#حب بعد الانفصال❤💔 (18)
... اما مروان بعد طلع وقف جمب العمارة وقال بابتسامة.........
مروان : منتظر بفارغ الصبر عشان اتعرف عليكي واكيد حتبقي لي انا وبس 😏❤️
... بعد تم كلامو قعد في عربيتو وبقا يراقب العمارة وفي قلبو بتمنى إنو يشوفني مرة تانية ، اما انا بعد رجعت الشقة كنت منتظرة حسام عشان اوريهو نجوم النهار لأنو أتدخل في حياتي وكمان هددني😬سمعت صوت الجرس قلت اكيد سيد مغرور نسى المفتاح 😒مشيت فتحت الباب بغضب بس اشوف ريم قدامي قلت ليها.........
انا : اهلا ريم اتفضلي
... شكلها متوترة دخلت وقالت لي.......
ريم : كيفك بيان عاوزة مساعدتك ضروري بكرة عندنا رحلة وكلفوني اعمل ليهم حلويات بس للاسف انا كيكة الشاي مرات بحرقها 😟💔
... طبعاً ضحكتني قلت ليها.......
انا : ولا يهمك حبيبة 😂 انا بساعدك أوكي
... حضنتني وقالت بفرح........
ريم : شكراً بيان 😘
انا : عفواً 😘حأكتب ليكي المكونات انتي جيبيهم وبعدين نعملها مع بعض
ريم : حلوو 🙂
... كتبت ليها المكونات واديتها الورقة بعدا فاتت بس بعد طلعت اتذكرت إني نسيت ما كتبت القشطة لبست عبايتي سريع وجريت بيتهم خالتو قالت لي طلعت جري نزلت لقيتها جمب الظلط لحقتها وقفتها وذكرتها بالقشطة مروان لمن شافنا طوالي اتصل لهنادي بسرعه وقال ليها تشوف تحت ولحدي ما هنادي تطلع البلكونة وتشوف تحت انا دخلت وهي شافت ريم طوالي فهمت إنو مروان كان قاصد ريم اتصلت ليهو من فتح الخط قال ليها .............
مروان : اها شفتيها كانت لابسه عباية وطرحة سوداء
... المشكلة إنو انا وريم الاثنين لابسين عبايات والطرح نفس اللون 😸 عشان كدا مدام هنادي قالت ليهو...........
هنادي : شفتها وحأجمع ليك كل المعلومات عنها
مروان : عاوز اعرف كل شي عنها بأقرب وقت
... بعد تم كلامو طوالي قفل الخط واتحرك فات ، انا بعد طلعت الشقة اتصلت لناس بيتنا بقيت اتونس معاهم بعدا اتصلت لعمو أحمد وخالتو وشاكلت آية 😒المهم بعد فترة حسام جاء طبعاً من سمعت صوت الباب بفتح عرفتو هو طوالي مشيت وقفت ليهو في الصالة وربعت يديني اي دلالة على الغضب 😒لمن دخل ولقاني واقفة ليهو بغضب عاين لي وابتسم 🌝 قلت ليهو بغضب ...........
انا : ان شاء الله مشيت بيتنا قبل ما تجي هنا 😒
... قفل الباب وجاء وقف قدامي ولسه بتبسم قال لي بثقة...........
حسام : ما مشيت لأني واثق إنك فضلتي هنا وسمعتي كلام زوجك 🌝
... أصلاً انا مغيوظة منو وابتسامتو دي بتغيظني اكتر مسكتو من لياقة قميصو وقلت ليهو بغضب .......
انا : كيييف اتجرأت تهددني 😬
... تاني ابتسم وفكا يديني من اللياقة وفضل ماسك يديني وقال لي.............
حسام : لأنو زوجة عنيدة ومتسرعة زيك ما بنفع معاها التعامل الراقي بنفع معاها التهديد بس 🌝
... فكيت يديني منو وقلت ليهو بغضب.........
انا : حساااام 😬
... قال لي بجدية......
حسام : لو ما قاطعتيني وقفلتي الخط ما كان حصل دا كلو
انا : انت غضبتني لأنك رفضت لي امشي لا وهددتني كمان 😒
حسام : كان لازم تعرفي إنو في سبب للرفض دا
انا : واللي هو ؟
... قعد في الكرسي وفتح الزرة الأولي في قميصو وقال لي........
