# حب بعد الانفصال ❤💔 (4)
انا : ممكن تركز معاي لازم أتكلم معاك في موضوع مهم😑
...قفل الملفات وعاين لي ورفع حاجبو 🤨 وقال لي...........
حسام : جاية تعتزري عن العملتيهو😑
... قلت ليهو بثقة......
انا : لا 😒 اصلا ما عملت شي بستاهل الاعتذار
... قال لي بسخرية.......
حسام : طيب يعني جاية تزوري زوجك المستقبلي 😏
انا : اكيد لا ، جيت اتكلم معاك في موضوع الزواج 😑 انا رافضه اتزوجك بس ما بقدر اقول لبابا كدا لاني وعدتو 😕 بس انت ممكن ترفض تتزوجني وكدا المشكلة بتتحلا🙂
... قال لي ببرود...........
حسام : عاوزاني انا ارفض اتزوجك وازعل بابا لانو انتي ما بتقدري تزعلي والدك 😒 اكيد لا🙂✋🏻
انا : حسام انت راجل يعني ما بقدرو يجبروك وغير كدا انت ما وعدت عمو 😑
حسام : انا كمان ما بقدر اكسر كلام بابا عشانك 🙂
انا : ارجوك افهمني 😬 نحن بنكره بعض وما بنطيق بعض كيف حنعيش مع بعض وكزوجين كمان😧
حسام : انتي عاوزاني اقيف في وش بابا وعمو ايمن واكسر آمالهم صح 😒 ديل اكتر شخصين انا بحبهم وبحترمهم ومستحيل ارفض ليهم طلب 😬 بس انتي ممكن ترفضي لانو دي ما اول مرة ترفضي فيهو الزواج🙂
انا : بس انا وعدتو 😬
... قال لي ببرود ......
حسام : أوكي استعدي للزواج
...قلت ليهو بغضب......
انا : حسام😬 انا جيت ليك عشان تمنع الزواج تقول لي استعد 😡
...قال لي بنفس البرود ........
حسام : ايوا انا ما حأكون السبب في فشل الزواج واذا ما بتقدري تتزوجيني امشي لبابا وعمو ايمن وارفضي وكدا بتنتهي القصه 🙂
... قلت لي بغضب..........
انا : انا بكرهك 😬 وصدقني لو ما رفضت الزواج دا انا حأدمر ليك حياتك 😡 وبخليك تكره اليوم الاتزوجتني فيهو😡
حسام : نفس الأحاسيس 😇 طيب لو خلصتي
... قال لي كدا وعاين على الباب قلت ليهو. ...
انا : اكيد حأطلع 😡 بتمني ليك اجتماع فاشل زيك😒
حسام : دعواتك لي😏
.. غاظني وعشان اغيظو قلت ليهو.....
انا : بس متشوقة اعرف حصل شنو لحبيبت قلبك رزة😏
..قال لي ببرود.....
حسام : ما حصل شي مهم بس انفصلنا 🙂
... طبعاً اتصدمت دا وقت انفصال هسي😤 كانت املي الوحيد عشان الزواج دا يفشل 🙄 قلت ليهو بحزن ............
انا : انفصلتو 😟
.. قال لي بثقة....
حسام : ايوا هي ما اول حبيبة انفصل عنا 😏
... قلت ليهو بسخرية....
انا : وانا كمان ما اول زوجة حتنفصل عنا 😒
... ملامح وشو اتخيرت وغضب 😠 ما اشتغلت بيهو قبل ما يرد لي طلعت من مكتبو ..اخدت لي امجاد وصلني البيت ..لقيت ماما وبابا مسيت ليهم ودخلت غرفتي بغضب وقعدت اتكلم مع نفسي ''' املي الوحيد كان حبيبتو الحنكوشه ديك بس للاسف انفصلو وبسببي ، انا الضيعت فرصتي بإيدي آااااخ غبيه غبيه غبيه 😬 المشكلة انو بكرة لازم اكلم بابا بقراري 😓 مافي أغبى مني في العالم وين كان عقلي لمن وعدت بابا 🙄عندي خيارين بس اما أرضا بالسيد مغرور واكسب رضا بابا وعمو او ارفضو واجرح بابا وعمو 😰💔'''' بعد تفكير طويل ما قدرت انوم قمت اتوضيت وصليت ركعتين ودعيت ربنا يقويني ويساعدني 🤲🏻بعدا نمت 💤 ، تاني يوم الصباح قعدين نشرب في الشاي قلت لبابا...........
