي ليك مفاجأة 😁
حسام : مفاجأة 🤩اها شنو ؟
انا : بعد ترجع 😎
حسام : شوقتيني🤔😄
انا : ما تحاول تفكر لانك ما حتعرف المفاجأة الجهزتها ليك الا بعد ترجع 😃
حسام : حأجهز معنوياتي 😅
... اتونست معاهو شوية وقفلت قضيت اول يوم كلو لف طبعآ خالتو فاطمة وماما شكو فيني وقبضوني كلمتهم فرحو فرح فظيع 😅❤️قلت ليهم ما يكلمو حسام وما يكلمو اي زول بس قبل المساء يجي كلموهم وكلهم جو يباركو والما جاء اتصل ومبسوطين شديد 😅🤣❤️بس ما كلمو حسام قالو لي كلميهو طبعا الفرحة ما شايلاهم 🤩❤️😄❣️ وشهد ضمتني وقالت لي ما مصدقه اني حأبقة خالة 😭❤️ تاني يوم بقينا في تجهيزات حنة شهد لأنو ثالث يوم في العيد كان حنة شهد ومحمد اي في نفس اليوم حنة شهد نهارية انتهت العشاء وبدت حنة محمد من العشاء للساعة 11 بليل ياخ ربينا رب💃💃 من حنة شهد خلصت طوالي مشينا حنة محمد كان يوم ولا احلى وصورت لحسام فيديو مباشر كأنو حضر الحفلتين وطبعا اي خطوة بوصايا اخلص من واحد يظهر التاني حتى في شبط الحفله حلفو لي ما البس كعب ولو سنتي بعد نقة لبست شبط واطي وطبعا الرقيص في الحفلة لاكتر من 10 دقايق ممنوع اقعدي وارتاحي وما تتعبي حتى الاشغال الخفيفة ممنوعه يعني ما خلوني اشتغل ولا شي 😢😅 يعني اهتمام زايد عن اللزوم حتى يوم عرس شهد وقفو لي في حلقي وشهد حلفت الا امشي معاها الخبيرة من الصباح قلت ليها تمشي وانا بلحقها بس حلفت قالت لي ما بطمن على بتي معاكي قلت ليها معفنه عليك الله شيليها من بطني قالت لي انتي شيليها ال9 شهور بعدا حتبقى حقتي 😎❤️ ضحكت وقلت ليها مجنونة شلت حاجاتي ومشيت معاها شكلها وصت الخبيرة علي لانها شغالة لي ارتاحي واشربي دا واكلي دا 😅المساء بعد اتجهزنا محمد جاء لابس بدلة ومع الهلال والحنة يسوي كدا 👌 وشهد مع الفستان الابيض والميكب طلعت كلمة عثثثثثل بسيطة عليها👋😎👰🤵 محمد باسها في راسها وحصنها بعدا ركبو العربية كنت مبسوطة ليهم شديد بس فاقده حسام وإتمنيت لو كان معاي 😓💔 بعد وصلنا الصالة دخلو بأغنية زفه حلوة شديد وماسكين ايدين بعض شي كدا قمة الروعة 😎👌لايقين لبعض❤️ بعدا اغنيه الإسلو بعد خلصت كلنا بقينا نرقص مع بعض جو فهد ورائد وآية دخلو معاي شوية وجاء فارس طبعآ جنو ربات بقينا نرقص انا وهو شوية شوية الحفلة بدت تحلى اكتر 💃آية جرتني من نص الناس طلعتني وقعدتني في الكرسي وقالت لي " ناسية انك ما براكي 😒" حمرت ليها قالت " لي ممنوع الرقيص " قلت ليها " دا شبط واطي تم ثانيا دا عرس اختي واقرب صديق لي فشنو طيري من وشي 😒👋" قالت لي " ما حاسة بتعب " قلت ليها " نوهائي😎 " قالت لي تمام قعدنا شوية ورجعنا ربيناها بعدا طوالي حسيت بمغص جري دخلت الحمام استفرغت الاكل الاكلتو كلو🤢🤮 قعدت شوية وطلعت لقيت آية منتظراني بره الحمام قالت لي كيفك قلت ليها بهزار بت اخوكي خلاص بدت تشاغب 🙂 ضحكت قالت لي خلينا نرجع البيت عشان ترتاحي 😢 قلت ليها لا ما فضل شي غير الجرتق خليني اودع شهد بعدا حأرجع ارتاح 😢💔 بعدا طلعنا قعدنا اثناء ما بجهزو حاجات الجرتق طلعت برا الصالة لأني حاسة بنفسي مخنوقة قلت اطلع اشم لي هوا وقفت برا شوية كدا سمعت صوت رجلين وراي اتلفت بسرعة اتصدمت لمن لقيتو مروان قال لي بابتسامة..........
مروان : كالعادة جميله وانيقه وراقية 😍
... اصلا انا زهجانة ما ناقصني مروان قلت ليهو بتكشيرة ........
انا : مروان ما فاضية لتفاهتك دي من الآخر عاوز شنو 😬😑
... ابتسم وقال لي ..........
مروان : عنيدة ومغرورة وقوية ديل اكتر صفات بحبهم فيكي 🙃
... اخدت نفس عميق وربعت يديني واتلفت منو فجأه جاء وقف قدامي وركع في الارض اتخلعت وبقيت اعاين ليهو طلع خاتم من جيبو ومداهو لي وقال .................