حسام : بكرة عندنا عشاء عمل
... قلت ليهو بغيظ......
انا : وانا الدخلني شنو 😒
حسام : اي واحد فينا حيجيب زوجتو معاهو عشان نتعرف على بعض اكتر ونتعشى مع بعض بعدا نحن حنكمل اجتماعنا وانتو النساء حتدردشو مع بعض وتتعرفو على بعض لحدي ما نخلص
... طبعاً من قال عشاء عمل فكرت في الملل الحيكون موجود قلت ليهو ...........
انا : يعني ضروري امشي معاك 😅
... قال لي بحزن........
حسام : كل واحد حيكون مع زوجتو وانا كنت حابي إنك تكوني معاي يعني كأي زوجين بس اذا ما حابه على راحتك طبعاً 😇
... بعد كلامو دا وافقت غصبا عني لأنو حيزعل لو رفضت ، يعني كلها عشاء واكيد حأتعرف على باقي زوجات رجال الأعمال وحأستمتع بوقتي عشان كدا قلت ليهو............
انا : أوكي أوكي
حسام : يعني حتكوني معاي 😀
انا : ايوا
حسام : حلو شكراً
... قلت ليهو ......
انا : بس حتى لو مشيت مع شهد كان عادي امشي معاك العشاء من بيتنا
حسام : صح بس لازم تاخدي راحتك مع أهلك كلها يومين وترجعي وما حابي اضايقك باي شي في اليومين دي
... حسام دائماً بفكر بطريقة منطقية بس انا دائماً ما بديهو فرصة وبشاكلو بدون ما اعرف وجهة نظرو عشان كدا قلت ليهو........
انا : حسام اسفه لأني عصبت فيك وقفلت الخط وما خليتك تكمل كلامك 😕
... ابتسم وقال لي........
حسام : ولا يهمك انا اتعودت على تصرفاتك وجنونك واستعجالك وعصبيتك 😇
انا : 😒بلا بلا بلا 😒
... ضحك وقال لي..........
حسام : بلا بلا بلا دي بقولها دراكولا 🌚
... قعدت جنبو وقلت ليهو ........
انا : ما كنت بعرف إنو السيد مغرور بحضر افلام أطفال 🌝
حسام : حضرتو في mbc2 يعني ما للأطفال 🌚
انا : ما كنت بعرف إنك بتحضر افلام كرتون 🌝
... قال لي بحزن........
حسام : في حاجات كثيرة إنتي ما بتعرفيها عني 🌚😇
انا : زي شنو ؟🙄
حسام : أشياء بسيطة مثلا لوني المفضل ؟مكاني المفضل ؟الأشياء البحبها او البكرها.... الخ
... قلت ليهو بسخرية...........
انا : على أساس إنك بتعرف شي عني 😒
... قال لي بثقة.........
حسام : بعرف كل شي عنك 🌝
انا : كذااب 🙄
... بعد قلت ليهو كدا عاين لي بثقة وقال........
حسام : بتحبي اللونين الأسود والأبيض ،، بتحبي الأسود🖤 لانو برمز للقوة ، اما الأبيض🤍 لانو برمز للسلام والطمأنينة ، بتكرهي اللون الرمادي لانو برمز للكآبة ❣️، اصدقائك المفضلين هم محمد وشهد وفارس بس فارس وشهد مقربين ليك اكثر ، مكانك المفضل هو البحر ، بتحبي الهدوء والمطر والروايات الرومانسية اما الافلام بتحبي الاكشن والكوميديا وأفلام الكرتون وبتحبي مساعدة الناس ، بتكرهي الخيانة والكذب والخداع والإستقلال واكثر شي بتكرهي شخص يتحكم فيكي او يتدخل في حياتك الخاصة ، بتخافي من كل الحشرات والحيوانات 😂بس اكتر حيوان بتخافي منو هو الكلب 🌚 ، وأخيراً بتكرهي الرجال وبتخافي من الحب 🌚
... كنت بعاين ليهو بصدمة وما عرفت ارد عليهو 😨😨😨 لمن شافني مصدومة ابتسم وقال لي..............
حسام : دي حاجات بسيطة بس انا بعرف كل شي عنك وإذا حابة ممكن أتكلم عنك اكتر 😎
... قلت ليهو بصدمة 😨.......
انا : انت انت عرفت الحاجات دي من وين 😨
... عاين لي في عيوني مسافة وقال لي..........