انا : انا موافقة 😔
... ماما قالت لي بحيرة .......
ماما : على شنو 🤔
... قلت ليها وانا بعاين لبابا........
انا : موافقة اتزوج حسام 😕
... ظهرت الفرحة في وش بابا وقال لي بابتسامه................
بابا : كنت بعرف انك مستحيل تعارضيني ، ربنا يرضى عليكي يا بتي 😻❤
... ماما قالت ليهو.......
ماما : ايمن لو سمحت فكر مرة تانية عشان مستقبل بتنا
... بابا قال ليها...........
بابا : ايمان حسام زي ولدنا وما حنلقى أفضل منو لبيان
ماما : انا واثقة من حسام بس انت عارف بعد الحصل ليهو مع مها بقى قاسي وقفل قلبو واكيد صعب يتقبل بيان في حياتو
بابا : حتى بتك ما ادت فرصة لاي شخص ، يمكن هم الاثنين زي بعض
... قاطعتم وقلت ليهم........
انا : كملو نقاشكم انا ماشة الشغل 🙄
...وقبل ما يردو لي شلت شنطتي وطلعت ،ما قدرت اركز في الشغل اخدت اذن وطلعت اتصلت لجيهان كلمتها شكلو اصلا ماما كلمتها بس برضو قعذت تشكر لي حسام 😕 قفلت منها واتصلت لشهد قالت لي هي في البيت مشيت ليها بعد قعدت معاها قلت ليها..................
انا : شهد انا ما قادرة اتخيل حياتي معاهو
شهد : بيبو انتي وافقتي بيهو حاولي اتأقلمي معاهو يمكن تفهمو بعض وتقدرو تعيشو مع بعض ومستقبلآ ممكن مشاعركم تتغير 🙂
انا : شهد ختي نفسك محلي اتخيلي انا مجبورة اعيش معاهو
شهد : طيب اديني سبب واحد بخليكي تكرهي غير الحصل ليهو مع مها 😕
بيان : بكرهو كدا بس لله في الله ، وما بطيقو 😬
شهد : طيب انتي ما اتكلمتي معاهو
انا : ما استفدت اي شي لانو هو كمان شكلو مجبور على الزواج زي ☹
شهد : طيب كدا انتو متفقين ، الاثنين رافضين الزواج وبتكرهو بعض ،اتكلمي معاهو مرة تانية وفهميمو انو زواجكم مجرد صفقة عشان ترضو اهلكم
انا : اصلا انا حأكرهو حياتو 😏 حيطلقني غصبآ عنو
شهد : بيبو بدون جنون 🙄
انا : انا قررت ما اتعب حالي وتفكيري في الزواج دا ، لانو مجرد لعبة بالنسبة لي وذي ما بدأ حينتهي 😏😪
شهد : دي بيبو الانا بعرفا قوية ومستحيل اي زول يقدر عليها🌝
انا : يلا طيري من وشي عايزة انوم 🐸 كفاية كل الليل كنت بفكر في الصفقة دي
شهد : الجن ولا النفسيات 🙄
... صمتة تلفوني ورقدت واتوكلت قلت انا مالي شاغله بالي الكاتبو ربنا بحصل وأخيراً قدرت انوم 😴⏰تخيلو نمت من بعد الفطور صحيت بعد العصر ،، قمت سريع صليت وطلعت لقيتهم قاعدين في الحوش القعدة الأسرية الحلوة ديك 😻 قعدت معاهم وبعد مسيت عليهم قلت ليهم..............
انا : خالتو بلسم وعمو محمد انا بعتبركم اسرتي التانيةوما برضى تسمعو من غيري ، يمكن اتزوج قريب
محمد : زواجك اتقرر
بلسم : بيان مين سعيد الحظ الخلاكي توافقي تتزوجي
انا : حسام ولد عمو ايمن 😪
محمد : حسام نعمة الولد مسؤول وقدر حالو ربنا يتمم ليكم على خير
بلسم : مبروك مقدماً حبيبتي
... أثناء كلامهم شادي جاء داخل قال ليهم............
شادي : شنو المباركات دي في شنو
... شهد نطت وقالت ليهو...........
شهد : لانو بيبو حتتزوج قريباً
... شادي عاين لي وقال لي........