مروان : بيان انا بحبك ومستعد اتغير للأفضل عشانك ومعاك وبتمنى تقبليني اكون زوجك على سنة الله ورسوله 🙂💍💝
... ما عرفت ارد ليهو كيف خشمي اتربط من الصدمة بس رجعت لوراء كم خطوة 😨😱قربت اقع بس سندت نفسي قبل ما اقع اخدت نفس وقلت ليهو...............
انا : مروان انت مجنون ولا عاوز تجن 😑 كيف يعني عاوز تتزوجني عقد الزواج العندي ليهو دا ما عاجبك ولا الزول الملبسني الدبلة دي ما مالي عينك 💍😬
... قاطعني وقال لي ..........
مروان : بس انا سمعت إنو زواجك انتي وحسام....
... قلت ليهو بغضب.........
انا : إياك تحكي كلمة عن زواجنا 😑☝🏻ما بحب اي شخص يتدخل بينا بعيد عن مفهومك الخاطئ عن زواجنا في نقطة لازم تفهما اذا انت عدو لحسام فأنا بكون حبيبتو واذا انت بتكرهو فأنا بحبو 😤❤️ واكيد ما بسمح لاي شخص يفرق بيناتنا واي كلام سمعتو عن علاقتنا فهو مجرد كلام فارغ 😬 الأفضل تحترم نفسك واحترم مكانة ابوك عشان ما يحصل مشكلة بينك وبين حسام 😑وبتمنى ما اشوف وشك تاني 😤
....وقف ووشو ما بتفسر طبعآ هو متفاجئ نهائي ما رد لي ساكت ساي وبعاين لي قلت ليهو...........
انا : بعيد عن كرهك لحسام كان تفكر في الدين ولو مرة لأنو الرسول صلى الله عليه وسلم قال " ولا يخطب الرجل على خطبة اخيه حتى ينكح او يترك " يعني محرم على الرجل يخطب واحدة مخطوبه فكيف لمن تكون متزوجة 😬 للأسف اتباعك للحرام وطريق الفاحشة بعدك شديد عن الحلال وطريق الحق والدين😑عارف انا ما زعلانه منك بالعكس زعلانه عليك بس الله يهديك وينور بصيرتك 😓🚶🏻♀️
... رجعت دخلت خليتو واقف في مكانو لقيت الجرتق خلاص بدا بعد خلصو وجاء زمن الوداع طبعآ اصعب شي اودع اختي وصحبتي وصديقتي وحبيبتي بكيت بكا ما بكيتو حتى زمن اتزوجت حسام بالغصب 😭😭😭😭 وشهد بتحاول تهديني وهي ميته من البكاء غايتو فرقونا بالعافيه 😭😭😭💔💔💔💔😭💔 بعدا فاتت حسيت إنو شي غالي اتشال مني بس دي سنه الحياه 😓💔 شهد بعد وصلت المطار اتصلت ودعتني وقالت لي خلي بالك من بتي وسافرت بعد رجعت البيت من التعب نمت بدون ما احس 😴😴 ... عند مروان بعد شاكلتو وخليتو بقى يمشي ويجي بعدا طلع تلفونو اتصل لرزان من فتحت الخط قال ليها بغضب..........
مروان : كيف إتجرأتي تكذبي علي 😡 قلتي لي حسام وبيان بكرهو بعض واتزوجو عشان اهلهم بس القالتو لي بيان عكس الكلام دا 😡😡😡😡
... ضحكت رزان وقالت ليهو.........
رزان : اكيد ما حتعترف بالحقيقه بس انت عملت شنو لبيان شكلك زعلتها ؟؟
... مروان حكى ليها الحصل ردت ليهو بإستهتار قالت ليهو........
رزان : انت متخلف اكيد عندها حق تكذب عليك وترفضك 🙄 بس اصبر هانت يا صحبي انا حأضرب الضربة القاضية الحتخلي حسام وبيان يتطلقو وينفصلو 💔 ويبقى حسام لي وبيان ليك 😏😏😏
مروان : رزان انا دعمتك واتفقت معاكي لأنك قلتي لي إنو علاقة حسام وبيان كلها غلط في غلط بس اذا طلع غير كدا حسابك معاي حيكون عسير 😬
... قالت بفرح........
رزان : ميرو يا قلبي خت رجلينك بموية باردة واستكين حسام وبيان بيفتشو فرصه عشان يطلقو بدون ما يأذو أهاليهم ونحن حنديهم الفرصة دي وبس يعني نحن ما غلطانين اوكي 😇
مروان : طيب خطتك شنو 🤔؟
رزان : ميرو اسبوع بالكثير والكل حيعرفو خطتي الحلوة بس خليني استمتع بأجواء تركيا الجميلة بعد ارجع خطتي حتولع العلاقات كلها ما علاقة حسام وبيان بس 😏😏😏
مروان : المهم إنو بيان ما تتأذى لأنو لو اتأذت مستحيل ارحمك 😬
رزان : ما تخاف يا روميو جوليت ما حتتأذى 😒
... رزان بعد قفلت الخط ابتسمت بخبث وقالت .......
رزان : بيان حبيبتي اسفة على الحأعملو فيكي بس زي ما قالو كل شي مباح في الحب والحرب 😏😏😏
.... يتبع 🍁.........
سلام عليكم يا حلوين رمضان كريم تصوموا وتفطروا على خير ان شاءالله😇🤲 معليش على الخيبة الطويلة دي بس الضغوطات كثيرة وغصبا عني😢 وشكرا للسألو عني عشان يطمنو علي ❤❤😘❤️ كالعاده طبعآ رايكم شنو في البارت ؟؟؟ وخطة رزان حتكون شنو ؟؟؟💥