حسام : الشهور العشناها مع بعض خلتني أعرف حاجات كثيرة عنك 😻
... قلت ليهو بثقة..........
انا : كذاب اذا عرفت الحاجات دي عني طيب لي انا ما بعرف كل الحاجات دي عنك 😕
... قال لي بعتاب........
حسام : لأنك بتهميني بس يمكن انا ما بهمك
انا : لا اكيد انت بتهمني لأنك صديقي
... ابتسم وحرك راسو كأنو بينفي كلامي بعدا فات على غرفتو وقال لي..........
حسام : بس إنتي ما صديقتي 🌚
... لحقتو جمب باب غرفتو واتذكرت كلام شهد قلت لازم اسألو اذا هو ما بعتبرني صديقتو معناتو إما بحبني او بكرهني ؟ قلت ليهو..........
انا : قصدك شنو 😯انا لو ما صديقتك بكون شنو طيب ؟؟؟
... دخل غرفتو وقال لي.........
حسام : ولا شي 🙂
... لمن قال ولا شي زعلني يعني حتى لو بكرهني ممكن يعتبرني زي اختو 😤 قلت ليهو بغيظ.........
انا : كيف يعني ولا شي
حسام : يعني No thing
... طوالي قفل الباب اتخيلو بس انا خاتاهو مكان صديق وهو شايفني ولا شي كلامو غضبني بقيت ادق الباب واقول ليهو.........
انا : حسام قصدك شنو يعني انا ولا شي بحياتك😡 حساااام مصيرك تفتح الباب وقتها حتفهمني كيف يعني ولا شي 😡
... انا غضبانة وهو ولا تعب نفسو عشان يرد لي بس شغال يبتسم بعد خلصت كلامي مشيت غرفتي ولسة زعلانة بس دا ما سبب يخليني ازعل يعني شنو لو هو ما بعتبرني صديقتو عاادي 😕 ايوا مافي شي بخليني أزعل 😕قعدت شوية الجرس رنة انا وحسام طلعنا من غرفنا في نفس الوقت عشان نفتح الباب والاثنين وقفنا حسام عاين لي طوالي حمرت ليهو 😒 رين جات طالعه من المطبخ وقالت لينا هي اصلا ماشة حتفتح الباب معاها وتطلع ، رين بعد فتحت الباب وفضلت ريم فاتت كنت بعاين لحسام بغيظ لمن سمعت صوت ريم بتسلم على حسام بعد سلمت بقا يسألها عن امها واخوانها المهم كل اسرتها مشيت شلت معاها الحاجات وقلت ليها.............
انا : يلا ريم خلينا نستعجل ما عندنا زمن للونسة 😒
... بعد قلت ليها كدا عاينت لحسام 😒 ومشينا المطبخ جهزنا الحاجات وبدينا نعمل الحلويات عملنا بسبوسة وكنافة وبدينا نعمل في نوع تاني من الحلويات ومندمجين في الونسة ريم حكت لي عن الجامعة والمواقف المضحكة الحصلت معاها امها اتصلت ليها عشان تنزل لانو جاتها واحدة من صحباتها قلت ليها تمشي بس قالت إلا تساعدني نخلص بعدا بتنزل بعد خلصنا ودخلنا الفرن بعدا ريم قالت لي........
ريم : انا بعد دا لازم امشي
انا : أوكي
... أثناء ما ريم بتلبس توبا حسام جاء دقا بابا المطبخ ريم لبست توبا سريع وقالت ليهو........
ريم : اتفضل
... بعد قالت ليهو كدا طوالي طلعت فاتت حسام من دخل شال قطعة من البسبوسة اكلا وبعدا شال قطعة من الكنافة وقال لي..........
حسام : اممم ريحتها حلوووة 😋وطعمها احلا 🤤
... قلت ليهو بغيظ.......
انا : مسموح ليك تشيل واحد بس 😒
حسام : حرام انا ما عدوك عشان تعامليني كدا
... ما اشتغلت بيهو قلت أعمل كيكة شوكولا هدية مني لريم قلت لحسام ............
انا : في بودرة شوكولا ولا لا 😒
... قال لي بجدية...........