شادي : الف مبروك وربنا يتمم ليكي على خير
انا : تسلم
... عاين لشهد وبعدا اتلفت لي وقال لينا......
شادي : وأخيراً حنتخلص منك عقبال صحبتك البايرة دي 😛😂😂
... انا وشهد قمنا عشان نضربو وهو مرة يتدسة ورا عمو ومرة ورا خالتو 😂😂 غايتو تعبناهم تعب 😂 خالتو دائماً بتقول لينا انتو مستحيل تعقلو ' وعمو بقول لينا انتو حاله ميئوس منها 😂،،بعد إزعاج تاني قعدنا نتونس ، في النهاية حنست شادي عشان يقدمني بشارع بوبي 🌝😂شادي ما قصر وصلني للبيت لمن دخلت لقيت بابا قاعد في الصالون مسيت عليهو وماشة غرفتي بابا قال لي ..........
بابا : بيان تعالي اقعدي جمبي هنا
.... مشيت قعدت جنبو عاين لي مسافة وقال لي...............
بابا : زعلانه من بابا 😕
... سكت وما رديت ليهو قال لي........
بابا : طيب انتي حرة لو ما عاوزة تتزوجي بس ما تزعلي مني
... بقى يتكلم بعتاب وبراءة قال لي........
بابا : كنت عايز اضمن مستقبلك واطمن عليكي عشان اموت وانا مرتاح وواثق انو بتي بين ايدي امينة مع شخص بهتم بيها وبكون سندا في الحياة بعدي 💔
... بابا بعرف يستقل نقطة ضعفي ، ما بقدر اشوفو حزين 😞 بستو في راسو و قلت ليهو ........
انا : بابا ❣انا مستحيل أزعل منك ،وانت مستحيل تختار لي زول سئ ، ما دام انت موافق عليهو معناهو اكيد هو المناسب لي 🙂
... ابتسم وقال لي.......
بابا : يعني ما زعلانه من بابا
انا : زعلانه بس ما من بابا زعلانه لاني حأبعد من بابا 😞💔
بابا : يا روح البابا ، بس لازم تستقري في حياتك وبابا دائماً جنبك
انا : توعدني
بابا : بوعدك 💚
انا : طيب ممكن أسألك سؤال
بابا : اكيد حبيبتي
انا : خلينا نفترض انو بعد الزواج انا وحسام ما اتفقنا او حصل بيناتنا مشاكل وقررنا ننفصل
... قاطعني وقال لي.......
بابا : اتفائلي بالخير وان شاء الله ما يحصل بينكم الا كل خير ،، بس صدقيني لو حسام خلط في حقك انا اول واحد حأقيف ضدو
... عاين لي بجدية وقال لي........
بابا : اوعديني انك تدي فرصة لحسام ، واذا ما حتنفذي ما توعديني عالفاضي 😕
انا : بوعدك بابا ، المهم انت خليك مبسوط 🙂
بابا : انا بكون مبسوط لمن اشوفك مبسوطة 🙂
... قمت بست بابا في يدو وفي راسو😗 وقلت ليهو ......
انا : تصبح على خير
... قال لي بابتسامه ............
بابا : بكره ما تطلعي لانو حيجو يتقدمو رسمي
... مسكت أعصابي وقلت ليهو بابتسامه مصطنعه.........
انا : حاضر بابا 🙂
... دخلت غرفتي بعدا اخدت نفس عميق وقلت ''' اهم شي رضا بابا ، عشان كدا قدام بابا واسرتنا حأمثل اني متقبلاك بس حتشوف العجائب سيد مغرور 😬 بكرة جايين يتقدمو رسمي حلوووو😏 تعال سيد مغرور انا في انتظارك 😏😏😏''' بعدا نمت ومتأملة اليوم التاني يجي بسرعه 😏
كسرة 💟...
*ثُم ماذا😴🎼💞ثم إن العثرات التي تصيبك🙁🖤 لا تجعل منك ضعيفا إلا إن أردت أن تكون ضعيفا 😴🔕🎼،و إن القلب يزهر كل مرة دون إلتزام الفصول🙂💓💙✨ ، إنك اقوى من أن تضعف💙💗، كما أن هناك سعادة محفوظة العلالي💕 لأجلك فلا تضعف ولا تيأس ودع قلبك يزهر أملاً 💚🌸🍃💙لا تضعف* انت أقوى من ذلك 🙂
... يتبع 🍁.......