حسام : في الرف الفوق في بودرة شوكولا وفي الثلاجة في جردل 😒
انا : أوكي
... فتحت باب الرف وحاولت اصل لعلبة الشوكولاتة بس ما قدرت اصل ليهو حسام لمن شافني ضحك وجاء علي و قال لي.........
حسام : بالجد القصر مشكلة خليهو انا بنزلو ليكي
... انا أصلا مغيوظة منو قلت ليهو........
انا : لا✋ شكراً ما محتاجة مساعدتك 😒بنزلو براي وبعدين انتو عاملين الرفوف دي فوق زيادة عن اللزوم 😒
حسام : ما حتقدري تنزليهو
انا : بقدر 😒
حسام : نشوف نهاية عنادك 🌚
انا :😒😒😒
... حمرت ليهو وختيت الطربيزة جمب الرف وطلعت فوقها بقت تتهز لانها ما ثابتة حسام قال لي بجدية ...........
حسام : بيان انزلي حتقعي بطلي عناد 😕
... رغم إني خايفة اقع بس قلت ليهو بثقة........
انا : ما بخصك 😒
... بعد شلت العلبة ودايرة انزل الطربيزة زحت وجيت واقعة كنت مخمضة عيوني من الخوف حمدلله إنو حسام كان واقف جنبي وقعت فيهو شكلو كان متوقع إني اقع وكان مستعد لأنو طوالي مسكني وحوطني بيدينو الاثنين بقوة يعني بقى حاضني وانا محوطة يديني الاثنين حولين رقبتو كنت خايفة ومتمسكة بيهو قال لي بخوف........
حسام : إنتي بخير 😕
... فتحت عيوني ورفعت راسي من كتفو وعاينت ليهو وعاينت للأرض قلت ليهو.........
انا : انا بخير شكراً
... قال لي بغضب.........
حسام : بعض الأحيان العناد ما كويس 😒كان ممكن تقعي وتتكسري 😤
... الوضع كان محرج شديد يعني عينو في عيني والفرق بيناتنا انشات بس كنت بحاول اعاين اي شي الا هو قلت ليهو..........
انا : أوكي فهمت نزلني 😿
... نزلني وحمر لي وفات قعد في الطاولة رفعت علبة الشوكولا من الأرض حسام قال لي .............
حسام : بحب كيكة الشوكولا 🤠🌚
...عاينت ليهو بس ما رديت ليهو رجعت لشغلي جهزت عجين الكيك وكبيتو في قالبين واحد كبير وواحد وسط ودخلتو الفرن بعدا بديت اجهز صوص الشوكولا والزمن دا كلو حسام متابعني بنظراتو بالجد وترني بالذات بعد الموقف الحصل دا 😶 قلت ليهو بغيظ ..........
انا : حسام انا ما بعرف اشتغل لما يكون في زول مراقبني 😣
... ابتسم وقال لي..........
حسام : منو قال ليكي انا قاعد اراقبك😏 انا براقب في طريقة عمل كيكة الشوكولا عشان أتعلم 😌
انا : غياظ 😒
... قال لي بابتسامة..........
حسام : نفسي اعرف المزعلك شنو 🐸
... قلت ليهو بغضب......
انا : وعندك نفس تسأل 😒انت الطلبت مني نكون أصحاب وانت كمان القلت لي إنك ما بتعتبرني صديقتك ولما سألتك عن علاقتنا قلت لي ولا شي 😾
حسام : إنتي زعلانه عشان سبب تافه زي دا 🌚
... ما بعرف كيف بس لمن قال سبب تافه غاظني وما عرفت ارتب كلامي قلت ليهو بغضب........
انا : تافه 😒 صح كلامك سبب تاااافه جداا مافي شي بخليني أزعل منك ابدااااا 😾أصلاً نحن علاقتنا كانت بالغصب وبنكره بعض وما بنطيق بعض لي نبقى أصدقاء اصلااا اكيد دا خطأ كبير 😾😡😡 يلا اطلع برا المطبخ 😡
... اتخيلو قال لي ببرود.......
حسام : أوكي باااي 🌚
انا : 😤😒
... كنت بحمر ليهو لحدي ما طلع وفات غرفتو بعد طلع كنت بطنطن براي لاني زعلت منو شديد 😡 طلعت الكيك من الفرن بعد بردو شوية كبيت فوقهم الصوص ودخلتهم الثلاجة بعدا مشيت غرفتي اتدوشت ونمت 💤
... يتبع 🍁.......
